1 Kōrinto 6:15 - Rapa Nui

¹⁵ A kōrua ko ꞌite ꞌana: te kōrua hakari he ŋā kona ena o te hakari o Ietū. Iā. ¿E toꞌo mau rō ia a kōrua i te kona e tahi o te hakari o te ⌊Kiritō⌋ ꞌe he haka riro he kona o te hakari o te viꞌe taiꞌo? ¡ꞌIna!

1 Kōrinto 6:15 ပူးပေါင်းရင်းမြစ်များ

Ruka 20:16

He oho he tiŋaꞌi i rā nuꞌu he haka mate ꞌe he vaꞌai i rā henua ki te tētahi nuꞌu mo hāpaꞌo. I ŋaroꞌa era e te nuꞌu i rā vānaŋa he kī: —¡Pē hiva ꞌā ana taꞌe topa te meꞌe tuꞌu pē nā!

Rōmano 12:5

Pē ira ꞌā tātou, te nuꞌu ⌊haka moe i te manaꞌu⌋ ꞌi ruŋa i a Ietū. Ka ai atu e rahi rō ꞌana a tātou, e tahi mau nō hakari, he hakari o Ietū.

Rōmano 3:31

Mo tano ia te taŋata ki te mata o te ꞌAtua hai haka moe mau nō i te manaꞌu ꞌi ruŋa i a Ietū, ¿ka kī ꞌō ia ꞌina he hauhaꞌa toe o te haka tere iŋa ꞌa Mōtē? ¡Taꞌe pē ira! E hauhaꞌa rō ꞌana ꞌi te meꞌe era hai haka moe i te manaꞌu ꞌi ruŋa i a Ietū e ravaꞌa iho ena e tātou mo haꞌatura i rā haka tere iŋa.

Rōmano 3:6

Te vānaŋa tuꞌu pē rā e hape rō ꞌā. Mo ai, paꞌi, e aŋa rō ꞌā te ꞌAtua i te meꞌe taꞌe tano, ¿pē hē ia ana tano mo ture i te hape o te taŋata?

Rōmano 6:15

¿He aha ia te tātou meꞌe mo aŋa ꞌi te hora nei? ¿He hara he oho rō ꞌai ꞌi te ai o te tātou ora ꞌi te riva rahi o te ꞌAtua ꞌe taꞌe ꞌi te haꞌatura ki te haka tere iŋa ꞌa Mōtē? ¡Taꞌe pē ira!

Rōmano 6:2

¡Taꞌe pē ira! Ko mate ꞌā i a tātou te hara. ¿He aha ia a tātou ana noho nō ꞌi roto i te hara?

Rōmano 7:13

¿Te kī ia: o te meꞌe riva-riva nei i maꞌu i a au ki te mate? ¡Taꞌe pē ira! O te huru hara o tātou te maꞌu i a tātou ki te mate, ꞌe i meꞌe ai hai meꞌe riva-riva. Hai haka tere iŋa, paꞌi, ꞌa Mōtē e aŋi-aŋi ena i te taparahi-taꞌata o te meꞌe ena he hara.

Rōmano 7:7

¿Ka kī ꞌō te haka tere iŋa era ꞌa Mōtē meꞌe rake-rake? ¡Taꞌe pē ira! ꞌĀhani ꞌina he haka tere iŋa era ꞌa Mōtē, e ko ꞌite mai he aha te meꞌe he hara, te auraꞌa, e ko ꞌite mai he aha te meꞌe he nou-nou ꞌāhani i taꞌe haka ꞌite mai: «ꞌIna ko nou-nou».

1 Kōrinto 11:3

E haŋa rō ꞌana a au mo aŋi-aŋi riva-riva e kōrua i te meꞌe nei: te Kiritō he pūꞌoko haka tere o te ŋāŋata, te ŋāŋata he pūꞌoko haka tere o te ŋā viꞌe, ꞌe te ꞌAtua he pūꞌoko haka tere o te Kiritō.

1 Kōrinto 12:27

Te meꞌe nei ꞌāꞌaku e haŋa nei mo haka aŋi-aŋi atu: te nūnaꞌa taŋata haka moe i te manaꞌu ꞌi ruŋa i a Ietū he hakari o te ⌊Kiritō⌋, ꞌe e tahi e tahi o te nuꞌu nei he kona o rā hakari koia ko tāꞌana aŋa.

1 Kōrinto 6:13

ꞌE mo kī o te rua kope pē nei ē: «Te ꞌAtua i aŋa ai i te tātou kōpū mo te kai ꞌe te kai mo te kōpū», he aŋi takoꞌa ꞌā tāꞌana vānaŋa, ka ai atu pe muꞌa ka oho ena e ko ai haka ꞌou pē ira. Te meꞌe nō, ꞌina kōrua ko manaꞌu: pē ira takoꞌa ꞌana te hakari. Te ꞌAtua, paꞌi, kai aŋa i te hakari mo moe i te viꞌe ꞌo i te taŋata taꞌe he kenu taꞌe he viꞌe; i aŋa ai e te ꞌAtua mo tāvini ki te tātou Pūꞌoko Haka Tere ko Ietū Kiritō, ꞌe tāꞌana meꞌe haŋa he hāpaꞌo o tātou i te hakari.

1 Kōrinto 6:17

ꞌIna ko rehu, te kope o te Kiritō e tahi mau nō vārua ararua.

1 Kōrinto 6:19

ꞌIna ko rehu, te tātou hakari pa he Kona Haꞌamuri o te Vārua Maitai vaꞌai mai e te ꞌAtua, ꞌe ꞌi roto e noho ena a ia. A tātou taꞌe o tātou ꞌā, o te ꞌAtua.

1 Kōrinto 6:3

¿Kai ꞌite takoꞌa ꞌana ꞌō kōrua: pe muꞌa ka oho ena ꞌātā ki te merahi ka ture ena e tātou? ¿Pē hē ia ana taꞌe tano i a tātou mo ture i te meꞌe ꞌiti-ꞌiti o te ao nei?

Karatia 2:17

Te meꞌe nō, ꞌi te kimi iŋa o mātou mo tano ki te mata o te ꞌAtua hai haka moe i te manaꞌu ꞌi ruŋa i a Ietū e kī ena e te tētahi nuꞌu hūrio pē nei ē: he nuꞌu hara a mātou ꞌo te taꞌe haꞌatura tahi i te haka tere iŋa ꞌa Mōtē. ¿Te kī hō, a Ietū te uŋa i te taŋata ki roto i te hara? Taꞌe pē ira.

Karatia 3:21

¿Te kī hō, te haka tere iŋa ꞌa Mōtē e taꞌe haka hauhaꞌa rō ꞌā ꞌi te hōrea o te ꞌAtua? Taꞌe pē ira. Mo te meꞌe kē, mo te meꞌe kē i vaꞌai mai ai i te ŋā meꞌe nei. ꞌE, mo ai ko vaꞌai mai ꞌā e te ꞌAtua i te haka tere iŋa ꞌa Mōtē mo ravaꞌa e tātou i te ora ꞌāpī ꞌina he hopeꞌa raꞌa, he tano ia a tātou ki tōꞌona mata ꞌo te haꞌatura ki rā haka tere iŋa.

Karatia 6:14

Tāꞌaku meꞌe mau nō mo teꞌo-teꞌo he meꞌe aŋa era e Ietū Kiritō, Pūꞌoko Haka Tere o tātou. Hai mate iŋa era ōꞌona ꞌi ruŋa i te tātaurō i taꞌe ai haka ꞌou ai a au he ꞌekaravo o te meꞌe o te ao nei, ꞌe ꞌina he pūai toe o te ŋā meꞌe nei mo haka tere mai i a au.

Ēfeto 4:12

I aŋa ai a Ietū i te meꞌe nei mo hāpī ꞌe mo haka riva-riva o te nuꞌu nei i a tātou i te nuꞌu taꞌatoꞌa haꞌataꞌa e te ꞌAtua māꞌana, ki tano tahi ai a tātou mo aŋa takoꞌa ki a ia. Pē ira ka hio-hio ka oho ena a tātou te nuꞌu taꞌatoꞌa ꞌāꞌana,

Ēfeto 5:23

Te kenu, paꞌi, he pūꞌoko o te viꞌe, pē Ietū he pūꞌoko o te nūnaꞌa taŋata ⌊haka moe i te manaꞌu⌋ ꞌi ruŋa i a ia, hakari ōꞌona. A Ietū takoꞌa he kope haka eꞌa i a rāua mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa.

Ēfeto 5:30

A tātou taꞌatoꞌa, paꞌi, he hakari ōꞌona; e tahi e tahi o tātou he kona o rā hakari.

Kōrosa 2:19

Ko haka topa kē ꞌana te nuꞌu nei i a rāua mai i a Ietū Kiritō, Pūꞌoko Haka Tere o tātou. ꞌĀꞌana te haka pūai te oho i te tātou manaꞌu ꞌi ruŋa i a ia, ꞌe te haka riro i a tātou e tahi mau nō manaꞌu, pa he meꞌe haŋa e te ꞌAtua, pa he ua-ua haka piri hakari e haka piri e haka hio-hio ena i te kona taꞌatoꞌa o te hakari.