1 Pētero 5:13 - Rapa Nui

¹³ Te nuꞌu haka moe i te manaꞌu ꞌi ruŋa i a Ietū o ⌊Vāvīrōnia⌋, haꞌataꞌa e te ꞌAtua māꞌana, pa he haꞌataꞌa iŋa ena i a kōrua, ꞌī e ꞌaroha atu ena ꞌe pē ira takoꞌa ꞌana a Marko, he kope pa he poki ꞌā ꞌāꞌaku.

1 Pētero 5:13 ပူးပေါင်းရင်းမြစ်များ

Aŋa o te ꞌĀpōtoro 12:12

I aŋi-aŋi era e Pētero i tū meꞌe era, he oho ki te hare o ⌊Māria⌋, matuꞌa o Iovani, kī takoꞌa ko Marko. ꞌI ira e taka-taka rō ꞌana meꞌe rahi nuꞌu e pure ꞌā.

Aŋa o te ꞌĀpōtoro 12:25

A Verenāvē ararua ko Sauro, i oti era te rāua aŋa ꞌi Hērutarema, he hoki he oho ki Antiokia. ꞌI muri i a rāua i oho ai a Iovani, kī takoꞌa ko Marko.

Aŋa o te ꞌĀpōtoro 15:37

He haŋa ia a Verenāvē mo maꞌu i a ⌊Iovani⌋, kī takoꞌa ko Marko, ꞌi muri i a rāua.

Aŋa o te ꞌĀpōtoro 15:39

ꞌI te pūai o te tātake o ruŋa i a Marko, he haꞌataꞌa ararua. He toꞌo e Verenāvē i a Marko he reva ararua ꞌi ruŋa i te pahī ki te motu ko Tīpere.

Kōrosa 4:10

ꞌĪ a Aritarako e ꞌaroha atu ena mo kōrua; a ia he hokorua ōꞌoku ꞌi roto i te hare maꞌuꞌaurī. ꞌE a Marko, poki o te taina poreko o te matuꞌa o Verenāvē, ꞌī e ꞌaroha takoꞌa atu ena mo kōrua. ꞌE nā a au ko pāpaꞌi atu ꞌā o ruŋa i a ia; ana tuꞌu atu, e hāpaꞌo riva-riva.

Firemono 1:24

ꞌE, ꞌī e ꞌaroha takoꞌa atu ena a Marko, a Aritarako, a Rema, ꞌe a Ruka, nuꞌu hāꞌūꞌū mai ꞌi tāꞌaku aŋa.

2 Iovani 1:1

A au, te pūꞌoko haka tere o te nūnaꞌa taŋata ⌊haka moe i te manaꞌu⌋ ꞌi ruŋa i a Ietū, he ꞌaroha atu ki a koe, e te viꞌe haꞌataꞌa e te ꞌAtua māꞌana ē, ꞌe ki taꞌa ŋā poki. E haŋa rahi rō atu ꞌana a au ki a kōrua, ꞌe taꞌe nō ko au, pē ira takoꞌa ꞌana te nuꞌu ko ꞌite ꞌana i te parautiꞌa

2 Iovani 1:13

Te ŋā poki o tuꞌu taina haꞌataꞌa takoꞌa era e te ꞌAtua māꞌana ꞌī e ꞌaroha atu ena mo kōrua. ꞌIorana.

Meꞌe Haka Takeꞌa 17:5

ꞌI te tira e pāpaꞌi rō ꞌā te ꞌīŋoa: «⌊Vāvīrōnia⌋, matuꞌa vahine o te taiꞌo taꞌatoꞌa ꞌe o te meꞌe taꞌatoꞌa hano-hano o te ao». Te taŋata ꞌina kai ꞌite i te haꞌaauraꞌa mau o te ꞌīŋoa nei.

Meꞌe Haka Takeꞌa 18:2

ꞌE hai reꞌo pūai i kī ai: «¡Ko haka pararaha ꞌā te kona nui-nui era ko Vāvīrōnia! ¡Ko riro ꞌā he kona noho o te tātane, he hare o te tiꞌaporo, hakapupa o te rauhuru atu manu rere kai i te meꞌe hano-hano ꞌe he ꞌana o te ꞌanimare taparahi-taꞌata!