1 Kōrinto 9:8 - Rapa Nui

⁸ ꞌIna kōrua ko manaꞌu: te meꞌe nei he meꞌe taŋata mau nō; e kī takoꞌa rō ꞌana, paꞌi, e ⌊te haka tere iŋa era ꞌa Mōtē⌋.

1 Kōrinto 9:8 ပူးပေါင်းရင်းမြစ်များ

Rōmano 3:31

Mo tano ia te taŋata ki te mata o te ꞌAtua hai haka moe mau nō i te manaꞌu ꞌi ruŋa i a Ietū, ¿ka kī ꞌō ia ꞌina he hauhaꞌa toe o te haka tere iŋa ꞌa Mōtē? ¡Taꞌe pē ira! E hauhaꞌa rō ꞌana ꞌi te meꞌe era hai haka moe i te manaꞌu ꞌi ruŋa i a Ietū e ravaꞌa iho ena e tātou mo haꞌatura i rā haka tere iŋa.

Rōmano 3:5

Nā pēaha te nuꞌu hai manaꞌu taŋata mau nō ka kī ena pē nei ē: «Mo ai hai meꞌe taꞌe tano aŋa e tātou e takeꞌa ena: te meꞌe taꞌatoꞌa aŋa e te ꞌAtua he meꞌe tī-tika, e ko tano ia te ꞌAtua mo haka ūtuꞌa i a tātou».

Rōmano 6:19

(E haꞌaauraꞌa atu ena a au hai ꞌekaravo he aŋa riꞌa-riꞌa o kōrua mo aŋi-aŋi i te ŋā meꞌe nei). ꞌO ira, pa he vaꞌai iŋa o kōrua i te hakari mo aŋa i te meꞌe taꞌe tano ꞌi muꞌa ꞌā, pē ira takoꞌa ꞌā ana vaꞌai ꞌi te hora nei i te hakari mo aŋa i te meꞌe riva-riva ki te mata o te ꞌAtua, ki ai ai te kōrua huru ꞌe te kōrua noho iŋa e tano rō ꞌā ki a ia.

1 Kōrinto 7:40

Ka ai atu pē ira, ki tōꞌoku manaꞌu, i hau rō atu a ia ꞌi te koa mo taꞌe hāipo-ipo. E manaꞌu rō ꞌana a au: te meꞌe nei he meꞌe i haka manaꞌu mai e te ⌊Vārua Maitai⌋.

Karatia 1:11

E ꞌite kōrua, e te taina ē: te roŋo riva-riva o te ꞌAtua haka ꞌite e au taꞌe he meꞌe poreko mai te manaꞌu taŋata.

1 Tētārōnika 2:13

E māuru-uru rō ꞌā a mātou ki te ꞌAtua ꞌo te ai hora ŋaroꞌa era e kōrua i te roŋo haka ꞌite atu e mātou o ruŋa i a ia, he ꞌite e kōrua pē nei ē: he roŋo ꞌāꞌana, taꞌe ꞌō he roŋo o te taŋata. ꞌE he roŋo parautiꞌa mau ꞌā o te ꞌAtua, roŋo aŋa i te meꞌe haŋa e ia ꞌi roto i a kōrua i te nuꞌu haka moe i te manaꞌu ꞌi ruŋa i a Ietū.

1 Tētārōnika 4:8

ꞌE te taina taꞌe haŋa ꞌe taꞌe haꞌatura ki te hāpī nei e hārui ꞌana i te ꞌAtua hai tuaꞌivi, taꞌe ꞌō i te taŋata; o te ꞌAtua, paꞌi, te hāpī nei ꞌe ꞌāꞌana te uŋa atu i te ⌊Vārua Maitai⌋ mo noho ꞌi roto i a kōrua.