1 Kōrinto 9:25 - Rapa Nui

²⁵ Te nuꞌu ꞌāꞌati e hāpaꞌo rō ꞌana i a rāua mo te hora o te ꞌāꞌati. E aŋa ena pē ira mo rē i te hei, ꞌe rā hei e hopeꞌa era he mae-mae. ꞌE, a tātou e aŋa nei mo ravaꞌa i te meꞌe te hauhaꞌa e ko kore ki te hora hopeꞌa.

1 Kōrinto 9:25 ပူးပေါင်းရင်းမြစ်များ

1 Kōrinto 15:54

Ki topa te meꞌe nei, he tano te meꞌe hāꞌaki ꞌi ruŋa i te Pāpaꞌi Moꞌa pē nei ē: «E ko ai haka ꞌou te mate, ko haka kore ꞌana e te ꞌAtua».

Karatia 5:23

he taꞌe manaꞌu i hau rō atu ki te rua, ꞌe he ꞌite mo hāito i te meꞌe kī ꞌe i te meꞌe aŋa. Te nuꞌu pē nei, e ko aŋa e tahi meꞌe hape ki te haka tere iŋa o te ꞌAtua.

1 Timoteo 6:12

E vaꞌai tahi koe i a koe mo hio-hio mo oho nō o tuꞌu manaꞌu ꞌi ruŋa i te ꞌAtua ꞌe mo aŋa ki a ia, pa he vaꞌai iŋa ena o te vaꞌehau i a ia ki te mate ꞌi te hora o te tamaꞌi. ꞌIna ko haka pakoꞌo mai tuꞌu rima te ora ꞌāpī ꞌina he hopeꞌa raꞌa vaꞌai atu e te ꞌAtua. Mo ravaꞌa i rā meꞌe i toꞌo ai i a koe e te ꞌAtua ꞌi te hora kī ōꞌou, ꞌi muꞌa i te rahi o te mataꞌite, i tuꞌu haka moe i te manaꞌu ꞌi ruŋa i a Ietū.

2 Timoteo 2:5

Pē ira takoꞌa ꞌā te kope ꞌāꞌati, ꞌina e ko haka hei mo taꞌe haꞌatura ki te haka tere iŋa era o rā ꞌāꞌati.

Tito 1:8

E ai he taŋata haŋa mo toꞌo ꞌe mo hāpaꞌo i te nuꞌu tuꞌu ki tōꞌona hare, he taŋata aŋa i te meꞌe riva-riva mo te rua, haka topa riva-riva i te manaꞌu ꞌe aŋa i te meꞌe tī-tika, he taŋata māhatu maꞌitaki, ꞌite mo hāito i tāꞌana meꞌe kī ꞌe i tāꞌana meꞌe aŋa.

Tito 2:2

E hāpī ki te ŋāŋata paꞌari mo hāito i te rāua meꞌe kī ꞌe i te rāua meꞌe aŋa, mo haka tere i a rāua hai meꞌe tano ki moꞌa ai i a rāua e te taŋata, mo haka topa riva-riva i te manaꞌu, mo haŋa ki te rua hai māhatu, mo haka hio-hio i te rāua manaꞌu ki te roŋo parautiꞌa o te ꞌAtua, ꞌe mo haꞌaoromaꞌi i te ꞌati hai pūai.

ꞌEvereo 12:28

ꞌO ira, ki māuru-uru tātou ki te ꞌAtua ꞌo te ai o tātou ꞌi roto i te nūnaꞌa taŋata haka tere e ia, he meꞌe e ko ŋaro ki te hora hopeꞌa, ꞌe ki haꞌamuri tātou ki a ia hai māhatu ꞌe hai moꞌa, pa he meꞌe haŋa e ia.

ꞌEvereo 12:4

ꞌi te hora tōtōā atu e te nuꞌu hara. A kōrua, paꞌi, kai mate pē Ietū ꞌi te aŋa iŋa mo rē ki te hara.

Tanatiako 1:12

Ko te koa i te taŋata haꞌaoromaꞌi hai pūai i te ꞌati taꞌatoꞌa topa ꞌi ruŋa i a ia. ꞌI te haka moe nō i te manaꞌu ꞌi ruŋa i a Ietū ꞌi roto i te ꞌati, he tano rā taŋata ki te mata o te ꞌAtua, ꞌe he vaꞌai ki a ia i te ora ꞌāpī ꞌina he hopeꞌa raꞌa, he hei kī e te ꞌAtua mo vaꞌai ki te nuꞌu haŋa ki a ia.

1 Pētero 1:4

ꞌe e vaꞌai rō mai i te meꞌe hāpaꞌo mo tātou ꞌi ruŋa i te raŋi, he meꞌe e ko kore, e ko tāpau ꞌe e ko mae-mae ki te hora hopeꞌa.

1 Pētero 5:4

Pē ira, ꞌi te hora o te tuꞌu iŋa haka ꞌou mai o te Pūꞌoko Haka Tere o te ŋāŋata hāpaꞌo māmoe taꞌatoꞌa, he haka hei atu i a kōrua hai meꞌe ꞌina e ko ŋaro ki te hora hopeꞌa, ko te meꞌe ena: he noho mau rō ꞌai kōrua ꞌi muri i a ia ꞌi roto i tōꞌona nui-nui ꞌana-ꞌana.

2 Pētero 1:6

ꞌe ki te ꞌite i te haka topa riva-riva i te manaꞌu, te ꞌite i te haka noho ꞌo hara, ꞌe ki te ꞌite i te haka noho ꞌo hara, te ꞌite i te haꞌaoromaꞌi hai haumārū, ꞌe ki te ꞌite i te haꞌaoromaꞌi hai haumārū, te moꞌa ꞌe te haꞌatura ki te ꞌAtua,

Meꞌe Haka Takeꞌa 2:10

’ꞌIna koe ko riꞌa-riꞌa ꞌi te ꞌati ka topa ena. Tētahi o kōrua e puru rō ꞌi roto i te hare maꞌuꞌaurī hai Rukifero, he rāveꞌa e tahi mo haka ꞌatu atu i a kōrua taꞌatoꞌa. E hoꞌe ꞌahuru mahana ka ꞌamo ena kōrua i rā ꞌati. E haka noho e oho nō koe i tuꞌu manaꞌu ꞌi ruŋa i a au ka ai atu he mate koe ꞌo te aŋa pē ira, ꞌe he vaꞌai atu e au i te ora ꞌāpī ꞌina he hopeꞌa raꞌa mo haka koa i a koe.

Meꞌe Haka Takeꞌa 3:11

E ko roa tōꞌoku hoki iŋa mai. ꞌO ira, ka haka moe ka oho nō i te kōrua manaꞌu ꞌi ruŋa i a au, ꞌo toꞌo e te rua i tuꞌu hei.

Meꞌe Haka Takeꞌa 4:10

he tū-turi te piti ꞌahuru mā maha ŋāŋata ra-rahi era ꞌi muꞌa o rā kope he haꞌamuri, ꞌai ka ava i te rāua hei a muꞌa i rā pepe koia ko kī:

Meꞌe Haka Takeꞌa 4:4

ꞌe e haka vari takoꞌa rō ꞌana e te pepe ꞌariki haka ꞌou e piti ꞌahuru mā maha ꞌi ruŋa e noho rō ꞌana e piti ꞌahuru mā maha ŋāŋata ra-rahi e uru rō ꞌana i te kahu tea-tea ꞌe e puꞌa rō ꞌana i te hei aŋa hai piru.