1 Pētero 2:17 - Rapa Nui

¹⁷ E moꞌa kōrua i te taŋata taꞌatoꞌa. E haŋa ki te taina, e haꞌamuri ki te ꞌAtua ꞌe e moꞌa i te pūꞌoko haka tere o te kōrua henua.

1 Pētero 2:17 ပူးပေါင်းရင်းမြစ်များ

Māteo 22:21

He pāhono e rā nuꞌu: —O te ꞌariki o te rōmano. He kī e Ietū: —Ka vaꞌai ia ki te ꞌariki te meꞌe o te ꞌariki, ꞌe ki te ꞌAtua te meꞌe o te ꞌAtua.

Iovani 13:35

Mo haŋa o kōrua pē ira, he ꞌite e te taŋata: he nuꞌu hāpī kōrua ꞌāꞌaku.

Rōmano 12:10

E here ꞌi roto i a kōrua pa he taina, ꞌe e moꞌa pa he nuꞌu manaꞌu i hau rō atu te rua ki a rāua.

Rōmano 13:7

E ꞌauhau te meꞌe taꞌatoꞌa ena mo ꞌauhau ki te nuꞌu ki a rāua ana ꞌauhau koia ko moꞌa i a rāua. Te ŋā meꞌe nei he meꞌe mau ꞌā mo aŋa e tātou.

2 Kōrinto 7:1

E te taina haŋa rahi ōꞌoku ē, te ŋā meꞌe nei he hōrea o te ꞌAtua mo tātou. ꞌO ira, e haka tapa tātou mai te meꞌe haka ꞌōꞌone hai hara i te hakari ꞌe i te vārua. ꞌE, ꞌi te moꞌa o tātou i a ia, e uꞌi mo tano o te tātou noho iŋa ki tōꞌona mata ki te roa ꞌina e tahi hara.

Ēfeto 5:21

E te taina, e moꞌa kōrua ꞌi roto i a kōrua ꞌana, ki takeꞌa ai e moꞌa rō ꞌana kōrua i a Ietū Kiritō.

Fīripo 2:3

ꞌIna kōrua ko aŋa e tahi aŋa mo haka tuꞌu pē nei ē: ꞌauē ꞌō kōrua ē. Ana aŋa kōrua e tahi meꞌe, e aŋa hai haumārū ꞌe hai manaꞌu pē nei ē: i hau rō atu te tētahi nuꞌu ki a kōrua.

1 Timoteo 6:1

E Timoteo, e haka ꞌite ki te nuꞌu ꞌekaravo ⌊haka moe i te manaꞌu⌋ ꞌi ruŋa i a Ietū: e moꞌa i te taŋata haka aŋa i a rāua. Mo taꞌe moꞌa o rāua, he kī e te nuꞌu i te vānaŋa taꞌe tano o ruŋa i te tātou hāpī ꞌe o ruŋa i te ꞌAtua.

ꞌEvereo 13:1

A kōrua he taina ⌊haka moe i te manaꞌu⌋ ꞌi ruŋa i a Ietū. ꞌO ira, e haŋa e oho nō kōrua ꞌi roto i a kōrua ꞌā.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

1 Pētero 2:13

Pa he moꞌa iŋa i te tātou Pūꞌoko Haka Tere ko Ietū Kiritō ana haꞌatura kōrua i te nuꞌu ra-rahi taꞌatoꞌa. E haꞌatura kōrua ki te ꞌariki rōmano, i a ia te tōroꞌa hopeꞌa o te nui-nui,

1 Pētero 5:5

ꞌE a kōrua, e te ŋā poki ꞌāpī ē, e haꞌatura ki te kōrua nuꞌu pūꞌoko haka tere. ꞌI roto i a kōrua i te nuꞌu haka moe i te manaꞌu ꞌi ruŋa i a Ietū ꞌina ko ai e tahi kope manaꞌu i hau rō atu a ia ki te rua ꞌo te ai: «Te ꞌAtua ꞌina he haka tano i te manaꞌu o te nuꞌu manaꞌu i hau rō atu rāua ki te tētahi, ꞌe ki te nuꞌu taꞌe manaꞌu pē ira, e hāꞌūꞌū ena hai riva rahi ōꞌona».