1 Kōrinto 8:10 - Rapa Nui

¹⁰ Pē nei te auraꞌa: mo ai o te taina taꞌe aŋi-aŋi riva-riva i te meꞌe o te ꞌAtua he takeꞌa i a koe e kai ꞌana i te kai tūtia ki te ꞌītoro, ¿e ko taꞌe pohe mau hō rā taina mo kai takoꞌa tāꞌana?

1 Kōrinto 8:10 ပူးပေါင်းရင်းမြစ်များ

Aŋa o te ꞌĀpōtoro 15:20

Ki pāpaꞌi ki haka ꞌite ki rā nuꞌu i te meꞌe mo taꞌe aŋa e rāua: he kai i te kiko tūtia ki te ꞌītoro, he taꞌe piri tane ki te kope taꞌe he kenu ꞌe he viꞌe ꞌāꞌana, he kai i te kiko o te ꞌanimare ꞌina kai haka hiho i te toto, ꞌe he kai i te toto.

Rōmano 14:14

Ko ꞌite riva-riva ꞌana a au, pa he taŋata haka moe i te manaꞌu ꞌi ruŋa i a Ietū, taꞌatoꞌa meꞌe ai mo kai e haꞌatiꞌa rō ꞌana e te ꞌAtua mo kai. Ka ai atu pē ira, mo manaꞌu e tahi kope e ai rō ꞌana te meꞌe taꞌe haꞌatiꞌa mo kai, mōꞌona ia he meꞌe taꞌe haꞌatiꞌa mau ꞌā.

Rōmano 14:23

ꞌE te kope taꞌe aŋi-aŋi riva-riva hoki e tano rō ꞌana ꞌo e taꞌe tano rō ꞌana te kai ōꞌona e tahi meꞌe, ka kai era, e hara ꞌana, he taꞌe maꞌu ꞌi roto i a ia he parautiꞌa mau ꞌā he meꞌe tano ki te ꞌAtua. Taꞌatoꞌa nō meꞌe, paꞌi, mo aŋa e tāua ꞌina kai ꞌite riva-riva hia ꞌā hoki he meꞌe tano ki te mata o te ꞌAtua ꞌo ꞌina, e hara ꞌana.

1 Kōrinto 10:32

ꞌIna kōrua ko aŋa i te meꞌe mo haka riri i te rua, ka ai he ⌊hūrio⌋, he taꞌe hūrio ꞌo he nuꞌu haka moe i te manaꞌu ꞌi ruŋa i a Ietū.

1 Kōrinto 8:4

ꞌE te meꞌe ena he kai i te kai tūtia ki te ꞌītoro, e ꞌite rō ꞌana e tātou: te ꞌītoro taꞌe he ꞌatua parautiꞌa, ꞌe e ꞌite takoꞌa rō ꞌana: e tahi mau nō ꞌAtua.

1 Kōrinto 8:7

Te ꞌati nō, tētahi o tātou kai aŋi-aŋi riva-riva ꞌana ꞌina he pūai o te ꞌītoro o ruŋa i a tātou, ꞌi te meꞌe era ꞌi muꞌa ꞌā e haꞌamuri rō ꞌana e rāua. ꞌE hora nei, mo kai i te kai tūtia ki te ꞌītoro, he manaꞌu ko hara ꞌana a rāua.

1 Kōrinto 8:9

ꞌIna ko ai hai ꞌite o kōrua ꞌina e tahi meꞌe taꞌe haꞌatiꞌa e te ꞌAtua mo kai, he viri tuꞌu taina taꞌe aŋi-aŋi riva-riva i te meꞌe o te ꞌAtua ki roto i te hara.