1 Pētero 5:14 - Rapa Nui

¹⁴ E ꞌaroha kōrua ki te kōrua taina hai māhatu. Ka ai te haumārū ꞌi roto i a kōrua taꞌatoꞌa, e te nuꞌu o te Kiritō ē.

1 Pētero 5:14 ပူးပေါင်းရင်းမြစ်များ

Māteo 5:47

ꞌE mo ꞌaroha o kōrua ki te kōrua taina mau nō, ¿he aha ia te meꞌe nui-nui o kōrua i aŋa? ꞌĀtā te nuꞌu taꞌe ꞌite ko ai te ꞌAtua parautiꞌa, paꞌi, e meꞌe rō ꞌana pē ira.

Iovani 14:27

»ꞌIna ko mana-manaꞌu ꞌe ꞌina ko riꞌa-riꞌa kōrua. He haka rē atu a au i te haumārū: taꞌe ko te haumārū ena mo vaꞌai atu e te nuꞌu o te ao nei taꞌe haka moe i te manaꞌu ꞌi ruŋa i a au, he haumārū māꞌaku mau nō e vaꞌai atu.

Iovani 16:33

E kī atu ena au i te meꞌe taꞌatoꞌa nei mo noho kōrua ꞌi roto i te haumārū ꞌo te ai o kōrua ꞌāꞌaku. ꞌI te ao nei e ꞌamo rō kōrua i te ꞌati. Kiahio kōrua; ko rē ꞌana, paꞌi, a au ki te kope ꞌāꞌana te haka tere i te ao.

Iovani 20:19

ꞌI te ahi-ahi o rā mahana raꞌe era o te tāpati, e taka-taka rō ꞌana te nuꞌu hāpī ꞌa Ietū ꞌi roto i te hare e tahi e tāmaꞌu rō ꞌā te ꞌōpani he riꞌa-riꞌa ꞌi te nuꞌu ra-rahi o te ⌊hūrio⌋. E no-noho nō ꞌana he māroa atu a Ietū ꞌi vāeŋa o rāua he ꞌaroha: «Ka ai ꞌi ruŋa i a kōrua te haumārū o te ꞌAtua».

Iovani 20:26

Ka vaꞌu mahana pe muꞌa, he taka-taka haka ꞌou te nuꞌu hāpī ꞌa Ietū ꞌi te hare e tahi. ꞌI rā mahana ꞌi muri i a rāua a Tōmā. E tāmaꞌu rō ꞌana te ꞌōpani o rā hare, he māroa atu a Ietū ꞌi vāeŋa o rā nuꞌu ꞌe he ꞌaroha: «Ka ai ꞌi ruŋa i a kōrua te haumārū o te ꞌAtua».

Rōmano 16:16

E ꞌaroha ꞌi roto i a kōrua ꞌā hai haŋa. Te nūnaꞌa taŋata taꞌatoꞌa haka moe i te manaꞌu ꞌi ruŋa i a Ietū o te kona tuꞌu ōꞌoku i ꞌaroha rō mai mo kōrua.

Rōmano 8:1

Hora nei ꞌina he ūtuꞌa toe mo tātou mo te nuꞌu ꞌa Ietū Kiritō, nuꞌu ⌊haka moe i te manaꞌu⌋ ꞌi ruŋa i a ia,

1 Kōrinto 1:30

Hai ia, paꞌi, e ai nei tātou ꞌa Ietū Kiritō. ꞌE hai Ietū Kiritō e haka tere nei a tātou hai manaꞌu ꞌAtua ꞌe e tano nei ki tōꞌona mata. Hai ia takoꞌa e ai nei tātou he nuꞌu haꞌataꞌa māꞌana ꞌina e tahi hara ꞌe he nuꞌu eꞌa mai roto i te pūai o te hara.

1 Kōrinto 16:20

ꞌe pē ira ꞌā te taina taꞌatoꞌa o muri i a au. ꞌE ꞌi roto i a kōrua takoꞌa e ꞌaroha hai haŋa.

2 Kōrinto 13:12

E ꞌaroha kōrua ki a kōrua ꞌā hai haŋa. Te taina taꞌatoꞌa ⌊haka moe i te manaꞌu⌋ ꞌi ruŋa i a Ietū ꞌī e ꞌaroha atu ena.

2 Kōrinto 5:17

Kope nō era o te Kiritō ꞌi te haka moe i te manaꞌu ꞌi ruŋa i a ia, he kope ꞌāpī e tahi; te manaꞌu ꞌe te noho iŋa raꞌe ōꞌona ko ŋaro ꞌā, ꞌe ko haꞌamata ꞌana tōꞌona noho iŋa ꞌāpī.

Ēfeto 6:23

Mo te ꞌAtua Matuꞌa ꞌe mo te tātou Pūꞌoko Haka Tere ko Ietū Kiritō e vaꞌai atu i te haumārū ꞌe i te haŋa koia ko haka pūai i te kōrua manaꞌu ꞌi ruŋa i a rāua.

1 Tētārōnika 5:26

E ꞌaroha atu kōrua hai haŋa ki te tātou taina taꞌatoꞌa haka moe i te manaꞌu ꞌi ruŋa i a Ietū.

1 Pētero 1:2

Te manaꞌu o te ꞌAtua Matuꞌa i haꞌataꞌa ai i a kōrua: mo haka riro i a kōrua he nuꞌu ꞌina e tahi hara haꞌataꞌa māꞌana hai Vārua Maitai ꞌe haꞌatura ki a Ietū ꞌi te haka kore e te ꞌAtua i te kōrua hara hai toto tehe era o Ietū ꞌi ruŋa i te tātaurō. Ka rahi ka oho nō te riva rahi ꞌe te haumārū o te ꞌAtua ꞌi ruŋa i a kōrua.

3 Iovani 1:14

E haŋa rō ꞌā, paꞌi, a au, ꞌina ko roa hia, he piri haka ꞌou tāua ꞌe māꞌaku mau ꞌā e vānaŋa atu.