1 Kōrinto 7:19 - Rapa Nui

¹⁹ Te meꞌe hauhaꞌa, paꞌi, mo te ꞌAtua, taꞌe he hore ꞌo he taꞌe hore o te kiri o te kinoŋa; he haꞌatura ki tāꞌana roŋo te meꞌe hauhaꞌa.

1 Kōrinto 7:19 ပူးပေါင်းရင်းမြစ်များ

Māteo 5:19

ꞌO ira, te kope taꞌe haꞌatura ki te meꞌe e tahi o ruŋa i te haka tere iŋa o te ꞌAtua, ka ai atu he meꞌe hopeꞌa o te ꞌiti-ꞌiti, ꞌe hāpī i te taŋata mo taꞌe haꞌatura takoꞌa ki rā meꞌe, ko ia te kope hopeꞌa o roto i te ⌊haka tere iŋa ꞌāpī o te ꞌAtua⌋. ꞌE te kope haꞌatura ꞌe hāpī i te rua mo haꞌatura he kope hōnui o roto i te haka tere iŋa ꞌāpī o te ꞌAtua.

Iovani 15:14

Mo aŋa kōrua i tāꞌaku meꞌe nei e kī atu ena, he repahoa parautiꞌa mau ꞌā kōrua ōꞌoku.

Rōmano 3:30

E tahi mau nō, paꞌi, ꞌAtua, he ꞌAtua kī pē nei ē: te taŋata haka moe i te manaꞌu ꞌi ruŋa i a Ietū he taŋata tano ki tōꞌona mata, ka hore ꞌo ka taꞌe hore te kiri o te kinoŋa.

1 Kōrinto 8:8

ꞌE a tātou ko ꞌite ꞌā: taꞌe hai kai ꞌo hai taꞌe kai i te meꞌe e tahi e tano nei a tātou ki te mata o te ꞌAtua; mo kai, ꞌina he ꞌati; ꞌe mo taꞌe kai, pē ira takoꞌa ꞌana.

Karatia 3:28

ꞌE ꞌi te hora nei, ki te mata o te ꞌAtua, taꞌe he meꞌe te ai ōꞌou he ⌊hūrio⌋ ꞌo he ⌊kirieko⌋, he ꞌekaravo ꞌo taꞌe he ꞌekaravo, he viꞌe ꞌo he taŋata. ꞌO te ai o tātou ꞌa Ietū Kiritō, a tātou taꞌatoꞌa e tahi mau nō.

Karatia 5:6

ꞌE, ꞌi te ai o tātou ꞌa Ietū Kiritō, te ꞌAtua e taꞌe tapa haka ꞌou ena hoki ko hore ꞌā te kiri o te hua ꞌo ꞌina kai hore. Te meꞌe hauhaꞌa mau he haka moe i te manaꞌu ꞌi ruŋa i a Ietū, he meꞌe e takeꞌa ena hai haŋa ki te rua.

Karatia 6:15

ꞌE, ki te mata o te ꞌAtua, ꞌina e tahi hauhaꞌa o te meꞌe he hore ꞌo he taꞌe hore o te kiri o te kinoŋa. Te meꞌe hauhaꞌa mōꞌona he haka ꞌāpī atu i a koe e te Vārua Maitai.

Kōrosa 3:11

ꞌI te noho iŋa ꞌāpī nei, ꞌina te ꞌAtua he tapa atu hoki a koe he ⌊hūrio⌋ ꞌo taꞌe he hūrio, he kope hore i te kiri o te kinoŋa ꞌo taꞌe hore, he taŋata o te rua henua, ꞌo he kope hāpī kore, he ꞌekaravo ꞌo taꞌe he ꞌekaravo. Te meꞌe hauhaꞌa mau nō ko Ietū, ꞌe a ia ꞌi roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a ia.

Meꞌe Haka Takeꞌa 22:14

»Ko te koa i te nuꞌu tata i te rāua kahu, te auraꞌa, te nuꞌu haka rē mo haka kore e te ꞌAtua i te rāua hara, ki tano ai mo oꞌo ki roto ꞌi te kona moꞌa era ko Hērutarema ꞌāpī ꞌe mo kai mai ruŋa i te tumu vaꞌai i te ora ꞌāpī ꞌina he hopeꞌa raꞌa.