1 Pētero 3:20 - Rapa Nui

²⁰ vārua o te nuꞌu o te noho iŋa era o Nōē taꞌe haꞌatura ki te ꞌAtua, nuꞌu tiaki ꞌe haꞌaoromaꞌi e te ꞌAtua, ꞌi te matahiti taꞌatoꞌa aŋa era e Nōē i te pahī, mo hārui o te rāua manaꞌu ki ruŋa i a ia. ꞌE ꞌi rā hora, hoko vaꞌu nō i uru ai ki roto i te pahī ꞌe i ora ai ꞌi te ꞌati era o te vai.

1 Pētero 3:20 ပူးပေါင်းရင်းမြစ်များ

Māteo 7:14

ꞌE, te ꞌōpani mo uru ki te ara o te ora ꞌina he hopeꞌa raꞌa e vako-vako rō ꞌā ꞌe aŋa riꞌa-riꞌa te haꞌere te oho a roto, ꞌe nuꞌu taꞌe rahi te nuꞌu oꞌo ki ira.

Ruka 12:32

»E te māmoe ꞌāꞌaku ē, ꞌina ko riꞌa-riꞌa ꞌo te taꞌe rahi o kōrua. ꞌI te riva rahi o te Matuꞌa ko haꞌataꞌa ꞌana i a kōrua mo haka tere ꞌi muri i a ia ꞌi tōꞌona haka tere iŋa ꞌāpī.

Aŋa o te ꞌĀpōtoro 2:41

Te nuꞌu i haka roŋo hai māhatu ki tū ŋā meꞌe kī era e Pētero ꞌe i haka moe i te manaꞌu ꞌi ruŋa, he haka papatito i a rāua. Pē ira, ꞌi rā mahana mau ꞌā, i ꞌata rahi ai te nūnaꞌa taŋata haka moe i te manaꞌu ꞌi ruŋa i a Ietū e toru taꞌutini haka ꞌou taŋata.

Rōmano 9:22

Pē ira takoꞌa, i te ꞌAtua te parau mo aŋa i tāꞌana meꞌe i haŋa. I haŋa rō mo haka takeꞌa i tōꞌona riri ꞌe i tōꞌona pūai ki te taŋata. ꞌE, ka ai atu pē ira, i haꞌaoromaꞌi nō hai haumārū i te nuꞌu haka riri i a ia, he nuꞌu e tano mau rō ꞌā mo haka ūtuꞌa.

Ēfeto 5:26

I aŋa ai a Ietū i te meꞌe nei mo haka riro i a tātou i te nuꞌu taꞌatoꞌa haka moe i te manaꞌu ꞌi ruŋa i a ia he nuꞌu ꞌina e tahi hape ki te mata o te ꞌAtua hai ⌊papatito⌋ ꞌe hai vānaŋa era ꞌāꞌana,

ꞌEvereo 11:7

He haka moe o Nōē i te manaꞌu ꞌi ruŋa i te ꞌAtua i aŋa ai i te pahī ꞌo mate tāꞌana huaꞌai hora kī era e te ꞌAtua e topa rō te meꞌe kai takeꞌa hia ꞌā e te mata o te taŋata. ꞌE ꞌi tōꞌona haꞌatura ki te ꞌAtua i takeꞌa ai: te taŋata taꞌatoꞌa o rā hora e aŋa rō ꞌana i te meꞌe taꞌe tano, ꞌe e tano rō ꞌana mo haka ūtuꞌa e te ꞌAtua. ꞌE a Nōē i tano ai ki te mata o te ꞌAtua ꞌo te haka moe i tōꞌona manaꞌu ꞌi ruŋa i a ia.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

1 Pētero 1:9

Ko ravaꞌa ꞌana, paꞌi, e kōrua i te meꞌe haŋa mo ravaꞌa hai haka moe o kōrua i te manaꞌu ꞌi ruŋa i a Ietū: he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa.

1 Pētero 2:25

ꞌI muꞌa ꞌā, paꞌi, e haꞌere era a tātou pa he māmoe ko ŋaro ꞌana, ꞌe, hora nei, ko hoki tahi ꞌana ki te Kiritō, kope hāpaꞌo mai i a tātou pa he taŋata hāpaꞌo māmoe.

1 Pētero 3:19

Hai vārua era ōꞌona i oho i tātara ai ki te vārua e puru rō ꞌā,

1 Pētero 4:19

ꞌO ira, te nuꞌu ꞌamo i te ꞌati ꞌo te ai pē ira te ꞌAtua i haŋa ai, e aŋa e oho nō i te meꞌe riva-riva, ꞌe e vaꞌai i a rāua ki tōꞌona rima, kope ꞌāꞌana a rāua i aŋa, ꞌe kope ki te hora hopeꞌa e ko taꞌe aŋa i tāꞌana meꞌe kī.

2 Pētero 2:5

ꞌE ꞌina kai haka rehu takoꞌa i te hara o te nuꞌu aŋa i te meꞌe taꞌe tano o muꞌa ꞌā. Te meꞌe i aŋa: he uŋa mai ki ruŋa i te ao nei i te ꞌua taꞌe mo mahana haka ꞌou ꞌātā ki te roa mo emu o te meꞌe taꞌatoꞌa, ꞌe te taŋata i haka ora ko Nōē, he kope haka ꞌite o ruŋa i te noho iŋa tī-tika ki te mata o te ꞌAtua, ꞌe he nuꞌu haka ꞌou hoko hitu.

2 Pētero 3:15

E manaꞌu takoꞌa kōrua: te haumārū ena o te tātou Pūꞌoko Haka Tere ko Ietū Kiritō mo tiaki nō mai he rāveꞌa e tahi ꞌāꞌana mo eꞌa o tātou o te taŋata mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. ꞌE o ruŋa i te meꞌe mau nei ꞌā i pāpaꞌi atu ai e Pauro, taina haŋa rahi ena o tātou, hai mārama-rama vaꞌai e te ꞌAtua.