1 Pētero 2:25 - Rapa Nui

²⁵ ꞌI muꞌa ꞌā, paꞌi, e haꞌere era a tātou pa he māmoe ko ŋaro ꞌana, ꞌe, hora nei, ko hoki tahi ꞌana ki te Kiritō, kope hāpaꞌo mai i a tātou pa he taŋata hāpaꞌo māmoe.

1 Pētero 2:25 ပူးပေါင်းရင်းမြစ်များ

Māteo 18:12

»Mo ai e tahi taŋata e ai rō ꞌana e hoꞌe hānere māmoe ꞌe he ŋaro e tahi, ¿e ko haka rē hō ꞌi ruŋa i te maꞌuŋa ꞌā i te māmoe era e iva ꞌahuru mā iva mo oho mo kimi i rā māmoe ŋaro era?

Māteo 9:36

I uꞌi era e Ietū i te taŋata, he haka ꞌaroha; e tuꞌu rō ꞌana pa he māmoe ꞌina he taŋata mo hāpaꞌo i a rāua, ko rohi-rohi ꞌana ꞌe ꞌina he haŋu toe.

Aŋa o te ꞌĀpōtoro 20:28

»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua, ꞌe e hāpaꞌo te nuꞌu taꞌatoꞌa haka moe i te manaꞌu ꞌi ruŋa i a Ietū vaꞌai atu e te Vārua Maitai ki a kōrua ki te nuꞌu pūꞌoko haka tere o te nuꞌu haꞌataꞌa e te ꞌAtua māꞌana, mo hāpī riva-riva e kōrua. A rāua, paꞌi, he nuꞌu hoꞌo e ia hai toto mau era ꞌā ōꞌona.

ꞌEvereo 13:20

Mo te ꞌAtua vaꞌai i te haumārū, haka ora mai te mate i te tātou Pūꞌoko Haka Tere ko Ietū Kiritō, kope riva-riva hāpaꞌo māmoe, tāpaꞌo i te haka tere iŋa ꞌina he hopeꞌa raꞌa o te ꞌAtua ananake ko te taŋata hai toto era ōꞌona,

ꞌEvereo 3:1

ꞌO ira, e te taina ē, a kōrua, te nuꞌu haꞌataꞌa ꞌe haŋa e te ꞌAtua mo tuꞌu ki muri i a ia ꞌi te raŋi, e manaꞌu riva-riva o ruŋa i a Ietū, he kope ꞌi ruŋa i a ia a tātou e haka moe ena i te manaꞌu. A ia he kope uŋa mai e te ꞌAtua mo ⌊oromatuꞌa hopeꞌa o te ra-rahi⌋ o tātou.

ꞌEvereo 5:2

Te ŋā oromatuꞌa nei he taŋata e ai rō ꞌana te hape. ꞌO ira e ꞌite ena mo haꞌaoromaꞌi i te nuꞌu taꞌe ꞌite riva-riva i te meꞌe o te ꞌAtua oho a te ara kē.

1 Pētero 3:20

vārua o te nuꞌu o te noho iŋa era o Nōē taꞌe haꞌatura ki te ꞌAtua, nuꞌu tiaki ꞌe haꞌaoromaꞌi e te ꞌAtua, ꞌi te matahiti taꞌatoꞌa aŋa era e Nōē i te pahī, mo hārui o te rāua manaꞌu ki ruŋa i a ia. ꞌE ꞌi rā hora, hoko vaꞌu nō i uru ai ki roto i te pahī ꞌe i ora ai ꞌi te ꞌati era o te vai.

1 Pētero 5:4

Pē ira, ꞌi te hora o te tuꞌu iŋa haka ꞌou mai o te Pūꞌoko Haka Tere o te ŋāŋata hāpaꞌo māmoe taꞌatoꞌa, he haka hei atu i a kōrua hai meꞌe ꞌina e ko ŋaro ki te hora hopeꞌa, ko te meꞌe ena: he noho mau rō ꞌai kōrua ꞌi muri i a ia ꞌi roto i tōꞌona nui-nui ꞌana-ꞌana.