1 Kōrinto 8:9 - Rapa Nui

⁹ ꞌIna ko ai hai ꞌite o kōrua ꞌina e tahi meꞌe taꞌe haꞌatiꞌa e te ꞌAtua mo kai, he viri tuꞌu taina taꞌe aŋi-aŋi riva-riva i te meꞌe o te ꞌAtua ki roto i te hara.

1 Kōrinto 8:9 ပူးပေါင်းရင်းမြစ်များ

Māteo 18:10

»ꞌIna kōrua ko taꞌe haka au i te nuꞌu taꞌe pūai rahi o te haka moe iŋa i te manaꞌu ꞌi ruŋa i a au. ꞌĪ a au he kī atu: te merahi hāpaꞌo i te nuꞌu era ꞌai te raŋi ꞌi muꞌa o tōꞌoku Matuꞌa. [

Rōmano 15:1

A tātou, te nuꞌu ꞌite riva-riva i te meꞌe o ruŋa i te ꞌAtua, e haꞌaoromaꞌi te taꞌe aŋa o te tātou taina i te meꞌe manaꞌu e rāua he meꞌe taꞌe haꞌatiꞌa e te ꞌAtua. ꞌIna ko aŋa i te meꞌe mo koa o tātou nō.

1 Kōrinto 10:24

ꞌIna koe ko manaꞌu ki te meꞌe mo te riva-riva mau nō ōꞌou; e manaꞌu ki te meꞌe mo te riva-riva o te tētahi.

1 Kōrinto 10:28

ꞌE, mo kī atu e te kope e tahi o ira: «Te kiko nei ko tūtia ꞌā ki te ꞌītoro», mo te riva-riva o te kope era, ꞌina koe ko kai, koiꞌite mōꞌona ꞌe mo te tētahi nuꞌu o ira te kai i rā kiko he hara.

1 Kōrinto 10:29

E kī atu ena a au i te meꞌe nei taꞌe o ruŋa i te manaꞌu o kōrua kī atu he aha te meꞌe tano ꞌo taꞌe tano mo aŋa, o ruŋa i te manaꞌu o tētahi a au e kī atu ena. E kī rō pēaha te kope e tahi: «¿He aha a au ana taꞌe aŋa i te meꞌe e haꞌatiꞌa rō ꞌana mo aŋa ꞌo te ai nō mo te rua he hara, ꞌi te taꞌe aŋi-aŋi riva-riva i te meꞌe o te ꞌAtua?».

1 Kōrinto 10:32

ꞌIna kōrua ko aŋa i te meꞌe mo haka riri i te rua, ka ai he ⌊hūrio⌋, he taꞌe hūrio ꞌo he nuꞌu haka moe i te manaꞌu ꞌi ruŋa i a Ietū.

1 Kōrinto 8:10

Pē nei te auraꞌa: mo ai o te taina taꞌe aŋi-aŋi riva-riva i te meꞌe o te ꞌAtua he takeꞌa i a koe e kai ꞌana i te kai tūtia ki te ꞌītoro, ¿e ko taꞌe pohe mau hō rā taina mo kai takoꞌa tāꞌana?

1 Kōrinto 8:12

Mo aŋa o tātou i te meꞌe taꞌe tano tuꞌu pē nei ki te tātou taina, e hara ꞌā tātou ki a Ietū.

1 Kōrinto 9:22

ꞌE ꞌi te hora ōꞌoku ꞌi roto i te nuꞌu kai hio-hio ꞌā te rāua haka moe iŋa i te manaꞌu ꞌi ruŋa i a Ietū, he haka tere takoꞌa a au i a au pē rāua, mo haka hio-hio i te rāua manaꞌu ꞌi ruŋa i a Ietū. Te roa: e haka tere nei a au i a au pa he taꞌatoꞌa nō, he rāveꞌa e tahi mo haka eꞌa i te tētahi o rāua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

2 Kōrinto 11:21

¡Ko te haꞌamā ꞌō ꞌi te pūai kore o mātou mo meꞌe takoꞌa atu pē rāua! ꞌE, ꞌi te meꞌe era ꞌina a rāua he riꞌa-riꞌa mo teꞌo-teꞌo, ꞌina takoꞌa ia a au e ko riꞌa-riꞌa, ka ai atu pa he kope maꞌa-maꞌa a au e vānaŋa atu ena.

2 Kōrinto 11:29

ꞌo viri tāꞌue e tahi o rāua ki roto ꞌi te hara ꞌo te taꞌe pūai o tōꞌona haka moe iŋa i te manaꞌu ꞌi ruŋa i a Ietū ꞌe ꞌo te haka hara i a ia e te kope e tahi. Ka meꞌe era, he riri ia a au mo rā kope era ꞌāꞌana i haka hara.

2 Kōrinto 6:3

A mātou e hāpaꞌo rō ꞌā i te mātou meꞌe aŋa, ꞌo aŋa i te meꞌe taꞌe tano haka ꞌaka-ꞌaka i te manaꞌu o te taŋata ꞌo ⌊haka moe i te manaꞌu⌋ ꞌi ruŋa i a Ietū, ꞌe ꞌo tuhi tāꞌue mai i te taꞌe tano o te mātou aŋa.

Karatia 5:13

E te taina, o te ꞌAtua i haka eꞌa i a tātou mai te meꞌe he ꞌamo i te haka tere iŋa ꞌa Mōtē mo tano o tātou ki tōꞌona mata. Te parautiꞌa nei ꞌina ko ai mo tātou he ꞌōtohe mo aŋa i te meꞌe taꞌe tano pohe nō e te hakari. Te meꞌe o tātou mo aŋa he haŋa ꞌe he hāꞌūꞌū ki te rua hai māhatu.

Kōrosa 2:8

E uꞌi kōrua e te nuꞌu ꞌo reo-reo atu hai hāpī taꞌe parautiꞌa, he haka tere iŋa poreko mai te manaꞌu taŋata nō, ꞌo he meꞌe haka manaꞌu e te tātane haka tere i te ao nei. Te hāpī nei taꞌe ꞌa Ietū Kiritō.

1 Pētero 2:16

E noho kōrua pa he nuꞌu taꞌe haka tere e te meꞌe o te ao nei; te ꞌAtua, paꞌi, ko haka eꞌa ꞌana i a kōrua mai rā haka tere iŋa. ꞌE, ka ai atu pē ira, e uꞌi ꞌo riro te parautiꞌa nei he ꞌōtohe e tahi mo aŋa o kōrua i te meꞌe taꞌe tano. Te meꞌe haŋa mau: e noho kōrua pa he tāvini o te ꞌAtua.

2 Pētero 2:19

He kī nō te aŋa e tū ŋā maꞌori reo-reo ena: «Te nuꞌu oho mai a te ara o mātou ꞌina he kope mo kī pē hē a rāua ana haka tere». ꞌE te parautiꞌa, te ŋā maꞌori reo-reo nei he ꞌekaravo o te meꞌe taꞌe tano aŋa e rāua. Te taŋata taꞌatoꞌa, paꞌi, he ꞌekaravo o te meꞌe taꞌatoꞌa haka tere i a rāua.

Meꞌe Haka Takeꞌa 2:14

’Ka ai atu pē ira, e ai rō ꞌā tāꞌaku ture māꞌau: ꞌi te kona ena e ai rō ꞌā te kōrua nuꞌu ko te maꞌu iŋa ꞌana i te haka tere iŋa era ꞌa ⌊Vārama⌋. O te kope nei, paꞌi, i hāpī i a Vāraka pē hē ana haka hara i te itaraera hai haka haŋu i a rāua mo kai i te kai tūtia ki te ꞌītoro ꞌe mo moe i te viꞌe ꞌe i te taŋata taꞌe he viꞌe ꞌo he kenu ꞌāꞌana.