1 Kōrinto 9:12 - Rapa Nui

¹² Mo ai e tano rō ꞌā mo hāꞌūꞌū o kōrua ki te tētahi, ꞌata hau rō atu ia i te tano mo hāꞌūꞌū mai ki a mātou. ꞌE, ka ai atu pē ira, ꞌina ꞌā a mātou kai no-noꞌi atu ꞌā e tahi meꞌe. Te meꞌe aŋa e mātou he haꞌaoromaꞌi i te taꞌatoꞌa nō ꞌati ꞌo taꞌe haŋa te nuꞌu mo haka roŋo i te roŋo riva-riva o ruŋa i te ⌊Kiritō⌋.

1 Kōrinto 9:12 ပူးပေါင်းရင်းမြစ်များ

Ruka 11:52

»¡Ko te ꞌaroha i a kōrua, e te maꞌori o te haka tere hūrio ē!, toꞌo mo kōrua i te tāviri mātaki i te ꞌōpani uru ki te ara parautiꞌa o te ꞌAtua. ꞌE, a kōrua mau ena ꞌā ꞌina he uru ꞌe, takoꞌa, ꞌina he haka rē mo uru i te taŋata e haŋa rō ꞌā mo uru.

Aŋa o te ꞌĀpōtoro 18:3

ꞌI te meꞌe era te aŋa ꞌa Pauro pa he aŋa ꞌā o rā nuꞌu, he aŋa karapā, he noho ꞌi muri mo aŋa ananake.

Rōmano 15:22

I rahi rō tōꞌoku mahana i manaꞌu mo oho atu mo uꞌi i a kōrua, ꞌe, ꞌi te rahi o tāꞌaku aŋa, e taꞌe ravaꞌa nei a au mo oho atu.

1 Kōrinto 13:7

Te kope haka tere i a ia hai haŋa e ꞌite rō ꞌā mo ꞌamo i te ꞌati, e haka moe e oho rō ꞌā i te manaꞌu ꞌi ruŋa i a Ietū, ꞌina he haka tapa i tōꞌona manaꞌu mai ruŋa i te ꞌAtua ki te hora hopeꞌa ꞌe e ꞌite rō ꞌā mo haꞌaoromaꞌi i te meꞌe taꞌe tano aŋa e te rua ki a ia.

1 Kōrinto 6:7

Te ai te oho nō o te ture ꞌi roto i a kōrua e takeꞌa ena ko rē atu ꞌana ki a kōrua te manaꞌu taꞌe tano. Te meꞌe mau o kōrua mo aŋa he haꞌaoromaꞌi i te kope aŋa atu i te meꞌe taꞌe tano ꞌe toke atu i a kōrua.

1 Kōrinto 9:14

Pē ira te kope haka ꞌite o ruŋa i te ⌊roŋo riva-riva o te ꞌAtua⌋. ꞌĀꞌana mau ꞌā, paꞌi, i kī: hai rā meꞌe ana ravaꞌa mo kai.

1 Kōrinto 9:15

ꞌE, ka ai atu e tano rō ꞌana a au mo no-noꞌi atu, ꞌina e tahi ōꞌoku mahana i no-noꞌi atu ki a kōrua, ꞌe taꞌe a au e pāpaꞌi atu ena mo vaꞌai mai o kōrua e tahi meꞌe. Mo vaꞌai mai o kōrua hai tara, e ko tano haka ꞌou a au mo kī pē nei ē: e haka ꞌite nei a au i te roŋo o te ꞌAtua taꞌe e ꞌauhau mai, ꞌe i hau rō atu i te tano mōꞌoku mo mate ꞌi te maruaki ki te taꞌe kī haka ꞌou pē ira.

1 Kōrinto 9:16

Taꞌe he meꞌe mo teꞌo-teꞌo e haka ꞌite e oho nei o ruŋa i te roŋo o te ꞌAtua; he meꞌe mau ꞌā mo aŋa e au. ꞌE, ¡ko te ꞌaroha mo taꞌe aŋa ōꞌoku pē ira!

1 Kōrinto 9:18

ꞌE i ai era pē nei, te ꞌauhau mōꞌoku he koa o te haka ꞌite o te oho i te roŋo riva-riva o te ꞌAtua taꞌe e ꞌauhau mai, te auraꞌa, ꞌina e tahi ꞌāꞌaku meꞌe no-noꞌi atu, ka ai atu e tano rō ꞌana a au mo aŋa pē ira.

1 Kōrinto 9:2

Ka ai atu a au taꞌe he ꞌāpōtoro mo te tētahi, mo kōrua ꞌē-ē. Hai kōrua, paꞌi, e takeꞌa ena he parautiꞌa mau ꞌā he ꞌāpōtoro a au.

2 Kōrinto 11:12

ꞌE, e ko haka kore a au i tōꞌoku haka tere iŋa nei he taꞌe no-noꞌi atu hai moni, ꞌo teꞌo-teꞌo tū nuꞌu tuꞌu atu ena ki a kōrua pē nei ē: e aŋa rō ꞌana a rāua pa he aŋa iŋa nei ꞌā o mātou.

2 Kōrinto 11:20

Mo tuꞌu atu, paꞌi, o te nuꞌu haꞌariro i a kōrua he ꞌekaravo o rāua, te nuꞌu toꞌo i te kōrua meꞌe, te nuꞌu reo-reo atu, te nuꞌu taꞌe haka au atu, ꞌe te nuꞌu vā-vā atu he haꞌaoromaꞌi e kōrua.

2 Kōrinto 2:12

I tuꞌu era a au ki Toroare, meꞌe rahi te ꞌōpani i mātaki mai e te tātou Pūꞌoko Haka Tere mo haka ꞌite ōꞌoku ꞌi ira i te roŋo riva-riva o te Kiritō.

2 Kōrinto 6:3

A mātou e hāpaꞌo rō ꞌā i te mātou meꞌe aŋa, ꞌo aŋa i te meꞌe taꞌe tano haka ꞌaka-ꞌaka i te manaꞌu o te taŋata ꞌo ⌊haka moe i te manaꞌu⌋ ꞌi ruŋa i a Ietū, ꞌe ꞌo tuhi tāꞌue mai i te taꞌe tano o te mātou aŋa.