1 Tētārōnika 1:9 - Rapa Nui

⁹ Kona nō era, paꞌi, o mātou e tuꞌu era, e ꞌaꞌamu rō ꞌā te nuꞌu he aha te meꞌe i topa ki a kōrua hora tuꞌu atu era o mātou, pē hē kōrua i hārui ai hai tuaꞌivi i te ꞌītoro mo haꞌamuri mau nō ki te ꞌAtua ora ꞌe parautiꞌa.

1 Tētārōnika 1:9 ပူးပေါင်းရင်းမြစ်များ

Māteo 16:16

He pāhono ia e Tīmona, e kī takoꞌa era ko Pētero: —A koe he Kiritō, he Poki o te ꞌAtua ora.

Aŋa o te ꞌĀpōtoro 14:15

«¿He aha rā kōrua e aŋa ena i te meꞌe tuꞌu pē nā? A māua he taŋata pē kōrua ꞌā. I oho mai nei a māua mo haka ꞌite atu i te roŋo riva-riva o te ꞌAtua, ki haka rē ai a kōrua i te haꞌamuri iŋa ki te meꞌe taꞌe he ꞌatua parautiꞌa, ꞌe ki huri ai te kōrua manaꞌu ki te ꞌAtua ora, aŋa i te raŋi, i te henua, i te vaikava, ꞌe i te meꞌe taꞌatoꞌa ai o te ao.

Rōmano 9:26

ꞌE ꞌi te kona kī mau era ꞌā: “Taꞌe kōrua he taŋata ꞌāꞌaku”, ka kī ena: “He ŋā poki o te ꞌAtua ora a kōrua”».

1 Kōrinto 12:2

A kōrua ko ꞌite riva-riva ꞌana: hora era kai haka moe ꞌana i te manaꞌu ꞌi ruŋa i a Ietū, e haka rē nō ꞌana a kōrua i a kōrua mo haꞌamuri ki te ꞌītoro, ki te meꞌe reꞌo kore.

1 Tētārōnika 2:1

A kōrua mau ena, e te taina ē, e ꞌite rō ꞌana pē nei ē: kai māuꞌa te noho iŋa atu era o mātou ꞌi muri i a kōrua.

1 Tētārōnika 2:13

E māuru-uru rō ꞌā a mātou ki te ꞌAtua ꞌo te ai hora ŋaroꞌa era e kōrua i te roŋo haka ꞌite atu e mātou o ruŋa i a ia, he ꞌite e kōrua pē nei ē: he roŋo ꞌāꞌana, taꞌe ꞌō he roŋo o te taŋata. ꞌE he roŋo parautiꞌa mau ꞌā o te ꞌAtua, roŋo aŋa i te meꞌe haŋa e ia ꞌi roto i a kōrua i te nuꞌu haka moe i te manaꞌu ꞌi ruŋa i a Ietū.

1 Timoteo 4:10

Mo ira, e Timoteo ē, e aŋa ꞌe e haka ꞌuhu e oho nei a tātou ꞌi te aŋa o te ꞌAtua ora, ꞌo te ꞌite e tātou e haka tano tahi rō i tāꞌana meꞌe kī. ꞌĀꞌana, paꞌi, te haka eꞌa i te taŋata taꞌatoꞌa mai roto i te ūtuꞌa o te hara ꞌe te vaꞌai i te ora ꞌāpī ꞌina he hopeꞌa raꞌa ana haka moe i te manaꞌu ꞌi ruŋa i a Ietū.

ꞌEvereo 12:22

ꞌE te tātou haka hāhine ki te ꞌAtua ora, e te taina ē, taꞌe pē ira. E hāhine nei tātou ki a ia e tuꞌu rō ꞌana pa he meꞌe: ko uru tī-tika ꞌā a tātou ki muꞌa ōꞌona ꞌi te maꞌuŋa era ko ⌊Tione⌋ ꞌi Hērutarema o te raŋi, he kona ꞌi ira e taka-taka ena meꞌe rahi nō atu merahi e koa rō ꞌā,

1 Iovani 5:21

E ŋā poki, e uꞌi kōrua ꞌo haꞌamuri rō ki te meꞌe taꞌe he ꞌAtua parautiꞌa.

Meꞌe Haka Takeꞌa 17:2

Te ꞌariki taꞌatoꞌa o te ao ko moe tahi ꞌā i te taiꞌo nei, ꞌe ko taꞌero tahi ꞌana te nuꞌu o te ao ꞌi tāꞌana ꞌava, te auraꞌa, ko haka rē ꞌana i a rāua mo haka tere e te meꞌe taꞌe tano aŋa e te viꞌe nei, he haꞌamuri ki te meꞌe taꞌe he ꞌAtua parautiꞌa».