1 Tētārōnika 1:6 - Rapa Nui

⁶ ꞌE a kōrua ko haka tano ꞌana i te kōrua noho iŋa pa he noho iŋa ꞌana o mātou, ꞌe pa he noho iŋa takoꞌa o te tātou Pūꞌoko Haka Tere ko Ietū Kiritō. ꞌE, ka ai atu e topa rō atu ꞌana te ꞌati ꞌi ruŋa i a kōrua, i toꞌo nō kōrua i te roŋo nei mo kōrua hai koa vaꞌai atu e te Vārua Maitai.

1 Tētārōnika 1:6 ပူးပေါင်းရင်းမြစ်များ

Māteo 16:24

He kī ia e Ietū ki tū nuꞌu taꞌatoꞌa hāpī era ꞌāꞌana: «Te kope haŋa mo riro ōꞌona he taŋata hāpī ꞌāꞌaku e haka rehu i a ia mau ꞌā, ꞌai ka ꞌamo rō i tōꞌona tātaurō, te auraꞌa, e vaꞌai i a ia ꞌātā mo mate ꞌi te aŋa iŋa i tāꞌaku meꞌe haŋa.

Iovani 8:12

Ko roa atu ꞌā te hora he vānaŋa haka ꞌou a Ietū ki te taŋata, he kī pē nei ē: —A au he mōrī haka māꞌeha i te manaꞌu o te taŋata o te ao; te kope oho mai ki a au e ko oho a roto i te pōhāhā. He ai i a ia te mōrī vaꞌai i te ora ꞌāpī ꞌina he hopeꞌa raꞌa.

Aŋa o te ꞌĀpōtoro 13:52

ꞌE, te nuꞌu haka moe i te manaꞌu ꞌi ruŋa i a Ietū haka rē e kuā Pauro ꞌi Antiokia o Pitiria ko koa atu ꞌana ꞌe ko ꞌī ꞌā e te pūai o te Vārua Maitai.

Aŋa o te ꞌĀpōtoro 5:41

He oho ia tū ŋā ꞌāpōtoro era mai muꞌa o rā nuꞌu ko toꞌo ꞌā te koa, he ꞌite ko haka nui-nui ꞌā a rāua e te ꞌAtua ꞌi te haka rē mo ꞌamo i te ꞌati ꞌo te ai o rāua ꞌa Ietū.

Aŋa o te ꞌĀpōtoro 9:31

ꞌI rā hora, ꞌi te taꞌe kimi haka ꞌou e te taŋata mo tōtōā, he ŋaroꞌa te ora e te nuꞌu haka moe i te manaꞌu ꞌi ruŋa i a Ietū o te kona taꞌatoꞌa o Hūrea, o Karirea ꞌe o ⌊Tāmāria⌋, ꞌe he haka hio-hio he oho i te rāua manaꞌu ꞌi ruŋa i a Ietū. He moꞌa nō te aŋa i te ꞌAtua, ꞌe, hai hāꞌūꞌū o te Vārua Maitai, e ꞌata rahi e oho era a rāua.

Rōmano 15:13

Mo te ꞌAtua haka aŋi-aŋi mai e haka tano rō ꞌana i tāꞌana hōrea e ꞌata haka koa ꞌe e ꞌata haka haumārū atu i a kōrua i te nuꞌu ⌊haka moe i te manaꞌu⌋ ꞌi ruŋa i a ia, ꞌe māꞌana takoꞌa e ꞌata haka aŋi-aŋi atu, hai pūai o te ⌊Vārua Maitai⌋, e ko taꞌe aŋa a ia i tāꞌana meꞌe hōrea.

1 Kōrinto 11:1

E te taina, e haka tere kōrua pē au, pa he haka tere iŋa nei ōꞌoku i a au pa he ⌊Kiritō⌋.

1 Kōrinto 11:2

E koa rō ꞌana a au ꞌo te rava manaꞌu mai o kōrua ki a au ꞌe, takoꞌa, ꞌo te maꞌu ꞌo te oho nō o kōrua i te hāpī haka ꞌite atu era e au.

1 Kōrinto 4:16

ꞌO ira ꞌī a au he ani atu: e haka tano te kōrua manaꞌu ꞌe te kōrua noho iŋa pē au.

2 Kōrinto 6:10

E tuꞌu rō ꞌā a mātou pa he nuꞌu e mamae rō ꞌā te māhatu, ꞌe, ka ai atu pē ira, ko te koa iŋa ꞌā. E uꞌi mai ena i a mātou pa he nuꞌu veve, ꞌe, ka ai atu pē ira, e rahi rō ꞌā te nuꞌu haka ꞌono e mātou. E tuꞌu rō ꞌā pa he meꞌe ena ē: ꞌina e tahi mātou meꞌe, ꞌe te parautiꞌa e ai tahi rō ꞌā.

2 Kōrinto 8:5

ꞌE taꞌe he moni nō te meꞌe i vaꞌai mai e te nuꞌu nei, pa he meꞌe manaꞌu era e mātou. ꞌI raꞌe i vaꞌai ai i a rāua mo tāvini ki te ꞌAtua, ꞌe ki oti ki a mātou, pa he meꞌe haŋa o te ꞌAtua.

Karatia 5:22

ꞌE te meꞌe poreko ꞌi roto i te nuꞌu haka tere e te Vārua Maitai ko te ŋā meꞌe nei: he haŋa, he koa, he haumārū, he ꞌite mo haꞌaoromaꞌi, he huru riva, he māhatu ꞌaroha, he haka tano iŋa i te meꞌe kī,

Ēfeto 5:1

Pa he ŋā poki haŋa rahi kōrua o te ꞌAtua, e tuꞌu kōrua pē ia.

Fīripo 3:17

E te taina, e haka tano te kōrua noho iŋa pa he noho iŋa ōꞌoku ꞌe o te nuꞌu te rāua noho iŋa pa he noho iŋa takeꞌa e kōrua ꞌi ruŋa i a au.

2 Tētārōnika 1:4

ꞌO ira a mātou e vānaŋa nei hai koa o ruŋa i a kōrua ꞌi roto i te nuꞌu ⌊haka moe i te manaꞌu⌋ ꞌi ruŋa i a Ietū ꞌi te kona taꞌatoꞌa tuꞌu o mātou. E ꞌaꞌamu rō ꞌā e mātou pē hē kōrua e haka moe e oho nō ena i te manaꞌu ꞌi ruŋa i a Ietū, ꞌina he ꞌaka-ꞌaka te kōrua manaꞌu, ka ai atu e rahi rō ꞌana te ꞌati topa atu ꞌe e ai rō ꞌana te nuꞌu tute i a kōrua mo tōtōā.

2 Tētārōnika 3:7

Ko ꞌite ꞌana a kōrua pē hē kōrua ana haka tere, mo tano o te kōrua noho iŋa ki te mātou noho iŋa. ꞌIna, paꞌi, mātou kai hupe-hupe ꞌi te hora era ꞌi muri i a kōrua,

2 Tētārōnika 3:9

ka ai atu e tano rō ꞌā a mātou mo kī atu mo hāꞌūꞌū mai. ꞌE i aŋa a mātou mo haka takeꞌa atu ki a kōrua pē hē kōrua ana haka tere i a kōrua.

2 Timoteo 4:2

e haka ꞌite e oho koe, e Timoteo ē, i te roŋo o te ꞌAtua, ka haŋa ꞌe ka taꞌe haŋa e te nuꞌu mo haka roŋo atu. Hai haumārū ana hāpī ꞌe ana haka ꞌite i te rāua hape, ana ture, ꞌe ana haka haŋu i te rāua manaꞌu.

ꞌEvereo 10:34

I haka ꞌaroha rō kōrua mo te nuꞌu puru ꞌi roto i te hare maꞌuꞌaurī, ꞌe ꞌātā hai koa e haka rē era e kōrua mo toꞌo e te nuꞌu i te kōrua hauhaꞌa, he ꞌite o kōrua: ꞌi te raŋi e ai rō ꞌā te meꞌe ꞌata hau rō atu e ko pau ki te hora hopeꞌa.

1 Pētero 1:6

ꞌO ira a tātou e koa nei, ka ai atu e ꞌamo rō ꞌā a tātou, mo te hora ꞌiti-ꞌiti, rauhuru atu ꞌati.

1 Pētero 1:8

A kōrua e haŋa rō ꞌana ki a Ietū Kiritō ka ai atu kai takeꞌa hia i a ia. ꞌE ꞌi te hora nei, ka ai atu ꞌina he takeꞌa, e haka moe rō ꞌana kōrua i te manaꞌu ꞌi ruŋa i a ia, ꞌe e rahi rō ꞌana te kōrua koa, he koa ꞌina he vānaŋa mo haꞌaauraꞌa.

1 Pētero 3:13

Mo aŋa mo oho nō o kōrua i te meꞌe riva-riva, ¿ko ai ia te meꞌe mo aŋa atu i te meꞌe rake-rake?

3 Iovani 1:11

E te taina, ꞌina koe ko aŋa i te meꞌe taꞌe tano aŋa e te rua; e aŋa koe i te meꞌe riva-riva. Te kope aŋa i te meꞌe riva-riva, o te ꞌAtua; ꞌe te kope aŋa i te meꞌe rake-rake, kai māhani ꞌā i te ꞌAtua.