1 Kōrinto 9:1 - Rapa Nui

¹ Taꞌe a au he ꞌekaravo o te manaꞌu taŋata. A au he ꞌāpōtoro. Ko takeꞌa ꞌana, paꞌi, e au i a Ietū, Pūꞌoko Haka Tere o tātou, ꞌe hai aŋa nei i haka moe ai kōrua i te manaꞌu ꞌi ruŋa i a Ietū.

1 Kōrinto 9:1 ပူးပေါင်းရင်းမြစ်များ

Aŋa o te ꞌĀpōtoro 13:2

ꞌI te mahana e tahi, e haꞌamuri nō ꞌā ananake ki te ꞌAtua ꞌe e tapu ꞌana i te kai, he kī e te ⌊Vārua Maitai⌋: «Ka haꞌataꞌa kōrua i a Verenāvē ararua ko Sauro; e ai rō ꞌā tāꞌaku aŋa mo rāua».

Aŋa o te ꞌĀpōtoro 14:14

I aŋi-aŋi era e nei ŋā ꞌāpōtoro i rā meꞌe, he ihi i te rāua kahu mo haka takeꞌa: meꞌe taꞌe tano mo rāua rā meꞌe. He uru ki vāeŋa o te nuꞌu taka-taka ꞌi ira koia ko ohu:

Aŋa o te ꞌĀpōtoro 14:4

Te nuꞌu o tū kona era ko vahi ꞌā e rua pāꞌiŋa: e tahi i haka roŋo ki te hūrio haka tumu i te ture, ꞌe te rua i haka roŋo ki te ⌊ꞌāpōtoro⌋ ko kuā Pauro.

Aŋa o te ꞌĀpōtoro 23:11

ꞌI te pō o rā mahana, he haka takeꞌa a Ietū i a ia ki a Pauro ꞌe he kī: «Ka haka hio-hio koe. Pa he mataꞌite iŋa ena ꞌā ōꞌou i a au ꞌi nei ꞌi Hērutarema, pē ira takoꞌa ꞌana koe ka mataꞌite ena o ruŋa i a au ꞌi Roma».

Aŋa o te ꞌĀpōtoro 9:15

He kī haka ꞌou e Ietū: —Ka oho nō koe. Ko haꞌataꞌa ꞌana e au i te taŋata era mo vānaŋa o ruŋa i a au ki te nuꞌu o te rua henua, ki te rāua ꞌariki ꞌe pē ira takoꞌa ꞌā ki te itaraera.

Aŋa o te ꞌĀpōtoro 9:17

He eꞌa ia he oho a ꞌĀnānia ki tū hare era ꞌi ira a Sauro. I uru era he haka eke i tōꞌona rima ki ruŋa he kī: «E te taina, ko uŋa mai ꞌana a au e Ietū takeꞌa era e koe ꞌi te ara, mo haka ora atu i tuꞌu mata ꞌe mo ꞌī ōꞌou e te pūai o te ⌊Vārua Maitai⌋».

Aŋa o te ꞌĀpōtoro 9:3

He eꞌa ia he oho a Sauro ki Rāmako. I hāhine era ki ira, he pura e tahi mōrī mai te raŋi he haka māꞌeha ka vari rō i a ia.

Aŋa o te ꞌĀpōtoro 9:5

He ꞌui e Sauro: —¿Ko ai koe? He pāhono e tū reꞌo era: —Ko Ietū, kope mau ena ꞌā e koe e kimi ena mo tōtōā.

Rōmano 1:1

He ꞌaroha atu a au, a Pauro, tāvini o Ietū Kiritō, haꞌataꞌa e ia mo ꞌāpōtoro mo haka ꞌite mo oho i te ⌊roŋo riva-riva o te ꞌAtua⌋

Rōmano 1:5

A Ietū Kiritō, hai riva rahi ōꞌona, i haꞌataꞌa ai i a au mo aŋa ki a ia pa he ꞌāpōtoro, ki ai ai ꞌi te henua taꞌatoꞌa te taŋata haꞌatura ꞌe haka moe i te manaꞌu ꞌi ruŋa i a ia.

Rōmano 11:13

E ai rō ꞌana tāꞌaku meꞌe mo kī atu ki a kōrua ki te nuꞌu taꞌe he hūrio: te ꞌAtua ko haꞌataꞌa ꞌā i a au pa he ⌊ꞌāpōtoro⌋ mo haka ꞌite atu ki a kōrua i tāꞌana vānaŋa. ꞌO ira a au e aŋa riva-riva nei i te aŋa nui-nui nei,

1 Kōrinto 1:1

A au, a Pauro, haꞌataꞌa mo ⌊ꞌāpōtoro⌋ ꞌa Ietū Kiritō hai haŋa o te ꞌAtua, he ꞌaroha atu māua ko te taina nei ko Tōtene ki a kōrua ki te nūnaꞌa taŋata ⌊haka moe i te manaꞌu⌋ ꞌi ruŋa i a Ietū o Kōrinto, haꞌataꞌa e ia mo nuꞌu ꞌāꞌana ꞌina e tahi hara ananake ko te nuꞌu o te kona taꞌatoꞌa haka moe i te manaꞌu ꞌi ruŋa i a Ietū, Pūꞌoko Haka Tere o tātou o te nuꞌu taꞌatoꞌa haꞌataꞌa e te ꞌAtua māꞌana.

1 Kōrinto 10:29

E kī atu ena a au i te meꞌe nei taꞌe o ruŋa i te manaꞌu o kōrua kī atu he aha te meꞌe tano ꞌo taꞌe tano mo aŋa, o ruŋa i te manaꞌu o tētahi a au e kī atu ena. E kī rō pēaha te kope e tahi: «¿He aha a au ana taꞌe aŋa i te meꞌe e haꞌatiꞌa rō ꞌana mo aŋa ꞌo te ai nō mo te rua he hara, ꞌi te taꞌe aŋi-aŋi riva-riva i te meꞌe o te ꞌAtua?».

1 Kōrinto 10:30

ꞌE e kī takoꞌa rō pēaha: «Mo māuru-uru a au i te kai ki te ꞌAtua, ¿he aha ia te nuꞌu ana tuhi mai i tōꞌoku hape ꞌo te kai ōꞌoku i te meꞌe ko māuru-uru era ꞌā e au ki te ꞌAtua?».

1 Kōrinto 11:16

Mo manaꞌu o te kope e tahi e hape rō ꞌana tāꞌaku meꞌe vānaŋa atu ena, he kī atu a au: he meꞌe nei te meꞌe hāpī e mātou e te ⌊ꞌāpōtoro⌋, ꞌe he meꞌe maꞌu e te nuꞌu haka moe i te manaꞌu ꞌi ruŋa i a Ietū ꞌi te kona taꞌatoꞌa.

1 Kōrinto 3:6

A au pa he kope pī i te karu ꞌe a ꞌĀporo pa he kope pī-pī vai, ꞌe o te ꞌAtua te haka tupu ꞌe te haka nui-nui.

1 Kōrinto 9:19

A au ka taꞌe ꞌekaravo o te kope e tahi, ko haka ꞌekaravo ꞌana au i a au ki te taꞌatoꞌa mo ꞌata rahi o te taŋata haka moe i te manaꞌu ꞌi ruŋa i a Ietū.

2 Kōrinto 10:7

E haka topa te kōrua manaꞌu o ruŋa i te meꞌe ko ꞌite riva-riva ꞌā e kōrua o ruŋa i a mātou. Nā, paꞌi, ꞌi roto i a kōrua te nuꞌu kī: a rāua he tāvini parautiꞌa o te Kiritō. E ꞌite e te nuꞌu era: a mātou takoꞌa he tāvini o te Kiritō.

2 Kōrinto 11:5

ꞌIna a au he ŋaroꞌa pē nei ē: kope taꞌe hōnui a au ꞌi muri i tū ŋā ꞌāpōtoro reo-reo tuꞌu atu ena ki a kōrua manaꞌu ena pē nei ē: ꞌata hau rō atu ꞌō a rāua ꞌi te hōnui ki a au.

2 Kōrinto 6:1

Hora nei, pa he nuꞌu hokorua mātou ꞌi te aŋa o te ꞌAtua, he ani atu: ꞌina kōrua ko haka māuꞌa i te riva rahi o te ꞌAtua vaꞌai atu era e ia.

Karatia 1:1

A au, a Pauro, haꞌataꞌa mo te aŋa he ꞌāpōtoro, tōroꞌa taꞌe o te taŋata i vaꞌai mai, ꞌa Ietū Kiritō, ꞌe o te ꞌAtua Matuꞌa haka ora i a ia mai te mate,

Karatia 5:1

A Ietū Kiritō i haka eꞌa i a tātou mai te meꞌe ena he ꞌamo i te haka tere iŋa ꞌa Mōtē mo tano ki te mata o te ꞌAtua. ꞌO ira, e uꞌi kōrua ꞌo haka ꞌamo haka ꞌou rō atu i te haka tere iŋa era, ꞌo ꞌekaravo haka ꞌou kōrua o rā haka tere iŋa.

1 Tētārōnika 2:6

ꞌE, ki te hora hopeꞌa, ꞌina kai aŋa a mātou e tahi meꞌe hai manaꞌu mo haka paka o kōrua ꞌo o te tētahi atu nuꞌu i a mātou,

1 Timoteo 2:7

Mo haka ꞌite mo oho i te roŋo nei i uŋa ai i a au e te ꞌAtua, pa he taŋata maꞌuroŋo ꞌe pa he ⌊ꞌāpōtoro⌋, ꞌe i kī rō mai mo hāpī ki te nuꞌu taꞌe he hūrio o ruŋa i te haka moe iŋa i te manaꞌu ꞌi ruŋa i a Ietū ꞌe o ruŋa i te hāpī parautiꞌa o te ꞌAtua. Te meꞌe nei ꞌāꞌaku e kī atu ena he parautiꞌa, taꞌe he reo-reo.

2 Timoteo 1:11

Te ꞌAtua ko kī mai ꞌana mo haka ꞌite ōꞌoku i te roŋo nei, ꞌe ko uŋa ꞌana i a au pa he ꞌāpōtoro ꞌe pa he maꞌori.