1 Kōrinto 8:1 - Rapa Nui

¹ ꞌĪ a au he vānaŋa atu o ruŋa i te ꞌui era o kōrua o te kai tūtia ki te ꞌītoro. Taꞌatoꞌa o tātou e ꞌite rō ꞌā ꞌina e tahi pūai o te ꞌītoro ꞌi ruŋa i a tātou. Ka ai atu pē ira, ka haka topa te manaꞌu: mo haka tere o tātou hai ꞌite, he manaꞌu tātou i hau rō atu tātou ki te rua. ꞌE, mo haka tere hai haŋa, he aŋa tātou i te meꞌe riva-riva mo te rua.

1 Kōrinto 8:1 ပူးပေါင်းရင်းမြစ်များ

Aŋa o te ꞌĀpōtoro 15:10

»Mo ai pē ira, ¿he aha ia a kōrua e haŋa ena mo haka riri i te ꞌAtua hai haka ꞌamo ki te nuꞌu era i te haka tere iŋa ꞌa Mōtē, he meꞌe kai ꞌite mo ꞌamo e tātou ꞌe e te tātou tupuna?

Aŋa o te ꞌĀpōtoro 15:29

ꞌina ko kai i te kiko o te ꞌanimare tūtia ki te ꞌītoro, ꞌina ko kai i te toto ꞌe i te kiko o te ꞌanimare kai haka hiho i te toto, ꞌe ꞌina ko piri tane mo taꞌe ai he kenu he viꞌe. Mo moꞌa i te ŋā roŋo nei, e aŋa ꞌana kōrua i te meꞌe tī-tika. ꞌIorana kōrua».

Aŋa o te ꞌĀpōtoro 21:25

»ꞌE, a koe ko ꞌite ꞌana ko pāpaꞌi ko haka ꞌite ꞌā a mātou ki te nuꞌu taꞌe he hūrio haka moe i te manaꞌu ꞌi ruŋa i a Ietū i te mātou manaꞌu: te rāua meꞌe nō mo maꞌu o te haka tere iŋa ꞌa Mōtē ko te ŋā meꞌe nei: ꞌina ko kai i te kiko tūtia ki te ꞌītoro, i te toto, ꞌe i te kiko o te ꞌanimare kai haka hiho i te toto, ꞌe ꞌina ko piri tane mo taꞌe ai he kenu he viꞌe».

Rōmano 11:25

E te taina ē, e haŋa rō ꞌana a au mo haka ꞌite atu i te meꞌe ꞌina kai ꞌite ꞌana e te taŋata o ruŋa i te hūrio, ꞌo manaꞌu rō kōrua i hau rō atu ꞌō kōrua ki a rāua. Tētahi o rāua ko hārui ꞌana hai tuaꞌivi i te ꞌAtua, ꞌe pē rā mau ꞌā ka oho ena ꞌātā ka haka moe tahi rō te manaꞌu ꞌi ruŋa i a Ietū te nuꞌu taꞌe he hūrio haꞌataꞌa e te ꞌAtua māꞌana.

Rōmano 12:16

ꞌIna ko tātake ꞌi roto i a kōrua. ꞌIna ko manaꞌu i hau rō atu ki te rua, ꞌo manaꞌu e ai rō ꞌana te nuꞌu mo taꞌe piri e kōrua ꞌe te aŋa mo taꞌe aŋa e kōrua. ꞌIna ko manaꞌu ko ꞌite tahi ꞌana i te meꞌe taꞌatoꞌa.

Rōmano 14:10

¿He aha ia koe e kī ena e hape rō ꞌā tuꞌu taina? ꞌE ¿he aha koe e haka taꞌe au ena ki a ia? Taꞌatoꞌa nō tātou ka māroa ena ꞌi muꞌa o te ꞌAtua, ꞌe he kī mai he aha te tātou meꞌe tano ꞌe taꞌe tano i aŋa.

Rōmano 14:14

Ko ꞌite riva-riva ꞌana a au, pa he taŋata haka moe i te manaꞌu ꞌi ruŋa i a Ietū, taꞌatoꞌa meꞌe ai mo kai e haꞌatiꞌa rō ꞌana e te ꞌAtua mo kai. Ka ai atu pē ira, mo manaꞌu e tahi kope e ai rō ꞌana te meꞌe taꞌe haꞌatiꞌa mo kai, mōꞌona ia he meꞌe taꞌe haꞌatiꞌa mau ꞌā.

Rōmano 14:19

ꞌO ira, ki uꞌi ki aŋa i te rāveꞌa taꞌatoꞌa ai mo hāꞌūꞌū i a tātou mo ꞌata ꞌite o ruŋa i te meꞌe o te ꞌAtua, ꞌe mo ai o te haumārū ꞌi roto i a tātou taꞌatoꞌa o te nuꞌu haka moe i te manaꞌu ꞌi ruŋa i a Ietū.

Rōmano 14:22

ꞌE te meꞌe manaꞌu e koe o ruŋa i te meꞌe haꞌatiꞌa ꞌe taꞌe haꞌatiꞌa e te ꞌAtua ko koe ꞌe ko ia mau nō te meꞌe mo ꞌite. ¡Ko te koa ꞌō i te kope aŋa i te meꞌe manaꞌu e ia he meꞌe tano, ꞌe ꞌi roto i te māhatu ꞌina he meꞌe kī ko hape ꞌana ꞌō a ia!

Rōmano 14:3

Te nuꞌu kai i te meꞌe taꞌatoꞌa ꞌina ko taꞌe haka au mo te nuꞌu e ai rō ꞌana te rāua meꞌe taꞌe kai. ꞌE te nuꞌu nei ꞌina ko taꞌe haka au mo te nuꞌu kai i te meꞌe taꞌatoꞌa; pē tū haŋa iŋa ꞌana, paꞌi, te ꞌAtua ki a rāua taꞌatoꞌa.

Rōmano 15:14

E te taina ōꞌoku ē, e ꞌite riva-riva rō ꞌana a au: te kōrua noho iŋa noho iŋa tano ki te mata o te ꞌAtua, ko ꞌite riva-riva ꞌana kōrua o ruŋa i te hāpī parautiꞌa ꞌāꞌana, ꞌe e tano rō ꞌana mo hāꞌūꞌū ꞌi roto i a kōrua ꞌā mo haka tika o ruŋa i te meꞌe haŋa o te ꞌAtua.

1 Kōrinto 1:5

Hai ia, paꞌi, te ꞌAtua i haꞌamaitai ai i a kōrua mo aŋi-aŋi riva-riva e kōrua i tāꞌana vānaŋa ꞌe mo ꞌite mo hāpī i te nuꞌu,

1 Kōrinto 10:15

A kōrua he nuꞌu ꞌite mo haka topa riva-riva i te manaꞌu; mo kōrua mau ꞌā e uꞌi hoki e tano rō ꞌā ꞌo e taꞌe tano rō ꞌā tāꞌaku vānaŋa pāpaꞌi atu ena.

1 Kōrinto 10:28

ꞌE, mo kī atu e te kope e tahi o ira: «Te kiko nei ko tūtia ꞌā ki te ꞌītoro», mo te riva-riva o te kope era, ꞌina koe ko kai, koiꞌite mōꞌona ꞌe mo te tētahi nuꞌu o ira te kai i rā kiko he hara.

1 Kōrinto 14:20

E te taina, ka haka rē te manaꞌu ŋā poki o ruŋa i te ŋā meꞌe nei. Mo haŋa o kōrua mo manaꞌu pa he ŋā poki, e manaꞌu ia pa he ŋā poki poreko iho mo te meꞌe taꞌe tano.

1 Kōrinto 15:34

E haka topa riva-riva haka ꞌou te manaꞌu, ꞌe ꞌina ko hara. Te tētahi, paꞌi, o kōrua ꞌina he ꞌite i te hāpī parautiꞌa o te ꞌAtua. E kī atu ena a au i te meꞌe nei mo haꞌamā o kōrua.

1 Kōrinto 4:10

E manaꞌu ena te nuꞌu o te ao nei he maꞌa-maꞌa a mātou ꞌo te aŋa ki te Kiritō, ꞌe a kōrua e manaꞌu ena: ꞌo te ai a kōrua o te Kiritō he nuꞌu mārama-rama. Ki te manaꞌu takoꞌa o te nuꞌu o te ao nei he nuꞌu taꞌe pūai a mātou, ꞌe a kōrua e manaꞌu ena he nuꞌu pūai kōrua. Te nuꞌu o te ao e taꞌe haka au rō ꞌana i a mātou, ꞌe ki a kōrua e moꞌa atu ena.

1 Kōrinto 4:18

Ko ꞌite ꞌana a au: tētahi o roto i a kōrua nā e haka paka ꞌana i a rāua ꞌi te meꞌe era e manaꞌu ena e ko hoki atu au e ko uꞌi i a kōrua.

1 Kōrinto 4:6

E te taina, mo te kōrua riva-riva i vānaŋa i haꞌaauraꞌa atu ai au o ruŋa i a māua ko ꞌĀporo mo ꞌite o kōrua mo haka tere nō i a kōrua hai meꞌe hāꞌaki ꞌi ruŋa i te ⌊Pāpaꞌi Moꞌa⌋, ꞌo haka paka kōrua i te kope e tahi ꞌe ꞌo taꞌe haka au i te rua.

1 Kōrinto 5:2

Ka ai atu pē ira, ko te teꞌo-teꞌo iŋa ꞌā a kōrua pē nei ē: ko ꞌite riva-riva ꞌana a kōrua i te meꞌe o te ꞌAtua. Te tano mau: e māui-ui te kōrua māhatu ꞌi te meꞌe tuꞌu pē nā. Te taŋata aŋa i te meꞌe tuꞌu pē nei e haka eꞌa mai roto i a kōrua.

1 Kōrinto 5:6

E ko tano kōrua mo teꞌo-teꞌo. E kī rō ꞌana, paꞌi: «E tahi ꞌapa ꞌiti-ꞌiti o te revaura he ahu tahi te haraoa». Pē ira takoꞌa ꞌana hai taŋata mau nō e tahi e hara nō meꞌe rahi nō atu nuꞌu.

1 Kōrinto 8:2

Te kope manaꞌu e ꞌite rahi rō ꞌana a ia o ruŋa i te meꞌe e tahi ꞌina kai aŋi-aŋi riva-riva i rā meꞌe pa he meꞌe haŋa e te ꞌAtua mo aŋi-aŋi e ia.

1 Kōrinto 8:4

ꞌE te meꞌe ena he kai i te kai tūtia ki te ꞌītoro, e ꞌite rō ꞌana e tātou: te ꞌītoro taꞌe he ꞌatua parautiꞌa, ꞌe e ꞌite takoꞌa rō ꞌana: e tahi mau nō ꞌAtua.

1 Kōrinto 8:7

Te ꞌati nō, tētahi o tātou kai aŋi-aŋi riva-riva ꞌana ꞌina he pūai o te ꞌītoro o ruŋa i a tātou, ꞌi te meꞌe era ꞌi muꞌa ꞌā e haꞌamuri rō ꞌana e rāua. ꞌE hora nei, mo kai i te kai tūtia ki te ꞌītoro, he manaꞌu ko hara ꞌana a rāua.

Ēfeto 4:16

ꞌE, ꞌo te ai ōꞌona he Pūꞌoko o tātou ꞌe a tātou he hakari ōꞌona, māꞌana e haka tika e papa e haka riva-riva ꞌi tōꞌona kona i a tātou, he kona o tōꞌona hakari. ꞌE mo aŋa tahi o te ŋā kona nei i te rāua aŋa hai haŋa, he nui-nui ꞌe he pūai he oho te hakari.

Kōrosa 2:18

ꞌIna takoꞌa ko tapa atu i te nuꞌu taꞌe haka au atu i a kōrua ꞌi te taꞌe haꞌamuri pē rāua ki te merahi. E haka tuꞌu rō ꞌana i a rāua pa he nuꞌu haumārū, taꞌe manaꞌu i hau rō atu ki te rua, ꞌe te parautiꞌa mau, he teꞌo-teꞌo nō te aŋa ꞌo te ai, ki te rāua kī, ko takeꞌa ꞌana i te meꞌe i haka takeꞌa e te ꞌAtua. ꞌE te meꞌe aŋa he haka paka ꞌi te manaꞌu taŋata nō.

Meꞌe Haka Takeꞌa 2:14

’Ka ai atu pē ira, e ai rō ꞌā tāꞌaku ture māꞌau: ꞌi te kona ena e ai rō ꞌā te kōrua nuꞌu ko te maꞌu iŋa ꞌana i te haka tere iŋa era ꞌa ⌊Vārama⌋. O te kope nei, paꞌi, i hāpī i a Vāraka pē hē ana haka hara i te itaraera hai haka haŋu i a rāua mo kai i te kai tūtia ki te ꞌītoro ꞌe mo moe i te viꞌe ꞌe i te taŋata taꞌe he viꞌe ꞌo he kenu ꞌāꞌana.

Meꞌe Haka Takeꞌa 2:20

’Ka ai atu pē ira, e ai rō ꞌana tāꞌaku ture māꞌau: he haꞌaoromaꞌi ōꞌou i te viꞌe ko Hētāvere, viꞌe kī i a ia mau ꞌā he perofeta. Te viꞌe nei hai hāpī reo-reo ꞌāꞌana e haka haŋu ena i tōꞌoku tāvini mo moe i te viꞌe i te taŋata taꞌe he viꞌe ꞌo he kenu ꞌāꞌana ꞌe mo kai i te kai tūtia ki te ꞌītoro.