1 Tētārōnika 1:1 - Rapa Nui

¹ A au, a Pauro, a Tirivano ꞌe a Timoteo he ꞌaroha atu ki a kōrua ki te nuꞌu taꞌatoꞌa o Tētārōnika haꞌamuri ki te ꞌAtua Matuꞌa ꞌe ki te Pūꞌoko Haka Tere ko Ietū Kiritō. Ka ai ꞌi ruŋa i a kōrua te riva rahi ꞌe te haumārū o te ꞌAtua.

1 Tētārōnika 1:1 ပူးပေါင်းရင်းမြစ်များ

Aŋa o te ꞌĀpōtoro 15:22

He manaꞌu e te ꞌāpōtoro, e te nuꞌu pūꞌoko haka tere ꞌe e te nuꞌu taꞌatoꞌa haka moe i te manaꞌu ꞌi ruŋa i a Ietū mo toꞌo, mai roto i a rāua, i te nuꞌu mo uŋa ki Antiokia ꞌi muri i a Pauro ararua ko Verenāvē. He toꞌo ia i a Hura, kī takoꞌa ko Varasāvā, ꞌe i a Tira, he ŋāŋata hōnui o rāua.

Aŋa o te ꞌĀpōtoro 15:27

I uŋa atu ena i a Hura ararua ko Tira mo vānaŋa ꞌe mo haka aŋi-aŋi riva-riva atu i te meꞌe taꞌatoꞌa o ruŋa i te roŋo nei.

Aŋa o te ꞌĀpōtoro 15:40

He toꞌo ia a Pauro i a Tira mo hokorua i a ia. ꞌE te taina o Antiokia he pure ki te ꞌAtua mo hāpaꞌo i a rāua ararua ꞌi te kona taꞌatoꞌa ka oho era.

Aŋa o te ꞌĀpōtoro 16:19

Te nuꞌu haka aŋa i rā poki, i uꞌi era ꞌina he rāveꞌa toe mo ravaꞌa haka ꞌou e rāua i te moni hai rā poki, he ꞌa-ꞌaru i a Pauro ararua ko Tira, he maꞌu ki muꞌa o te nuꞌu ra-rahi ꞌi te kona taka-taka o te taŋata,

Aŋa o te ꞌĀpōtoro 16:25

Pe te ꞌahuru mā piti o te pō, e pure ꞌe e hīmene nō ꞌā a Pauro ararua ko Tira ki te ꞌAtua ꞌe te tētahi nuꞌu puru e haka roŋo ꞌana ki a rāua,

Aŋa o te ꞌĀpōtoro 16:29

He kī e tū taŋata era ki te nuꞌu ꞌauario mo vaꞌai i te mōrī. I tahuti i uru ai e rurū rō ꞌā ꞌi te riꞌa-riꞌa, he tū-turi a te vaꞌe o Pauro ararua ko Tira.

Aŋa o te ꞌĀpōtoro 17:11

Te hūrio o te kona nei ꞌata hau te riva-riva o te manaꞌu ki te nuꞌu hūrio o Tētārōnika. A rāua, paꞌi, e haka roŋo rō ꞌā hai māhatu i te vānaŋa o te ꞌAtua, ꞌe e taiꞌo rō ꞌā paurō te mahana i te Pāpaꞌi Moꞌa mo uꞌi hoki he parautiꞌa te meꞌe kī e kuā Pauro.

Aŋa o te ꞌĀpōtoro 18:5

I tuꞌu era a Tira ararua ko Timoteo mai Mātērōnia, he noho mau rō ꞌai a Pauro he haka ꞌite i te ⌊roŋo riva-riva o te ꞌAtua⌋ ꞌe he haka aŋi-aŋi ki te hūrio o Kōrinto: a Ietū he ⌊Kiritō⌋.

Aŋa o te ꞌĀpōtoro 19:22

He uŋa ia ki Mātērōnia e rua taŋata hāꞌūꞌū ki a ia ko Timoteo ararua ko Erato, ꞌe ko ia i ꞌata noho ꞌi ꞌĀtia.

Aŋa o te ꞌĀpōtoro 20:4

ꞌI muri i a Pauro i oho takoꞌa ai a Topatere o Vērea, poki ꞌa Piro; a Aritarako ꞌe a Sekuntano o Tētārōnika, a Kāio o Reve, a Timoteo, a Tīkiko ꞌe a Toropimo o ꞌĀtia.

2 Kōrinto 1:1

A au a Pauro, ⌊ꞌāpōtoro⌋ ꞌa Ietū Kiritō hai haŋa o te ꞌAtua, ꞌe te tātou taina nei ko Timoteo he ꞌaroha atu ki a kōrua ki te nūnaꞌa taŋata ⌊haka moe i te manaꞌu⌋ ꞌi ruŋa i a Ietū o Kōrinto, ꞌe ki te tētahi atu taina o te ŋā kona taꞌatoꞌa ena o Ākāia.

2 Kōrinto 1:19

A Ietū Kiritō, Poki era o te ꞌAtua, haka ꞌite atu era e au, e Tira ꞌe e Timoteo, kope taꞌe kī «ꞌē-ē» mo ꞌina, ꞌe «ꞌina» mo ꞌē-ē. A ia he ꞌē-ē mau ꞌā o te ꞌAtua;

Karatia 1:2

he ꞌaroha atu mātou ananake ko te taina taꞌatoꞌa o nei ki a kōrua ki te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū o Karatia.

Karatia 1:22

Te taina haka moe i te manaꞌu ꞌi ruŋa i a Ietū o Hūrea kai takeꞌa hia ꞌana i a au.

Ēfeto 1:2

Ka ai ꞌi ruŋa i a kōrua te riva rahi ꞌe te haumārū o te ꞌAtua Matuꞌa ꞌe o Ietū Kiritō, he Pūꞌoko Haka Tere o tātou.

Fīripo 1:1

A au, a Pauro, ꞌe a Timoteo, tāvini o Ietū Kiritō, he ꞌaroha atu ki a kōrua ki te nuꞌu o Fīripo haꞌataꞌa e te ꞌAtua māꞌana ꞌo te ⌊haka moe i te manaꞌu⌋ ꞌi ruŋa i a Ietū. Te ꞌaroha nei mo te taꞌatoꞌa o kōrua ananake ko te nuꞌu pūꞌoko haka tere o kōrua ꞌe ko te kōrua ⌊taina hāꞌūꞌū⌋.

Kōrosa 1:1

A au, a Pauro, ⌊ꞌāpōtoro⌋ ꞌa Ietū Kiritō hai haŋa o te ꞌAtua, ꞌe te tātou taina ko Timoteo,

2 Tētārōnika 1:1

A au, a Pauro, a Tirivano ꞌe a Timoteo he ꞌaroha atu ki a kōrua ki te nuꞌu taꞌatoꞌa o Tētārōnika haꞌamuri ki te ꞌAtua Matuꞌa ꞌe ki te Pūꞌoko Haka Tere ko Ietū Kiritō.

1 Timoteo 1:2

he ꞌaroha atu ki a koe, e Timoteo ē. A koe pa he poki parautiꞌa mau ꞌana ꞌāꞌaku ꞌi te haka moe iŋa i te manaꞌu ꞌi ruŋa i a Ietū. Ka ai ꞌi ruŋa i a koe te riva rahi, te haka ꞌaroha ꞌe te haumārū o te ꞌAtua, he Matuꞌa o tātou, ꞌe o Ietū Kiritō, he Pūꞌoko Haka Tere o tātou.

2 Timoteo 1:2

he ꞌaroha atu hai haŋa ki a koe, e Timoteo ē. A koe pa he poki parautiꞌa mau ꞌā ꞌāꞌaku. Ka ai ꞌi ruŋa i a koe te riva rahi, te haka ꞌaroha ꞌe te haumārū o te ꞌAtua Matuꞌa, ꞌe o Ietū Kiritō, he Pūꞌoko Haka Tere o tātou.

ꞌEvereo 13:23

Mo ꞌite o kōrua: te tātou taina ko Timoteo ko eꞌa ꞌana mai roto i te hare maꞌuꞌaurī. Mo hōrou ōꞌona mo tuꞌu mai, he maꞌu atu e au ꞌi te hora ōꞌoku ka oho atu ena uꞌi i a kōrua.

1 Pētero 5:12

A Tirivano i hāꞌūꞌū mai mo pāpaꞌi atu i te parau nei. Mōꞌoku a ia he taina taꞌe haka rē i te ꞌAtua ki te hora hopeꞌa. Tāꞌaku meꞌe ꞌiti-ꞌiti haka pāpaꞌi atu ena he meꞌe mo hatu ꞌe mo haka aŋi-aŋi atu pē nei ē: te riva rahi ꞌe te haŋa o te ꞌAtua ꞌi ruŋa i a kōrua. ꞌO ira, e uꞌi ꞌo hārui rō hai tuaꞌivi i tōꞌona haŋa mo kōrua.

1 Iovani 1:3

E haka ꞌite atu ena o ruŋa i tū kope takeꞌa ꞌe ŋaroꞌa era e mātou, mo ravaꞌa takoꞌa e kōrua i te ora ꞌāpī nei i a mātou, he ora i te ꞌAtua Matuꞌa ꞌe i tāꞌana Poki ko Ietū Kiritō,

Hura 1:1

A au, a Hura, tāvini o Ietū Kiritō, ꞌe taina o ⌊Tanatiako⌋, he ꞌaroha atu ki a kōrua ki te nuꞌu haŋa e te ꞌAtua Matuꞌa ꞌe haꞌataꞌa māꞌana, he nuꞌu hāpaꞌo ꞌa Ietū Kiritō.