1 Kōrinto 8:6 - Rapa Nui

⁶ ꞌE, a tātou, te nuꞌu ⌊haka moe i te manaꞌu⌋ ꞌi ruŋa i a Ietū, e ꞌite riva-riva rō ꞌana: e tahi mau nō ꞌAtua, he Matuꞌa, ꞌāꞌana i aŋa i te meꞌe taꞌatoꞌa, ꞌe māꞌana a tātou e ai nei. ꞌE e tahi mau nō tātou Pūꞌoko Haka Tere ko Ietū Kiritō, hai ia te meꞌe taꞌatoꞌa i ai ai, ꞌe ꞌātā a tātou mau nei ꞌā.

1 Kōrinto 8:6 ပူးပေါင်းရင်းမြစ်များ

Māteo 11:27

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō; ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite.

Māteo 28:18

He haka hāhine a Ietū ki muri i rā nuꞌu ꞌe he kī: «Ko vaꞌai tahi mai ꞌana te ꞌAtua i te parau mo haka tere i te meꞌe o te raŋi ꞌe o te ao nei.

Iovani 1:10

I noho rō te Vānaŋa ꞌi ruŋa i te henua, ꞌe, ka ai atu hai ia te ꞌAtua i aŋa ai i te ao, kai ꞌite e te taŋata ko ai a ia.

Iovani 1:3

ꞌE hai Vānaŋa te ꞌAtua i aŋa ai i te meꞌe taꞌatoꞌa; ꞌina e tahi meꞌe i ai i taꞌe aŋa hai ia.

Iovani 10:30

ꞌE, a māua ko te Matuꞌa e tahi mau nō.

Iovani 13:13

A kōrua e kī mai ena: “e te Maꞌori”, ꞌe, takoꞌa, “e te Pūꞌoko Haka Tere ē”. Ko tano ꞌana, he aŋi mau ꞌā to kōrua.

Iovani 14:20

ꞌI rā mahana ka aŋi-aŋi ena e kōrua: a māua ko te Matuꞌa e tahi mau nō, a au o kōrua, ꞌe a kōrua ꞌāꞌaku.

Iovani 17:3

Te meꞌe he ora ꞌāpī ꞌina he hopeꞌa raꞌa ko te meꞌe nei: he ꞌite e rāua ko ai mau a koe, he ꞌAtua parautiꞌa e tahi mau nō, ꞌe ko ai a au a Ietū Kiritō, he kope uŋa mai e koe.

Iovani 20:17

He kī e Ietū: —Ē, ꞌina koe ko haka noho mai i a au. Kai iri ꞌana, paꞌi, a au ki tōꞌoku Matuꞌa. Ka oho ka kī ki te tētahi nuꞌu ꞌāꞌaku: «He iri a au ki tōꞌoku Matuꞌa, Matuꞌa takoꞌa o kōrua, ki tōꞌoku ꞌAtua, ꞌAtua takoꞌa o kōrua».

Aŋa o te ꞌĀpōtoro 17:28

Hai ꞌAtua, paꞌi, a tātou e ora nei, e makenu nei ꞌe e ai nei ꞌi ruŋa i te henua. Pē nei te tētahi nuꞌu pāpaꞌi pātaꞌu-taꞌu o kōrua i kī ai: “He poki a tātou o te ꞌAtua”.

Aŋa o te ꞌĀpōtoro 2:36

»E te taŋata o Itaraera, e ꞌite riva-riva kōrua: a Ietū, veo era e kōrua ꞌi ruŋa i te tātaurō, ko haka Pūꞌoko Haka Tere ꞌā e te ꞌAtua o te meꞌe taꞌatoꞌa ꞌe ko haka Kiritō ꞌā».

Aŋa o te ꞌĀpōtoro 5:31

Ko haka nui-nui ꞌā hai haka noho i a ia ꞌi tōꞌona pāꞌiŋa mataꞌu pa he ꞌariki ꞌe pa he kope haka eꞌa i te taŋata mai roto i te ūtuꞌa o te hara, mo hāꞌūꞌū ki te itaraera mo huri o te manaꞌu ki te ꞌAtua ki haka kore ai e ia i te rāua hara.

Rōmano 11:36

Taꞌatoꞌa meꞌe o te ꞌAtua i aŋa, ꞌe hai ia e ai e oho nō ena; i aŋa ai mo haꞌahana-hana ki a ia. ¡Ki haꞌahana-hana tahi ia tātou ki te ꞌAtua ꞌātā ki te hopeꞌa raꞌa! ⌊ꞌĀmene⌋.

1 Kōrinto 12:3

ꞌO ira e haŋa ꞌana a au mo ꞌite o kōrua: ꞌina e tahi kope haka tere e te Vārua Maitai tohu i a Ietū, ꞌe ꞌina e tahi kope taꞌe o te Vārua Maitai te haka tere kī: a Ietū he Pūꞌoko Haka Tere ōꞌona.

1 Kōrinto 6:13

ꞌE mo kī o te rua kope pē nei ē: «Te ꞌAtua i aŋa ai i te tātou kōpū mo te kai ꞌe te kai mo te kōpū», he aŋi takoꞌa ꞌā tāꞌana vānaŋa, ka ai atu pe muꞌa ka oho ena e ko ai haka ꞌou pē ira. Te meꞌe nō, ꞌina kōrua ko manaꞌu: pē ira takoꞌa ꞌana te hakari. Te ꞌAtua, paꞌi, kai aŋa i te hakari mo moe i te viꞌe ꞌo i te taŋata taꞌe he kenu taꞌe he viꞌe; i aŋa ai e te ꞌAtua mo tāvini ki te tātou Pūꞌoko Haka Tere ko Ietū Kiritō, ꞌe tāꞌana meꞌe haŋa he hāpaꞌo o tātou i te hakari.

1 Kōrinto 8:4

ꞌE te meꞌe ena he kai i te kai tūtia ki te ꞌītoro, e ꞌite rō ꞌana e tātou: te ꞌītoro taꞌe he ꞌatua parautiꞌa, ꞌe e ꞌite takoꞌa rō ꞌana: e tahi mau nō ꞌAtua.

Ēfeto 1:3

Ki haꞌahana-hana tātou ki te ꞌAtua, he Matuꞌa o te tātou Pūꞌoko Haka Tere ko Ietū Kiritō, ꞌi te meꞌe era ko haꞌamaitai mai ꞌana i a tātou hai vaꞌai mai i te meꞌe riva-riva ai ꞌi ruŋa i te raŋi mo hāꞌūꞌū mai ꞌi te tātou haꞌere iŋa a tōꞌona ara ꞌo te ai o tātou ꞌa Ietū Kiritō.

Ēfeto 3:14

E haka topa nei au i tōꞌoku manaꞌu ki te meꞌe taꞌatoꞌa nei, he tū-turi a au he pure ki te ꞌAtua Matuꞌa,

Kōrosa 1:6

tuꞌu atu era ki a kōrua. Te roŋo riva-riva nei o ruŋa i a Ietū nā ko ꞌite ko oho ꞌana ꞌi te kona taꞌatoꞌa o te ao koia ko te haka ꞌāpī ko te oho i te noho iŋa o te nuꞌu haka moe i te manaꞌu ꞌi ruŋa i a ia, pa he meꞌe topa atu ki a kōrua hora aŋi-aŋi era he parautiꞌa mau ꞌā te vānaŋa ŋaroꞌa e kōrua o ruŋa i te riva rahi o te ꞌAtua mo te taŋata.

1 Pētero 1:21

Hai Kiritō kōrua e haka moe ena i te manaꞌu ꞌi ruŋa i te ꞌAtua. ꞌE, ꞌo te haka ora e te ꞌAtua i te Kiritō mai te mate ꞌe ꞌo te haka nui-nui, e taꞌe haka tapa ena te kōrua manaꞌu mai ruŋa i te ꞌAtua ꞌe e ꞌite ena e kōrua e aŋa tahi rō e ia i tāꞌana meꞌe hōrea era.

Meꞌe Haka Takeꞌa 1:18

he kope e ora rō ꞌā. I mate rō a au, ꞌe, hora nei, he ora he oho mau rō ꞌai ꞌātā ki te hopeꞌa raꞌa. Te tāviri o te mate i a au.