1 Tētārōnika 1:10 - Rapa Nui

¹⁰ ꞌE e ꞌaꞌamu takoꞌa rō ꞌana rā nuꞌu pē hē kōrua e tiaki ena ki te hoki iŋa mai mai te raŋi o tāꞌana Poki ko Ietū, kope haka ora e te ꞌAtua mai te mate, ꞌe kope haka eꞌa i a tātou mai te ūtuꞌa taparahi-taꞌata, ūtuꞌa nā e tuꞌu rō mai.

1 Tētārōnika 1:10 ပူးပေါင်းရင်းမြစ်များ

Māteo 1:21

Nā e poreko rō poki tane, ꞌe he nape e koe i te ꞌīŋoa ko Ietū; māꞌana, paꞌi, e haka eꞌa i tōꞌona taŋata mai roto i te ūtuꞌa o te hara».

Māteo 16:27

Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Māteo 16:28

ꞌE ꞌī a au he kī atu: tētahi nuꞌu o te kona nei e ko mate hia ka takeꞌa rō ena te oho iŋa mai o te Poki o te taŋata ꞌi ruŋa i a ia te parau mo haka tere».

Māteo 3:7

I takeꞌa era e Iovani meꞌe rahi te ⌊fariseo⌋ ꞌe te ⌊saruseo⌋ i tuꞌu mo papatito, he kī: «¡E te huaꞌai o te kōreha veneno ē! ¿ꞌA ꞌai i kī atu he eꞌa kōrua mai roto i te ūtuꞌa nui-nui ena ko hāhine mai ꞌā?

Ruka 2:25

ꞌI rā noho iŋa e ai rō ꞌana e tahi taŋata noho ꞌi Hērutarema te ꞌīŋoa ko Timione, taŋata tano ki te mata o te ꞌAtua, haꞌamuri ꞌe moꞌa ki a ia; he tiaki nō te aŋa ki te mahana mo haka koa e te ꞌAtua i te itaraera hai uŋa i te Kiritō. ꞌI ruŋa i a Timione te ⌊Vārua Maitai⌋ ꞌe

Ruka 3:7

I tuꞌu era te taŋata mo papatito i a rāua, he kī e Iovani: —¡E te huaꞌai o te kōreha veneno ē! ¿ꞌA ꞌai i kī atu e ora rō kōrua mai roto i te ꞌati he ūtuꞌa nā e oho mai ena?

Aŋa o te ꞌĀpōtoro 1:11

He kī: «E te taŋata o Karirea ē, ¿he aha rā i no-noho i uꞌi rō ai a te raŋi? A Ietū noho atu era ꞌi muri i a kōrua, iri ena ki te raŋi, ko ia ꞌā nā ka hoki mai ena. Pa he iri iŋa ena ōꞌona takeꞌa ena e kōrua, pē ira ꞌana tōꞌona hoki iŋa mai».

Aŋa o te ꞌĀpōtoro 17:31

Te ꞌAtua ko uꞌi era ꞌana i te mahana mo ture e te kope haꞌataꞌa e ia i te taŋata taꞌatoꞌa o te ao hai tī-tika ꞌe hai parautiꞌa. ꞌE hai haka ora i rā kope mai te mate i haka aŋi-aŋi ai e te ꞌAtua ki te nuꞌu taꞌatoꞌa ko ai rā kope».

Aŋa o te ꞌĀpōtoro 2:24

I oho era he haka ora e te ꞌAtua, he haka eꞌa mai te ꞌati o te mate i a Ietū; taꞌe, paꞌi, te mate mo rē ki a ia.

Aŋa o te ꞌĀpōtoro 2:32

»Te ꞌAtua ko haka ora ꞌā i a Ietū mai te mate ꞌe he mataꞌite a mātou taꞌatoꞌa o rā meꞌe.

Aŋa o te ꞌĀpōtoro 3:15

»Pē ira a kōrua i tiŋaꞌi i haka mate ai i te taŋata vaꞌai mai i te ora ꞌāpī ꞌina he hopeꞌa raꞌa. ꞌE, ka ai atu pē ira, ko haka ora ꞌā e te ꞌAtua mai te mate; a māua he mataꞌite.

Aŋa o te ꞌĀpōtoro 3:21

»ꞌE mo te hora nō nei a Ietū Kiritō ana noho ꞌi te raŋi ꞌātā ki te haka riva-riva iŋa e te ꞌAtua i te meꞌe taꞌatoꞌa, pa he meꞌe haka ꞌite mai hai tāꞌana ŋā perofeta era o muꞌa ꞌā.

Aŋa o te ꞌĀpōtoro 4:10

ꞌĪ a māua he kī atu ꞌi muꞌa i a kōrua ꞌe ꞌi muꞌa i te taŋata taꞌatoꞌa o Itaraera: te taŋata nei e māroa atu ena ꞌi muꞌa o kōrua i ora ai hai ꞌīŋoa o Ietū Kiritō o Nātāreta tiŋaꞌi e kōrua ꞌi ruŋa i te tātaurō, ꞌe haka ora e te ꞌAtua mai te mate.

Rōmano 2:7

Ki te nuꞌu aŋa oho i te meꞌe riva-riva ꞌi te manaꞌu ki te mahana era mo haka koa ꞌe mo haka nui-nui i a rāua e te ꞌAtua, ꞌe ꞌi te haŋa mo ai ꞌi muri i a ia pe muꞌa ka oho ena, ki a rāua ka vaꞌai ena e te ꞌAtua i te ora ꞌāpī ꞌina he hopeꞌa raꞌa.

Rōmano 4:25

vaꞌai era ki te mate mo te tātou hara, ꞌe haka ora haka ꞌou era mai te mate mo riro o tātou he taŋata tano ki te mata o te ꞌAtua.

Rōmano 8:34

¿Mā ꞌai e kī i te ūtuꞌa mo rāua? Ko Ietū Kiritō, paꞌi, te meꞌe i mate mo rāua koia ko ora mai te mate ꞌe ꞌai te pāꞌiŋa mataꞌu o te ꞌAtua e noho ena e ani ꞌana mo tātou.

1 Kōrinto 1:7

ꞌO ira, e tiaki nō ena kōrua ki te mahana o te hoki iŋa haka ꞌou mai o te tātou Pūꞌoko Haka Tere ko Ietū Kiritō, e ko hape mai i a kōrua e tahi meꞌe o te meꞌe taꞌatoꞌa vaꞌai e te ꞌAtua ki tāꞌana nuꞌu mo aŋa i tāꞌana aŋa.

Karatia 3:13

Te meꞌe nō, ko ꞌite ꞌā e tātou taꞌatoꞌa, ꞌina e tahi kope mo ravaꞌa i rā meꞌe. ꞌO ira ko tano riva-riva ꞌā mo ai ꞌi ruŋa i a tātou i te taŋata te ūtuꞌa kī e te ꞌAtua. ꞌE a Ietū i haka kore i te ūtuꞌa mai ruŋa i a tātou hai ꞌamo e ia i rā ūtuꞌa hora mate era ꞌi ruŋa i te tātaurō. E hāꞌaki rō ꞌana, paꞌi, ꞌi ruŋa i te Pāpaꞌi Moꞌa: «Te ūtuꞌa o te ꞌAtua ꞌi ruŋa i te kope mate ꞌi ruŋa i te tātaurō».

Fīripo 3:20

ꞌE a tātou, te nuꞌu haka moe i te manaꞌu ꞌi ruŋa i a Ietū, o te raŋi; ꞌe e tiaki ꞌana ki te topa iŋa mai o Ietū Kiritō, Pūꞌoko Haka Tere o tātou, he kope haka eꞌa i te taŋata mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa,

Kōrosa 1:18

A ia he Pūꞌoko Haka Tere o tātou o te nuꞌu taꞌatoꞌa haka moe i te manaꞌu ꞌi ruŋa i a ia, ꞌe a tātou pa he hakari ōꞌona. Māꞌana e haka tika mai, pa he pūꞌoko e haka tika ena i tōꞌona hakari. ꞌE a ia takoꞌa he kope raꞌe i haka ora e te ꞌAtua mai te mate, ki ai ai ko ia te raꞌe ꞌi te meꞌe taꞌatoꞌa.

1 Tētārōnika 1:7

Pē ira te kōrua noho iŋa i ai ai he meꞌe mo aŋi-aŋi pē hē te noho iŋa tano ki te mata o te ꞌAtua mo te nuꞌu taꞌatoꞌa haka moe i te manaꞌu ꞌi ruŋa i a Ietū o te ŋā kona era o Mātērōnia ꞌe o Ākāia.

1 Tētārōnika 2:16

E haŋa era, paꞌi, mātou mo vānaŋa ki te nuꞌu taꞌe he hūrio o ruŋa i a Ietū, mo eꞌa o rāua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa, ꞌina he haka rē i a mātou e nei ŋā hūrio mo vānaŋa. Pē ira e haꞌaputu e oho ena i te rāua hara ki te roa hopeꞌa. ꞌE hora nei, te meꞌe toe mo rāua he ūtuꞌa o te ꞌAtua.

1 Tētārōnika 2:7

ka ai atu e tano rō ꞌana, pa he ⌊ꞌāpōtoro⌋ ꞌa Ietū, mo haka ꞌite atu ko ai a mātou. Hora era o mātou ꞌi muri i a kōrua e aŋa atu era hai haŋa, pa he matuꞌa vahine e hāpaꞌo ena i tāꞌana ŋā poki.

1 Tētārōnika 5:9

Taꞌe, paꞌi, mo ꞌamo i te ūtuꞌa te ꞌAtua i haꞌataꞌa ai i a tātou; mo eꞌa o tātou mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa hai Ietū Kiritō, Pūꞌoko Haka Tere o tātou.

2 Timoteo 4:1

ꞌI muꞌa o te ꞌAtua ꞌe o Ietū Kiritō, kope ka oho mai ena pa he ꞌAriki nui-nui mo haka ūtuꞌa i te nuꞌu ora ꞌe i te nuꞌu mate, ka kī atu ena a au:

Tito 2:13

ꞌātā ka tuꞌu rō mai te meꞌe nui-nui tiaki e tātou: he hoki iŋa haka ꞌou mai o te tātou ꞌAtua pūai ko Ietū Kiritō, kope haka eꞌa i te taŋata mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

ꞌEvereo 10:27

Te meꞌe toe nō mo tātou he ture taparahi-taꞌata o te ꞌAtua, ꞌe he ahi pūai haka ūtuꞌa i te nuꞌu hārui i te ꞌAtua hai tuaꞌivi.

ꞌEvereo 9:28

Pē ira takoꞌa a Ietū Kiritō: e tahi mau nō vaꞌai iŋa i a ia mo mate pa he tūtia mo haka kore i te hara o te nuꞌu. ꞌE pe muꞌa ka oho ena he tuꞌu haka ꞌou mai a Ietū taꞌe ꞌō mo vaꞌai haka ꞌou i a ia pa he tūtia mo te hara o te taŋata, mo vaꞌai ki te nuꞌu tiaki ki a ia i te ora ꞌāpī ꞌina he hopeꞌa raꞌa.

1 Pētero 1:21

Hai Kiritō kōrua e haka moe ena i te manaꞌu ꞌi ruŋa i te ꞌAtua. ꞌE, ꞌo te haka ora e te ꞌAtua i te Kiritō mai te mate ꞌe ꞌo te haka nui-nui, e taꞌe haka tapa ena te kōrua manaꞌu mai ruŋa i te ꞌAtua ꞌe e ꞌite ena e kōrua e aŋa tahi rō e ia i tāꞌana meꞌe hōrea era.

1 Pētero 1:3

Ki haꞌahana-hana tātou i te ꞌAtua, Matuꞌa o te tātou Pūꞌoko Haka Tere ko Ietū Kiritō. A ia, paꞌi, ko vaꞌai mai ꞌana i te ora ꞌe i te noho iŋa ꞌāpī, he rahi o tōꞌona haka ꞌaroha mo tātou. ꞌE, ꞌi te ai ko haka ora ꞌana e ia i a Ietū mai te mate, e ꞌite nei a tātou e haka ora takoꞌa rō mai i a tātou mai te mate pe muꞌa ka oho ena,

1 Pētero 2:21

Mo nei meꞌe te ꞌAtua i haꞌataꞌa ai i a tātou. Te Kiritō, paꞌi, i ꞌamo rō pē ira i te ꞌati mo tātou, ꞌe pē ira i haka rē mai ai i te haꞌaauraꞌa pē hē a tātou ana haka tere.

1 Pētero 3:18

ꞌI te hara, paꞌi, o tātou i mate ai te Kiritō, ꞌe tōꞌona mate era mo te hora taꞌatoꞌa. ꞌIna e tahi ꞌāꞌana meꞌe taꞌe tano i aŋa ꞌe, mo haka riva-riva i a tātou ki te ꞌAtua, i ꞌamo ai i te ūtuꞌa o te mate mo tātou, nuꞌu aŋa i te meꞌe taꞌe tano. Ka ai atu i mate rō tōꞌona hakari taŋata, he vārua ōꞌona te meꞌe i taꞌe mate.

2 Pētero 3:12

e tiaki ena kōrua ki te tuꞌu iŋa mai o te mahana era o te ꞌAtua, koia ko haŋa mo tuꞌu hōrou mai o rā mahana. ꞌI rā mahana he haka kore tahi e te ahi i te raŋi ꞌe i te meꞌe taꞌatoꞌa o ruŋa pa he raꞌā, hetuꞌu ꞌe māhina; he tehe tahi ꞌi roto i te ura o te ahi.

2 Pētero 3:14

ꞌO ira, e te taina ē, e tiaki ꞌana kōrua ki nā meꞌe, e uꞌi te kōrua noho iŋa, ꞌo ai te hape mo tuhi iŋa atu, ꞌe e ai te haumārū ꞌi roto i a kōrua, ki koa ai te tātou Pūꞌoko Haka Tere ko Ietū Kiritō ꞌi te hora o tōꞌona hoki iŋa mai.

Meꞌe Haka Takeꞌa 1:18

he kope e ora rō ꞌā. I mate rō a au, ꞌe, hora nei, he ora he oho mau rō ꞌai ꞌātā ki te hopeꞌa raꞌa. Te tāviri o te mate i a au.

Meꞌe Haka Takeꞌa 1:7

ꞌIna ko rehu: ¡ꞌI ruŋa i te raŋi tea-tea ka oho mai ena a Ietū! Taꞌatoꞌa nō ka takeꞌa ena, ꞌātā te nuꞌu ꞌo-ꞌoka era i a ia. Te taŋata taꞌatoꞌa o te ao taꞌe haka moe i te manaꞌu ꞌi ruŋa i a ia e ŋaroꞌa rō i te māui-ui ki roto i te ivi o ruŋa i a ia. He aŋi mau ꞌā, pē ira ka topa ena.