1 Kōrinto 9:20 - Rapa Nui

²⁰ E noho nei a au ꞌi roto i te ⌊hūrio⌋, he haka tere a au i a au pa he hūrio, ki ravaꞌa ai mo haka huri i te rāua manaꞌu ki ruŋa i a Ietū; te auraꞌa: mo hāpī ōꞌoku i te nuꞌu maꞌu i te haka tere iŋa ꞌa Mōtē, e haka tere takoꞌa a au i a au pē rāua, ka ai atu e ꞌite rō ꞌana a au: taꞌe hai haka tano ki te haka tere iŋa era o rāua e tano nei a au ki te mata o te ꞌAtua.

1 Kōrinto 9:20 ပူးပေါင်းရင်းမြစ်များ

Aŋa o te ꞌĀpōtoro 16:3

He haŋa ia e Pauro mo maꞌu ꞌi muri i a rāua. ꞌI raꞌe i haka tāpaꞌo ai i a Timoteo hai tāpaꞌo iŋa hūrio, he hore i te kiri o te kinoŋa, ꞌo riri te nuꞌu hūrio o te kona o rāua ka tuꞌu era. A rā nuꞌu, paꞌi, ko ꞌite ꞌā: te matuꞌa tane o Timoteo he kirieko.

Aŋa o te ꞌĀpōtoro 18:18

Ka ai atu pē ira, i noho nō a Pauro meꞌe rahi haka ꞌou atu mahana ꞌi Kōrinto. I tano era te mahana mo oho ōꞌona mai ira, he ꞌaroha ki te nuꞌu taina, ꞌe he oho ananake ko kuā ꞌĀkira ki Tenekerea mo eke ki ruŋa i te pahī mo oho ki Tīria. ꞌI ira i haka varu ai a Pauro i tōꞌona pūꞌoko ka māreŋo rō mo haka ꞌite ko oti ꞌā tāꞌana hōrea aŋa ki te ꞌAtua, ꞌai ka eke iho ki ruŋa i te pahī.

Rōmano 11:14

he haŋa ōꞌoku mo haka mākota i tōꞌoku taŋata koiꞌite pē ira tētahi o rāua ana haka moe i te manaꞌu ꞌi ruŋa i a Ietū mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Rōmano 3:19

Pē ira e hāꞌaki ena ꞌi ruŋa i te Pāpaꞌi Moꞌa. ꞌE ko ꞌite ꞌana e tātou: taꞌatoꞌa meꞌe kī o ruŋa e kī ena mo te nuꞌu ki a rāua i vaꞌai ai, ꞌo ꞌōtohe pē nei ē: ꞌina rāua hara, ꞌe ꞌo taꞌe ꞌite pē nei ē: te taŋata taꞌatoꞌa e hape rō ꞌā ꞌe ko tano ꞌā mo haka ūtuꞌa e te ꞌAtua.

Karatia 2:19

I aŋi-aŋi era e au e ko ravaꞌa mo tano ki te mata o te ꞌAtua hai haꞌatura ki te haka tere iŋa ꞌa Mōtē, kai haka haŋu haka ꞌou ia a au a ruŋa i rā haka tere iŋa. ꞌE hora nei, mo te ꞌAtua mau nō a au e ora nei. I haka moe era a au i tōꞌoku manaꞌu ꞌi ruŋa i a Ietū, i tuꞌu rō pa he meꞌe ena ē: ko mate takoꞌa ꞌana a au ꞌi muri i a ia ꞌo te ai i mate ai a ia mōꞌoku.

Karatia 4:21

Ka kī mai rā kōrua, e te nuꞌu haŋa mo maꞌu i te haka tere iŋa ꞌa Mōtē ē, ¿kai ŋaroꞌa ꞌana ꞌō e kōrua te meꞌe hāꞌaki ꞌi ruŋa i rā haka tere iŋa?

Karatia 4:5

mo haka eꞌa i a tātou mai roto i rā haka tere iŋa, ꞌe mo haka riro i a tātou i te nuꞌu ⌊haka moe i te manaꞌu⌋ ꞌi ruŋa i tāꞌana Poki he ŋā poki parautiꞌa ꞌāꞌana.

Karatia 5:18

Ka ai atu pē ira, mo haka rē o tātou mo haka tere mai e te Vārua Maitai, ꞌina he pūai toe o te haka tere iŋa ꞌa Mōtē ꞌi ruŋa i a tātou.