1 Kōrinto 7:33 - Rapa Nui

³³ ꞌE, te taŋata hāipo-ipo, te meꞌe manaꞌu rahi he meꞌe o te ao nei, ꞌe pē hē a ia ana haka koa i tāꞌana viꞌe.

1 Kōrinto 7:33 ပူးပေါင်းရင်းမြစ်များ

Ruka 12:22

He kī ia a Ietū i te meꞌe nei ki tāꞌana nuꞌu hāpī: «ꞌIna ko manaꞌu rahi kōrua o ruŋa o te meꞌe mo kai ꞌe o ruŋa o te kahu mo uru.

Ruka 14:20

»ꞌE he kī e te toru: “Hāipo-ipo iho nō a au; e ko riva mo oho atu”.

Iovani 10:13

Nei taŋata he eꞌa he tere ꞌo te ai he taŋata ꞌauhau nō ꞌe ꞌina he tapa atu i te māmoe.

1 Kōrinto 7:3

Te nuꞌu hāipo-ipo e moe i te rāua kenu ꞌo i te rāua viꞌe. E ko tano mo taꞌe moe e te kenu i tāꞌana viꞌe ꞌe e te viꞌe i tāꞌana kenu.

1 Kōrinto 7:32

Te meꞌe haŋa ꞌāꞌaku: ꞌina ko ai te meꞌe o te ao nei mo manaꞌu rahi o kōrua. Te taŋata taureꞌa-reꞌa, ꞌi te ai hoko tahi nō, ꞌina e tahi meꞌe taꞌe haꞌatiꞌa i a ia mo aŋa ki te tātou Pūꞌoko Haka Tere, ꞌe, takoꞌa, mo haka koa.

1 Kōrinto 7:34

Tōꞌona manaꞌu taꞌe e tahi mau nō he aŋa ki te ꞌAtua. Te viꞌe taureꞌa-reꞌa, ꞌi te ai takoꞌa ōꞌona hoko tahi nō, te meꞌe manaꞌu mau nō he vaꞌai i tōꞌona hakari ꞌe i tōꞌona vārua mo aŋa ki te ꞌAtua. ꞌE te viꞌe hāipo-ipo, he meꞌe o te ao te meꞌe manaꞌu rahi ꞌe pē hē a ia ana haka koa i tāꞌana kenu.

Kōrosa 3:19

E te kenu, e haŋa ki te kōrua ŋā viꞌe; ꞌina ko tōtōā ki te hora hopeꞌa.

1 Timoteo 5:8

Te parautiꞌa, te taŋata taꞌe hāpaꞌo i tōꞌona huaꞌai ꞌe i tāꞌana huaꞌai mau ꞌā e hārui ꞌana hai tuaꞌivi i te hāpī parautiꞌa o te ꞌAtua, ꞌe tōꞌona māhatu ꞌata hau ꞌi te rake-rake ki te nuꞌu ꞌina he ⌊haka moe i te manaꞌu⌋ ꞌi ruŋa i te ꞌAtua; te nuꞌu era, paꞌi, e hāpaꞌo rō ꞌana i te rāua huaꞌai.

1 Pētero 3:7

ꞌE a kōrua, e te kenu hāipo-ipo ē, e haŋa e hāpaꞌo riva-riva i te kōrua ŋā viꞌe. Ka ai atu ꞌata hau rō atu te kōrua pūai ki a rāua, e moꞌa ꞌi te ꞌite pē nei ē: mo rāua takoꞌa te hauhaꞌa ka vaꞌai ena e te ꞌAtua, he ora ꞌāpī ꞌina he hopeꞌa raꞌa. Mo taꞌe aŋa o kōrua pē ira he hihi-hihi te kōrua pure.