1 Pētero 2:20 - Rapa Nui

²⁰ Te ꞌamo ꞌe te haꞌaoromaꞌi i te ūtuꞌa ꞌo te aŋa i te meꞌe taꞌe tano, ꞌina e tahi hauhaꞌa. ꞌE mo ꞌamo ꞌe mo haꞌaoromaꞌi hai pūai i te ūtuꞌa ꞌo te aŋa i te meꞌe tī-tika, he koa te ꞌAtua.

1 Pētero 2:20 ပူးပေါင်းရင်းမြစ်များ

Māteo 26:67

He ꞌanu-ꞌanu e te tētahi o rā nuꞌu a te ꞌāriŋa o Ietū ꞌe he puꞌa. He puru i te mata hai kahu e te tētahi atu ꞌe he haka eke hai rima ki te ꞌāriŋa

Māteo 5:47

ꞌE mo ꞌaroha o kōrua ki te kōrua taina mau nō, ¿he aha ia te meꞌe nui-nui o kōrua i aŋa? ꞌĀtā te nuꞌu taꞌe ꞌite ko ai te ꞌAtua parautiꞌa, paꞌi, e meꞌe rō ꞌana pē ira.

Marko 14:65

He haꞌamata ia e te tētahi nuꞌu he ꞌanu-ꞌanu ꞌi te ꞌāriŋa o Ietū. He puru i te mata he haka eke-eke hai rima koia ko kī: «¡Ka kī mai rā ꞌa ꞌai a koe i puꞌa atu!». ꞌE he haka eke-eke takoꞌa e te mūtoꞌi hai rima ki te ꞌāriŋa.

Ruka 6:32

»Mo haŋa o kōrua ki te nuꞌu nō e haŋa rō atu ꞌā, ¿he aha ia te kōrua meꞌe riva-riva i aŋa? Te nuꞌu hara pē ira takoꞌa e aŋa ena.

1 Kōrinto 4:11

ꞌĀtā ki ꞌaŋarīnā e ŋaroꞌa rō ꞌana e mātou te maruaki ꞌe te pohe ki te vai. E kore rō ꞌana te mātou kahu mo uru, e tōtōā rō mai ꞌana e te nuꞌu, e kore rō ꞌā te mātou kona mo noho

Karatia 4:18

Ka haka roŋo mai, e te taina ē. Te meꞌe ena he uꞌi i te riva-riva o te rua meꞌe tano ana ai hai manaꞌu riva-riva ꞌe paurō te mahana, taꞌe nō ꞌō e ai atu a au ꞌi roto i a kōrua.

Ēfeto 5:10

Te auraꞌa: e ꞌite kōrua he aha te meꞌe mo koa o te tātou Pūꞌoko Haka Tere ko Ietū Kiritō, ꞌe ꞌai ka aŋa rō.

Fīripo 4:18

He haka ꞌite atu a au: te meꞌe taꞌatoꞌa haka maꞌu mai era e kōrua ki a Epafororito ko tuꞌu mai ꞌana; rahi riꞌa-riꞌa ꞌe ꞌina he meꞌe hape toe ꞌāꞌaku. Te meꞌe nei pa he tūtia ꞌeo vaꞌai ki te ꞌAtua, ꞌe he meꞌe koa ꞌāꞌana.

1 Pētero 2:19

Te ꞌAtua, paꞌi, e haꞌamaitai rō ꞌana i te kope ꞌamo ꞌe haꞌaoromaꞌi hai pūai i te ūtuꞌa taꞌe tano topa ꞌi ruŋa i a ia ꞌi te haŋa mo aŋa i te meꞌe tī-tika ki te mata o te ꞌAtua.

1 Pētero 3:14

ꞌE mo topa atu o te ꞌati ꞌi ruŋa i a kōrua, ka ai atu e aŋa ꞌana i te meꞌe tī-tika, he haꞌamaitai atu kōrua e te ꞌAtua. ꞌO ira, ꞌina ko riꞌa-riꞌa ꞌi te nuꞌu tōtōā atu.

1 Pētero 3:17

ꞌAta hau rō atu ꞌi te tano mo ꞌamo i te ꞌati topa ꞌi ruŋa i a kōrua ꞌo te aŋa i te meꞌe riva-riva, ana haŋa te ꞌAtua, ki te ꞌamo i te ꞌati ꞌo te aŋa i te meꞌe taꞌe tano.