1 Kōrinto 7:32 - Rapa Nui

³² Te meꞌe haŋa ꞌāꞌaku: ꞌina ko ai te meꞌe o te ao nei mo manaꞌu rahi o kōrua. Te taŋata taureꞌa-reꞌa, ꞌi te ai hoko tahi nō, ꞌina e tahi meꞌe taꞌe haꞌatiꞌa i a ia mo aŋa ki te tātou Pūꞌoko Haka Tere, ꞌe, takoꞌa, mo haka koa.

1 Kōrinto 7:32 ပူးပေါင်းရင်းမြစ်များ

Māteo 13:22

»Te kona mauku pū-pū vī-viri era o te karu he nuꞌu haka roŋo i te roŋo o te ꞌAtua, ꞌe, ꞌi te pūai o te haŋa ki te meꞌe o te ao nei ꞌe ki te ꞌono he mira-mira te manaꞌu. Taꞌatoꞌa meꞌe nei he haka vavau i te vānaŋa o te ꞌAtua ꞌe ꞌina e ko haka rē mo hua ꞌi roto i a rāua.

Marko 4:19

Te meꞌe ꞌino nō, ꞌi te taiko o te mauku pū-pū, te auraꞌa, ꞌi te pūai o te haŋa ki te meꞌe o te ao nei, ki te ꞌono ꞌe ki te meꞌe taꞌatoꞌa, te vānaŋa o te ꞌAtua he vavau, ꞌe e ko hua ꞌi roto i a rāua te meꞌe haŋa e te ꞌAtua.

Iovani 10:13

Nei taŋata he eꞌa he tere ꞌo te ai he taŋata ꞌauhau nō ꞌe ꞌina he tapa atu i te māmoe.

1 Kōrinto 7:33

ꞌE, te taŋata hāipo-ipo, te meꞌe manaꞌu rahi he meꞌe o te ao nei, ꞌe pē hē a ia ana haka koa i tāꞌana viꞌe.

Fīripo 4:6

ꞌIna ko manaꞌu rahi ki te meꞌe topa atu ꞌi ruŋa i a kōrua. E pure ki te ꞌAtua, e ani ki a ia mo hāꞌūꞌū atu, ꞌe ꞌina ko rehu mo māuru-uru.

1 Timoteo 5:5

Te viꞌe hove o roto i te taina kope kore mo hāpaꞌo i a ia he ŋatu nō te haŋu ki te ꞌAtua mo hāꞌūꞌū. ꞌO ira ka pō ka ꞌōtea e pure e ani ena.