1 Kōrinto 8:4 - Rapa Nui

⁴ ꞌE te meꞌe ena he kai i te kai tūtia ki te ꞌītoro, e ꞌite rō ꞌana e tātou: te ꞌītoro taꞌe he ꞌatua parautiꞌa, ꞌe e ꞌite takoꞌa rō ꞌana: e tahi mau nō ꞌAtua.

1 Kōrinto 8:4 ပူးပေါင်းရင်းမြစ်များ

Marko 12:29

He pāhono e Ietū: —Te roŋo hopeꞌa o te nui-nui o roto o te roŋo taꞌatoꞌa ko te meꞌe kī era e Mōtē ꞌi ruŋa i te Pāpaꞌi Moꞌa: «E te itaraera ē, e tahi mau nō ꞌAtua, ko Iehoha, Pūꞌoko Haka Tere o tātou.

Aŋa o te ꞌĀpōtoro 14:15

«¿He aha rā kōrua e aŋa ena i te meꞌe tuꞌu pē nā? A māua he taŋata pē kōrua ꞌā. I oho mai nei a māua mo haka ꞌite atu i te roŋo riva-riva o te ꞌAtua, ki haka rē ai a kōrua i te haꞌamuri iŋa ki te meꞌe taꞌe he ꞌatua parautiꞌa, ꞌe ki huri ai te kōrua manaꞌu ki te ꞌAtua ora, aŋa i te raŋi, i te henua, i te vaikava, ꞌe i te meꞌe taꞌatoꞌa ai o te ao.

Aŋa o te ꞌĀpōtoro 15:20

Ki pāpaꞌi ki haka ꞌite ki rā nuꞌu i te meꞌe mo taꞌe aŋa e rāua: he kai i te kiko tūtia ki te ꞌītoro, he taꞌe piri tane ki te kope taꞌe he kenu ꞌe he viꞌe ꞌāꞌana, he kai i te kiko o te ꞌanimare ꞌina kai haka hiho i te toto, ꞌe he kai i te toto.

Aŋa o te ꞌĀpōtoro 19:26

Ko ŋaroꞌa ꞌana ꞌe ko takeꞌa ꞌā e kōrua te taŋata ena ko Pauro nā e kī e oho ꞌana: te meꞌe aŋa e te taŋata mo ꞌatua taꞌe he ꞌatua. I rahi rō te taŋata i haka roŋo ꞌe i manaꞌu pē ira, taꞌe nō ꞌi nei ꞌi Ēfeto, ꞌi te kona taꞌatoꞌa o ꞌĀtia.

1 Kōrinto 8:1

ꞌĪ a au he vānaŋa atu o ruŋa i te ꞌui era o kōrua o te kai tūtia ki te ꞌītoro. Taꞌatoꞌa o tātou e ꞌite rō ꞌā ꞌina e tahi pūai o te ꞌītoro ꞌi ruŋa i a tātou. Ka ai atu pē ira, ka haka topa te manaꞌu: mo haka tere o tātou hai ꞌite, he manaꞌu tātou i hau rō atu tātou ki te rua. ꞌE, mo haka tere hai haŋa, he aŋa tātou i te meꞌe riva-riva mo te rua.

1 Kōrinto 8:10

Pē nei te auraꞌa: mo ai o te taina taꞌe aŋi-aŋi riva-riva i te meꞌe o te ꞌAtua he takeꞌa i a koe e kai ꞌana i te kai tūtia ki te ꞌītoro, ¿e ko taꞌe pohe mau hō rā taina mo kai takoꞌa tāꞌana?

1 Kōrinto 8:11

Pē ira, hai ꞌite era ōꞌou tuꞌu taina ka taꞌe haka moe haka ꞌou era i tōꞌona manaꞌu ꞌi ruŋa i a Ietū mate takoꞌa era mōꞌona.

Karatia 4:8

ꞌI muꞌa ꞌā, hora era kai haka moe ꞌana kōrua i te manaꞌu ꞌi ruŋa i te ꞌAtua parautiꞌa, he ꞌekaravo kōrua o te meꞌe kī e kōrua he ꞌatua.

Ēfeto 4:6

E tahi mau nō ꞌAtua, he Matuꞌa o tātou taꞌatoꞌa. A ia e noho ena ꞌi roto i a tātou hai Vārua Maitai, e haka tere mai ena, ꞌe e aŋa ena i tāꞌana meꞌe haŋa hai tātou.

1 Timoteo 1:17

¡Ki moꞌa ꞌe ki haꞌahana-hana tahi tātou, ꞌātā ki te hopeꞌa raꞌa, ki te ꞌAriki, he ꞌAtua ꞌina ōꞌona haꞌamata, ꞌina ōꞌona hopeꞌa, ꞌina he mate, ꞌina he takeꞌa, ꞌe e tahi mau nō! Ka ai pē ira.

1 Timoteo 2:5

Te ꞌAtua e tahi nō, ꞌe e tahi nō kope haka riva-riva i te taŋata ki te ꞌAtua, ko Ietū Kiritō.