1 Kōrinto 6:5 - Rapa Nui

⁵ Te vānaŋa nei e kī atu ena mo haꞌamā o kōrua. E tuꞌu rō ꞌana, paꞌi, pa he meꞌe ena ē: ꞌina he kope mārama-rama o roto i a kōrua mo haka kore i te kōrua ture.

1 Kōrinto 6:5 ပူးပေါင်းရင်းမြစ်များ

Aŋa o te ꞌĀpōtoro 1:15

ꞌI rā ŋā mahana he vānaŋa a Pētero ki te nuꞌu taka-taka ⌊haka moe i te manaꞌu⌋ ꞌi ruŋa i a Ietū e hoꞌe hānere piti ꞌahuru, he kī:

Aŋa o te ꞌĀpōtoro 9:13

I ŋaroꞌa era e ꞌĀnānia i te meꞌe nei, he kī: —E Ietū, ko rahi ꞌana te nuꞌu i vānaŋa mai o ruŋa i te taŋata ena ꞌe o te meꞌe taꞌe tano taꞌatoꞌa aŋa e ia ki tuꞌu taŋata ꞌi Hērutarema.

1 Kōrinto 11:14

Ka manaꞌu kōrua: ki te tātou haka tere iŋa te haka roa-roa o te taŋata i tōꞌona rauꞌoho pa he viꞌe he meꞌe haꞌamā e tahi.

1 Kōrinto 15:34

E haka topa riva-riva haka ꞌou te manaꞌu, ꞌe ꞌina ko hara. Te tētahi, paꞌi, o kōrua ꞌina he ꞌite i te hāpī parautiꞌa o te ꞌAtua. E kī atu ena a au i te meꞌe nei mo haꞌamā o kōrua.

1 Kōrinto 3:18

E uꞌi ꞌo reo-reo ki a kōrua ꞌā hai manaꞌu ena pē nei ē: nuꞌu mārama-rama kōrua ki te mata o te taŋata o te ao nei. I hau rō atu ꞌi te tano mo riro o kōrua pa he nuꞌu taꞌe mārama-rama, ki riro iho ai kōrua mo te ꞌAtua he nuꞌu mārama-rama mau ꞌā.

1 Kōrinto 4:10

E manaꞌu ena te nuꞌu o te ao nei he maꞌa-maꞌa a mātou ꞌo te aŋa ki te Kiritō, ꞌe a kōrua e manaꞌu ena: ꞌo te ai a kōrua o te Kiritō he nuꞌu mārama-rama. Ki te manaꞌu takoꞌa o te nuꞌu o te ao nei he nuꞌu taꞌe pūai a mātou, ꞌe a kōrua e manaꞌu ena he nuꞌu pūai kōrua. Te nuꞌu o te ao e taꞌe haka au rō ꞌana i a mātou, ꞌe ki a kōrua e moꞌa atu ena.

1 Kōrinto 4:14

Te meꞌe nei e au e pāpaꞌi atu ena taꞌe mo haka haꞌamā i a kōrua, mo haka tī-tika i te kōrua manaꞌu, pa he ŋā poki haŋa rahi ꞌāꞌaku.

1 Kōrinto 6:1

Mo ai o te taina e ai rō ꞌana tāꞌana ture mo te rua taina, ꞌina ko maꞌu i rā taina ki muꞌa o te nuꞌu pūꞌoko haka tere o te hare ture o te ao nei. Te meꞌe mau mo aŋa he ani ki te tētahi taina haꞌataꞌa e te ꞌAtua māꞌana mo hāꞌūꞌū i a ia.

1 Kōrinto 6:4

Mo ai tāꞌue o te kōrua ture, e ko tano mo maꞌu o kōrua i te kōrua taina ki muꞌa o te nuꞌu taꞌe haka moe i te manaꞌu ꞌi ruŋa i a Ietū mo haka kore o te ture.

Tanatiako 1:5

ꞌE mo ai ꞌi roto i a kōrua te kope kai ꞌite pē hē ana haka tere i a ia hai manaꞌu o te ꞌAtua ꞌi te hora o te ꞌati, e no-noꞌi ki te ꞌAtua, ꞌe māꞌana e haka ꞌite. Te ꞌAtua ki te taꞌatoꞌa nō kope no-noꞌi e hāꞌūꞌū ena ꞌina he hāito ꞌe ꞌina he haka ꞌati.