1 Kōrinto 7:10 - Rapa Nui

¹⁰ Ki te nuꞌu hāipo-ipo he kī atu a au i te roŋo nei o te tātou Pūꞌoko Haka Tere: ꞌina he viꞌe hāipo-ipo ko haꞌataꞌa mai tāꞌana kenu.

1 Kōrinto 7:10 ပူးပေါင်းရင်းမြစ်များ

Māteo 5:32

ꞌE, ꞌī a au he kī atu: te taŋata mo haꞌataꞌa mai tāꞌana viꞌe, ka ai atu kai taiꞌata rā viꞌe, e haka rē ꞌana i tāꞌana viꞌe mo viri ki roto i te taiꞌata ana ⌊hāipo-ipo⌋ haka ꞌou rā viꞌe. ꞌE te kope mo hāipo-ipo ki te viꞌe haꞌataꞌa e taiꞌata ꞌā.

Marko 10:2

He haka hāhine ia ki a Ietū te tētahi nuꞌu ⌊fariseo⌋ ꞌe, mo haka ꞌatu koiꞌite e kī rō i te meꞌe taꞌe tano, he ꞌui hoki e tano rō te kenu ⌊hāipo-ipo⌋ mo haꞌataꞌa mai tāꞌana viꞌe.

Ruka 16:18

»He haꞌaauraꞌa nei e tahi: mo haꞌataꞌa o te taŋata mai tāꞌana viꞌe ⌊hāipo-ipo⌋ ꞌe he hāipo-ipo ki te rua, e taiꞌata ꞌana. E taiꞌata takoꞌa ꞌana te taŋata hāipo-ipo ki te viꞌe haꞌataꞌa.

1 Kōrinto 7:11

ꞌE, mo haꞌataꞌa, ꞌina ko hāipo-ipo haka ꞌou ki te rua taŋata, ꞌo, mo haŋa ōꞌona, he hoki ki tāꞌana kenu. Pē ira takoꞌa ꞌana te kenu, ꞌina ko haꞌataꞌa mai tāꞌana viꞌe.

1 Kōrinto 7:12

ꞌE ki te tētahi nuꞌu he kī atu a au, pa he meꞌe ꞌāꞌaku, taꞌe pa he vānaŋa o te tātou Pūꞌoko Haka Tere ko Ietū Kiritō: mo ai e tahi taina o roto i a kōrua tāꞌana viꞌe ꞌina he haka moe i tōꞌona manaꞌu ꞌi ruŋa i a Ietū, ꞌe ko te haŋa iŋa ꞌana rā viꞌe mo noho mo oho nō ararua, ꞌina rā taina ko haꞌataꞌa mai rā viꞌe.

1 Kōrinto 7:15

Te taŋata ꞌe te viꞌe taꞌe ⌊haka moe i te manaꞌu⌋ ꞌi ruŋa i a Ietū taꞌe haŋa mo noho mo oho nō ararua ko tāꞌana viꞌe ꞌo ko tāꞌana kenu haka moe i te manaꞌu ꞌi ruŋa i a Ietū, e haka rē mo oho. Mo topa o te meꞌe nei ki a kōrua ꞌina he ꞌati. Te meꞌe haŋa, paꞌi, o te ꞌAtua, he haumārū ꞌi roto i a kōrua.

1 Kōrinto 7:25

ꞌE, te nuꞌu taꞌe hāipo-ipo, ꞌina e tahi ꞌāꞌaku roŋo mo haka ꞌite ki a rāua vaꞌai mai e Ietū, Pūꞌoko Haka Tere o tātou. ꞌE, ka ai atu pē ira, a au pa he taŋata aŋa i tāꞌana meꞌe kī hai riva rahi o te ꞌAtua, he kī atu au i tōꞌoku manaꞌu.

1 Kōrinto 7:40

Ka ai atu pē ira, ki tōꞌoku manaꞌu, i hau rō atu a ia ꞌi te koa mo taꞌe hāipo-ipo. E manaꞌu rō ꞌana a au: te meꞌe nei he meꞌe i haka manaꞌu mai e te ⌊Vārua Maitai⌋.

1 Kōrinto 7:6

Taꞌe e kī atu ꞌā ka tapu kōrua. Tāꞌaku kī: mo haŋa o kōrua mo tapu e tano nō mo aŋa pē ira.