1 Kōrinto 7:5 - Rapa Nui

⁵ ꞌO ira, ꞌina e tahi o rāua mo kī ki te rua ꞌina he haŋa mo piri tane, mo taꞌe ai ꞌi raꞌe i haꞌaꞌau ai ararua mo taꞌe piri ꞌi te tētahi mahana mo pure ki te ꞌAtua. Ki oti rā ŋā mahana he piri haka ꞌou, ꞌo taꞌe ravaꞌa rō mo haka noho i te hakari ꞌe he haka hara e Rukifero.

1 Kōrinto 7:5 ပူးပေါင်းရင်းမြစ်များ

Māteo 17:21

ꞌE, te tātane taꞌatoꞌa pūai pē rā, hai pure nō ki te ꞌAtua ꞌe hai tapu i te kai ana haka eꞌa.]

Māteo 19:11

He pāhono e Ietū: —Taꞌe taꞌatoꞌa nuꞌu ꞌite pē hē te maꞌu iŋa o te meꞌe he taꞌe hāipo-ipo, te auraꞌa, he noho iŋa ꞌina he piri tane; te nuꞌu ꞌite mo maꞌu i te meꞌe nei he nuꞌu hāꞌūꞌū e te ꞌAtua.

Māteo 4:10

He pāhono e Ietū: —¡Ka mahiti koe ka oho, e Rukifero ē! Ko pāpaꞌi era ꞌana ꞌi ruŋa i te Pāpaꞌi Moꞌa: «E haꞌamuri koe ki a Iehoha ki tuꞌu ꞌAtua ꞌe ki a ia mau nō koe ana tāvini».

1 Kōrinto 7:4

Te hakari o te viꞌe hāipo-ipo taꞌe ōꞌona nō, o tāꞌana kenu takoꞌa, ꞌe te hakari o te kenu o tāꞌana viꞌe.

1 Tētārōnika 3:5

ꞌO ira, ꞌi te niva-niva o mātou ꞌo te taꞌe ꞌite mai hoki e haka moe e oho nō ꞌana kōrua i te manaꞌu ꞌi ruŋa i a Ietū, i uŋa atu ai au i a Timoteo mo ꞌite mai o ruŋa i a kōrua. Tōꞌoku riꞌa-riꞌa: ꞌo hoa kōrua i te kōrua haka moe iŋa i te manaꞌu ꞌi ruŋa i a Ietū ka haka ꞌatu atu ena i a kōrua e Rukifero, ꞌe ꞌo māuꞌa te mātou aŋa ꞌi roto i a kōrua.