1 Kōrinto 5:7 - Rapa Nui

⁷ Te meꞌe haŋa he toꞌo mai roto i a kōrua i te revaura ena, ki ai ai a kōrua he nūnaꞌa taŋata ꞌina e tahi kope hara o roto, pa he haraoa aŋa iho taꞌe hoa hai revaura. A kōrua, paꞌi, he haraoa kai ꞌi te ⌊Pakate⌋ ꞌina he hoa hai revaura, he nuꞌu ꞌina e tahi hara ꞌo te ⌊haka moe i te manaꞌu⌋ ꞌi ruŋa i a Ietū. E manaꞌu: a Ietū he māmoe o te Pakate tūtia mo haka eꞌa i a tātou mai roto i te hara.

1 Kōrinto 5:7 ပူးပေါင်းရင်းမြစ်များ

Māteo 13:33

He ꞌaꞌamu takoꞌa i te ꞌaꞌamu haꞌaauraꞌa nei: «Te haka tere iŋa ꞌāpī o te ꞌAtua pa he ꞌapa ꞌiti-ꞌiti revaura hoa e te viꞌe ki roto i te haraoa mata mo haka ahu tahi».

Marko 14:12

ꞌI te mahana raꞌe o te ŋoŋoro kai i te haraoa ꞌina he revaura, he mahana tiŋaꞌi i te māmoe mo te Pakate, he ꞌui e tāꞌana nuꞌu hāpī ki a Ietū: —¿ꞌI hē mātou ana aŋa i te tātou kai mo te Pakate?

Iovani 1:29

ꞌI te rua mahana, he takeꞌa e Iovani i a Ietū ka pū e oho atu era. He kī ki te nuꞌu o ira: «¡Ka uꞌi rā kōrua i te taŋata era ai! ¡A ia he Māmoe o te ꞌAtua, he tūtia mo haka kore i te hara o te taŋata!

Iovani 1:36

I takeꞌa era ka vari a Ietū, he kī e Iovani: «¡Ka uꞌi, he Māmoe rā o te ꞌAtua!».

Iovani 19:14

Ko hāhine ꞌā ia ki te hora kai. Te mahana nei he mahana haka riva-riva o te hūrio i te meꞌe mo te ⌊Pakate⌋. He kī e Pirato ki te hūrio: —¡Nā te kōrua ꞌariki nā!

Rōmano 3:25

I uŋa mai ai, paꞌi, e te ꞌAtua i te ⌊Kiritō⌋ pa he tūtia mo haka kore i tōꞌona riri mo te tātou hara hai toto tehe era ꞌi ruŋa i te tātaurō. ꞌE, hai haka moe i te manaꞌu ꞌi ruŋa i te meꞌe aŋa era e te Kiritō, e haka kore ena e te ꞌAtua i te tātou hara. Hai meꞌe nei i haŋa ai te ꞌAtua mo haka aŋi-aŋi mai: a ia kope aŋa i te meꞌe tī-tika. Hora era kai tuꞌu mai ꞌana te Kiritō, kai tapa atu e te ꞌAtua i te hara o te taŋata, ꞌe i tuꞌu rō pa he meꞌe ena ē: ꞌina he tano tāꞌana meꞌe aŋa. I aŋa ai pē ira ꞌo te ai a ia kope ꞌite i te haꞌaoromaꞌi, ꞌe i haꞌaoromaꞌi ai i te hara o rā nuꞌu ꞌātā ki te hora mo ꞌamo e Ietū i te hara o te taꞌatoꞌa. Pē ira e ꞌite nei: te ꞌAtua he kope aŋa i te meꞌe tano, ꞌe e tano rō ꞌā a ia mo kī: te nuꞌu taꞌatoꞌa haka moe i te manaꞌu ꞌi ruŋa i a Ietū, he nuꞌu tano ki tōꞌona mata.

1 Kōrinto 10:17

Mai te haraoa mau nō e tahi e kai ena tātou taꞌatoꞌa, he tāpaꞌo pē nei ē: a tātou, te nuꞌu taꞌatoꞌa ꞌa Ietū, he hakari mau nō e tahi.

Ēfeto 4:22

ꞌO ira, e haka rē te kōrua huru ꞌe te kōrua noho iŋa taꞌe tano o muꞌa ꞌā haka tere e te meꞌe taꞌe tano pohe e te hakari. O te meꞌe ena te reo-reo ꞌe te maꞌu i te taŋata a te ara taꞌe tano.

Meꞌe Haka Takeꞌa 5:12

Hai reꞌo pūai e kī era: «¡Te meꞌe mo te Māmoe tiŋaꞌi tūtia era: he moꞌa, he haka nui-nui ꞌe he haꞌahana-hana o te taŋata taꞌatoꞌa ꞌo tōꞌona pūai, ꞌo tōꞌona hauhaꞌa, ꞌo tōꞌona mārama-rama ꞌe ꞌo tōꞌona mana!».