1 Pētero 1:1 - Rapa Nui

¹ A au, a Pētero, ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu taꞌatoꞌa haꞌataꞌa e te ꞌAtua māꞌana noho ꞌi te henua kē, taꞌe ꞌi te rāua henua mau era, ꞌi te ŋā kona era ko Ponotō, ko Karatia, ko Kāpārōtia, ko ꞌĀtia ꞌe ko Vītīnia.

1 Pētero 1:1 ပူးပေါင်းရင်းမြစ်များ

Māteo 10:2

He ꞌīŋoa nei o rā ŋā ꞌāpōtoro: te raꞌe ko Tīmona, e kī takoꞌa era ko Pētero; he taina ōꞌona, ko Antarea; ko ⌊Tanatiako⌋ ꞌe ko ⌊Iovani⌋, he ŋā poki ꞌa Tevereo;

Māteo 24:22

ꞌE mo taꞌe haka poto e te ꞌAtua ꞌi rā ŋā mahana, ꞌina e tahi taŋata mo ora; ꞌe, he haka poto e ia ꞌi te haŋa ki te nuꞌu haꞌataꞌa māꞌana.

Māteo 4:18

E haꞌere e oho nō ꞌā a Ietū a te taha-taha o te vai era o Karirea, he takeꞌa e rua taina: e tahi ko Tīmona, kī takoꞌa ko Pētero, ꞌe te rua ko Antarea, he nuꞌu hī ika e hoa ꞌana i te rāua kūpeŋa.

Ruka 18:7

Mo ai pē ira e manaꞌu era, ¿e ko hāꞌūꞌū hō te ꞌAtua ki te nuꞌu haꞌataꞌa e ia māꞌana pure ki a ia paurō te mahana? ¿E haka tiaki mau rō e te ꞌAtua?

Iovani 11:52

ꞌE taꞌe mo te hūrio nō ka mate era, takoꞌa mo haka taka-taka tahi i te ŋā poki o te ꞌAtua ꞌi te henua taꞌatoꞌa.

Iovani 7:35

He haꞌamata ia te hūrio he ꞌui ki a rāua ꞌana: «¿Ki hē te kope nei ka oho ena ka taꞌe ravaꞌa ena e tātou? ¿He oho hō he noho ꞌi muri i te hūrio ꞌi te henua kē, ꞌe he hāpī i te nuꞌu taꞌe ꞌite ko ai te ꞌAtua parautiꞌa?

Aŋa o te ꞌĀpōtoro 18:2

ꞌI ira i māhani ai ki te taŋata ⌊hūrio⌋ te ꞌīŋoa ko ꞌĀkira o te kona ko Ponotō, tuꞌu iho mai ꞌĪtāria ararua ko tāꞌana viꞌe ko Pirisira. Mai ira a rāua i oho mai ai ꞌo te kī e te ꞌariki ko Karaurio mo eꞌa o te hūrio taꞌatoꞌa mai Roma. He oho ia a Pauro he uꞌi.

Aŋa o te ꞌĀpōtoro 18:23

I oti era te noho ꞌi ira meꞌe rahi mahana, he eꞌa haka ꞌou he oho ki kona era ki kona era o Karatia ꞌe o Firihia, e haka haŋu e oho era i te nuꞌu taina taꞌatoꞌa o rā ŋā kona mo haka moe mo oho i te rāua manaꞌu ꞌi ruŋa i a Ietū.

Aŋa o te ꞌĀpōtoro 19:10

Pē ira i aŋa ai e rua matahiti. Hai meꞌe nei te nuꞌu taꞌatoꞌa noho ꞌi te ŋā kona era o ꞌĀtia, ⌊hūrio⌋ ꞌe taꞌe hūrio, i ꞌite ai o ruŋa i te roŋo riva-riva o te ꞌAtua.

Aŋa o te ꞌĀpōtoro 6:9

Te tētahi nuꞌu o te ⌊hare pure hūrio⌋ te ꞌīŋoa «O te ꞌEkaravo Haka Eꞌa Mai te Rima o te Rāua Taŋata Haka Aŋa» koia ko te tētahi nuꞌu o Tīrene, o Arehantāria, o Tiritia ꞌe o ꞌĀtia, he tātake ki a ꞌĒteva.

Aŋa o te ꞌĀpōtoro 8:4

Te nuꞌu tē-tere era mai Hērutarema he haka ꞌite i te ⌊roŋo riva-riva o te ꞌAtua⌋ ki te nuꞌu o te kona taꞌatoꞌa o rāua e tuꞌu era.

1 Kōrinto 16:19

Te nūnaꞌa taŋata taꞌatoꞌa haka moe i te manaꞌu ꞌi ruŋa i a Ietū o te ŋā kona nei o ꞌĀtia ko ꞌaroha mai ꞌā mo kōrua. A ꞌĀkira ꞌe a Pirika, ꞌe te nuꞌu taina taka-taka i te rāua hare ko ꞌaroha takoꞌa mai ꞌā mo kōrua hai ꞌīŋoa o te tātou Pūꞌoko Haka Tere,

2 Kōrinto 1:8

E te taina, e haŋa rō ꞌā a mātou mo ꞌite o kōrua i te rahi o te ꞌati topa mai ki a mātou ꞌi ꞌĀtia. He ꞌati taparahi-taꞌata e tahi, ꞌati ena mo taꞌe haꞌaoromaꞌi, ꞌe ꞌātā i manaꞌu rō e mātou he mā-mate a mātou.

Karatia 1:2

he ꞌaroha atu mātou ananake ko te taina taꞌatoꞌa o nei ki a kōrua ki te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū o Karatia.

Ēfeto 2:12

ka haka topa te kōrua manaꞌu: ꞌi muꞌa ꞌana, ꞌi te hora kai haka moe ꞌana a kōrua i te manaꞌu ꞌi ruŋa i a Ietū, taꞌe kōrua ꞌa Ietū Kiritō, ꞌe e topa kē rō ꞌana mai te itaraera. Te ⌊haka tere iŋa o te ꞌAtua ananake ko te taŋata⌋ ꞌe te meꞌe taꞌatoꞌa hōrea e ia mo te itaraera kai ai ꞌana, ꞌi rā hora, mo kōrua. E noho era kōrua ꞌina he ꞌite ko ai te ꞌAtua parautiꞌa, ꞌe ꞌina he manaꞌu pē nei ē: e ai rō ꞌō te meꞌe riva-riva mo kōrua pe muꞌa ka oho ena.

Ēfeto 2:19

ꞌO ira, a kōrua, te nuꞌu taꞌe hūrio ⌊haka moe i te manaꞌu⌋ ꞌi ruŋa i a Ietū, taꞌe toe kōrua he hau kē mo te ꞌAtua, he taŋata henua ananake ko te tētahi atu nuꞌu haꞌataꞌa e te ꞌAtua māꞌana, ꞌe he ŋā poki ꞌāꞌana takoꞌa ananake ko rā ŋā nuꞌu.

2 Timoteo 1:15

Ko ꞌite ꞌana koe: te nuꞌu taꞌatoꞌa o ꞌĀtia ko hoa ꞌana i a au, ꞌe ꞌi roto i rā nuꞌu a Fīkero ꞌe a ꞌEremōhene.

ꞌEvereo 11:13

Te nuꞌu taꞌatoꞌa nei i mā-mate ai e haka moe nō ꞌana i te manaꞌu ꞌi ruŋa i te ꞌAtua, ka ai atu ꞌina kai ai hia ꞌā i a rāua te meꞌe hōrea era e te ꞌAtua. A rāua, paꞌi, e ꞌite rō ꞌana: pe muꞌa ka oho ena i a rāua rā ŋā meꞌe taꞌatoꞌa, ꞌe e koa rō ꞌā o ruŋa. ꞌE e aŋi-aŋi rō ꞌana ꞌe e kī rō ꞌana: te ao nei taꞌe he kāiŋa mau o rāua.

Tanatiako 1:1

A au, a ⌊Tanatiako⌋, tāvini o te ꞌAtua ꞌe o te Pūꞌoko Haka Tere ko Ietū Kiritō, he ꞌaroha atu ki a kōrua ki te taina ⌊haka moe i te manaꞌu⌋ ꞌi ruŋa i a Ietū o te hoꞌe ꞌahuru mā piti mata o te itaraera noho ꞌi te henua taꞌatoꞌa.

1 Pētero 2:11

E te taina, a kōrua pa he nuꞌu o te kona kē noho ꞌi te ao nei mo te hora ꞌiti-ꞌiti nō e tahi. ꞌO ira, ꞌina ko vaꞌai i a kōrua ki te meꞌe pohe nō o te hakari, he meꞌe haka tapa i a kōrua mai te ara o te ꞌAtua.

2 Pētero 1:1

A au, a Pētero, kī takoꞌa ko Tīmona, tāvini ꞌe ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu i a rāua takoꞌa te hauhaꞌa he ⌊haka moe i te manaꞌu⌋ ꞌi ruŋa i a Ietū, pa he haka moe iŋa nei o te mātou manaꞌu, he meꞌe ravaꞌa hai riva rahi o te ꞌAtua ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

Meꞌe Haka Takeꞌa 1:11

e kī mai ꞌā: «E pāpaꞌi ꞌi ruŋa i te puka te meꞌe taꞌatoꞌa ena ka takeꞌa ena e koe ꞌe ꞌai ka haka maꞌu rō ki te ŋā nūnaꞌa taŋata era hoko hitu haka moe i te manaꞌu ꞌi ruŋa i a Ietū o te ŋā kona era o ꞌĀtia: ki Ēfeto, ki ꞌĒtēmīrina, ki Perekamo, ki Tiatira, ki Tare, ki Pīrārēpia, ꞌe ki Rāōrītea».