1 Kōrinto 7:2 - Rapa Nui

² Te ꞌati nō, ꞌo hara i te hara he moe i te viꞌe i te kenu taꞌe o kōrua, e ai te kōrua viꞌe ꞌe te kōrua kenu.

1 Kōrinto 7:2 ပူးပေါင်းရင်းမြစ်များ

Māteo 5:32

ꞌE, ꞌī a au he kī atu: te taŋata mo haꞌataꞌa mai tāꞌana viꞌe, ka ai atu kai taiꞌata rā viꞌe, e haka rē ꞌana i tāꞌana viꞌe mo viri ki roto i te taiꞌata ana ⌊hāipo-ipo⌋ haka ꞌou rā viꞌe. ꞌE te kope mo hāipo-ipo ki te viꞌe haꞌataꞌa e taiꞌata ꞌā.

1 Kōrinto 6:18

ꞌO ira, e hāpaꞌo kōrua e te hara he moe i te viꞌe i te kenu taꞌe o kōrua. Te kope moe i te viꞌe i te kenu taꞌe ꞌāꞌana e hara ꞌana ki tōꞌona hakari ꞌe ki tōꞌona vārua. ꞌE ꞌina he rua hara hopeꞌa o te taparahi-taꞌata tōtōā i te taŋata pa he hara nei.

1 Kōrinto 7:1

Hora nei he pāhono atu au i te meꞌe pāpaꞌi ꞌui mai era e kōrua. I hau rō atu i te tano mo taꞌe ⌊hāipo-ipo⌋.

1 Kōrinto 7:3

Te nuꞌu hāipo-ipo e moe i te rāua kenu ꞌo i te rāua viꞌe. E ko tano mo taꞌe moe e te kenu i tāꞌana viꞌe ꞌe e te viꞌe i tāꞌana kenu.

1 Kōrinto 7:9

ꞌE, mo taꞌe ravaꞌa mo haka noho i te meꞌe pohe e te hakari, e hāipo-ipo. I hau rō atu, paꞌi, i te tano mo hāipo-ipo ki te noho pa he taureꞌa-reꞌa pohe nō te aŋa ki te viꞌe ꞌo ki te taŋata.

Ēfeto 5:28

Pē ira a kōrua te kenu ana haŋa ki te kōrua viꞌe, pa he haŋa iŋa mau ena ꞌā ki te kōrua hakari. Te kope haŋa ki tāꞌana viꞌe e haŋa ꞌā ki a ia mau ꞌā.

Ēfeto 5:33

ꞌE mo kōrua takoꞌa te vānaŋa nei: e haŋa te kenu ki tāꞌana viꞌe, pa he haŋa iŋa mau era ꞌā ōꞌona ki a ia, ꞌe te viꞌe, e ꞌite mo moꞌa i tāꞌana kenu.

1 Tētārōnika 4:4

ꞌe he ꞌite o kōrua taꞌatoꞌa mo haka noho i te meꞌe pohe e te hakari, ki ai ai te kōrua noho iŋa, noho iŋa ꞌina e tahi hara mo moꞌa atu e te taŋata.

1 Timoteo 4:3

Te nuꞌu nei ꞌina he haꞌatiꞌa i te taŋata mo ⌊hāipo-ipo⌋ ꞌe mo kai i te tētahi kai aŋa e te ꞌAtua. Te nuꞌu ꞌite i te parautiꞌa ⌊haka moe i te manaꞌu⌋ ꞌi ruŋa i a Ietū ko aŋi-aŋi ꞌana pē nei ē: taꞌatoꞌa kai māuru-uru ki te ꞌAtua e tano nō mo kai.