1 Kōrinto 7:21 - Rapa Nui

²¹ Mo ai ōꞌou he ꞌekaravo ꞌi te hora haka moe i tuꞌu manaꞌu ꞌi ruŋa i a Ietū, nōatu. ꞌE, mo ai tāꞌue o te rāveꞌa mo eꞌa ōꞌou mai te rima o te taŋata haka aŋa atu, e eꞌa.

1 Kōrinto 7:21 ပူးပေါင်းရင်းမြစ်များ

Ruka 12:29

»ꞌIna kōrua ko manaꞌu rahi o ruŋa i te meꞌe mo kai ꞌe o ruŋa i te meꞌe mo unu.

Ruka 21:34

»E uꞌi kōrua ꞌo haka rehe-rehe ki te meꞌe taꞌe au, ki te ꞌava unu ꞌe ki te manaꞌu ki te meꞌe o te ao nei, ꞌo tuꞌu rō mai te mahana o te ture hopeꞌa

1 Kōrinto 12:13

Taꞌatoꞌa o tātou ko ⌊papatito⌋ tahi ꞌana hai tū Vārua ꞌā mo riro he hakari mau nō e tahi, ka ⌊hūrio⌋, ka taꞌe hūrio, ka ꞌekaravo, ꞌe ka taꞌe ꞌekaravo. ꞌE ki te taꞌatoꞌa o tātou ko vaꞌai mai ꞌana i tū Vārua Maitai ꞌā.

1 Kōrinto 7:20

ꞌO ira, e noho e oho a tātou taꞌatoꞌa pa he hora kī mai era e te ꞌAtua ꞌi roto i te tātou māhatu mo haka moe i te manaꞌu ꞌi ruŋa i a Ietū.

1 Kōrinto 7:22

Te kope, paꞌi, he ꞌekaravo ꞌi te hora haka moe i te manaꞌu ꞌi ruŋa i a Ietū, hora nei, ko eꞌa ꞌana mai te pūai o te hara mo tāvini takoꞌa ki a Ietū, Pūꞌoko Haka Tere o tātou. ꞌE te kope taꞌe he ꞌekaravo ꞌi te hora haka moe i te manaꞌu ꞌi ruŋa i a Ietū, hora nei pa he ꞌekaravo o te ⌊Kiritō⌋.

Karatia 3:28

ꞌE ꞌi te hora nei, ki te mata o te ꞌAtua, taꞌe he meꞌe te ai ōꞌou he ⌊hūrio⌋ ꞌo he ⌊kirieko⌋, he ꞌekaravo ꞌo taꞌe he ꞌekaravo, he viꞌe ꞌo he taŋata. ꞌO te ai o tātou ꞌa Ietū Kiritō, a tātou taꞌatoꞌa e tahi mau nō.

Fīripo 4:11

Taꞌe he hape o tāꞌaku meꞌe e kī atu ena a au i te meꞌe nei. A au, paꞌi, ko ꞌite ꞌana mo koa i te meꞌe nō era ꞌāꞌaku i ai.

Fīripo 4:6

ꞌIna ko manaꞌu rahi ki te meꞌe topa atu ꞌi ruŋa i a kōrua. E pure ki te ꞌAtua, e ani ki a ia mo hāꞌūꞌū atu, ꞌe ꞌina ko rehu mo māuru-uru.

Kōrosa 3:11

ꞌI te noho iŋa ꞌāpī nei, ꞌina te ꞌAtua he tapa atu hoki a koe he ⌊hūrio⌋ ꞌo taꞌe he hūrio, he kope hore i te kiri o te kinoŋa ꞌo taꞌe hore, he taŋata o te rua henua, ꞌo he kope hāpī kore, he ꞌekaravo ꞌo taꞌe he ꞌekaravo. Te meꞌe hauhaꞌa mau nō ko Ietū, ꞌe a ia ꞌi roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a ia.

ꞌEvereo 13:5

ꞌIna kōrua ko haŋa rahi ki te moni; e koa mo te meꞌe ai o kōrua. I kī rō, paꞌi, e te ꞌAtua: «ꞌIna a au e ko haka rē i a kōrua ki te hora hopeꞌa».

1 Pētero 5:7

E haka rē ꞌi te rima o te ꞌAtua te meꞌe taꞌatoꞌa haka mana-manaꞌu atu i a kōrua; e haŋa rō ꞌana, paꞌi, a ia mo hāpaꞌo atu i a kōrua.