1 Kōrinto 5:11 - Rapa Nui

¹¹ Tāꞌaku kī: nuꞌu nō era mo kī atu he taina rāua o kōrua ꞌi te haka moe iŋa i te manaꞌu ꞌi ruŋa i a Ietū, ꞌe te rāua meꞌe aŋa he moe i te viꞌe ꞌo i te taŋata taꞌe he viꞌe ꞌo he kenu ꞌāꞌana, he nou-nou, he haꞌamuri ki te ꞌītoro, he vānaŋa taꞌe tano mo te rua, he rava taꞌero, ꞌo he toke, ꞌina kōrua ko ai he repahoa o rāua, ꞌe ꞌina ko kai ꞌi muri.

1 Kōrinto 5:11 ပူးပေါင်းရင်းမြစ်များ

Māteo 18:17

ꞌE mo taꞌe haka roŋo ki rā ŋā mataꞌite, ka kī ki te nūnaꞌa taŋata taꞌatoꞌa o rā kona ⌊haka moe i te manaꞌu⌋ ꞌi ruŋa i te ꞌAtua. ꞌE mo taꞌe haka roŋo ki rā nuꞌu, ka haꞌariro pa he taŋata kai ꞌite ko ai te ꞌAtua parautiꞌa ꞌo pa he ⌊nuꞌu haka ꞌauhau i te taŋata hai moni mo te rōmano⌋.

Māteo 23:25

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! E haka tuꞌu ena i a kōrua pa he nuꞌu tano ki te mata o te ꞌAtua ꞌe te kōrua roto e ꞌī rō ꞌā e te fiꞌiꞌi ꞌe e te manaꞌu ki te moni nō, pa he hapaina ꞌo pa he mareti ko tata ꞌā e kōrua a te haho ꞌe te roto ko te ꞌī iŋa ꞌā e te ꞌōꞌone.

Ruka 18:11

»He māroa rā fariseo he pure a roto i a ia ꞌā: “E te ꞌAtua ē, he māuru-uru atu a au ꞌo te taꞌe ai ōꞌoku pa he tētahi nuꞌu: he toke-toke, he taparahi-taꞌata, he taiꞌata; ꞌe, takoꞌa, ꞌo te taꞌe ai ōꞌoku pa he taŋata era ai, haka ꞌauhau i te nuꞌu hai moni mo te rōmano.

Ruka 21:34

»E uꞌi kōrua ꞌo haka rehe-rehe ki te meꞌe taꞌe au, ki te ꞌava unu ꞌe ki te manaꞌu ki te meꞌe o te ao nei, ꞌo tuꞌu rō mai te mahana o te ture hopeꞌa

Aŋa o te ꞌĀpōtoro 1:15

ꞌI rā ŋā mahana he vānaŋa a Pētero ki te nuꞌu taka-taka ⌊haka moe i te manaꞌu⌋ ꞌi ruŋa i a Ietū e hoꞌe hānere piti ꞌahuru, he kī:

Aŋa o te ꞌĀpōtoro 9:17

He eꞌa ia he oho a ꞌĀnānia ki tū hare era ꞌi ira a Sauro. I uru era he haka eke i tōꞌona rima ki ruŋa he kī: «E te taina, ko uŋa mai ꞌana a au e Ietū takeꞌa era e koe ꞌi te ara, mo haka ora atu i tuꞌu mata ꞌe mo ꞌī ōꞌou e te pūai o te ⌊Vārua Maitai⌋».

Rōmano 13:13

E noho tātou pa he nuꞌu haꞌere ꞌi roto i te māꞌeha. E haka rē te meꞌe taꞌe tano aŋa ꞌi te pō pa he ŋoŋoro taꞌe hāito i te meꞌe aŋa, pa he taꞌero ꞌava, pa he taiꞌata ꞌe he tētahi haka ꞌou atu meꞌe tuꞌu pē ira, pa he tātake ꞌe pa he pohe ki te meꞌe o te rua.

Rōmano 16:17

E te taina, e uꞌi e haka tapa mai muri i te nuꞌu haka huri i te manaꞌu hai hāpī taꞌe parautiꞌa, ꞌo taꞌe ai e tahi mau nō kōrua manaꞌu o ruŋa i te hāpī parautiꞌa haka ꞌite atu era, ꞌo haka tapa kōrua mai te ara parautiꞌa o te ꞌAtua.

1 Kōrinto 10:14

ꞌO ira, e tōꞌoku taina haŋa rahi ē, e uꞌi kōrua ꞌo haꞌamuri ki te ꞌītoro.

1 Kōrinto 11:21

ꞌi te meꞌe era ꞌi te hora o te kai, e ai rō ꞌā te nuꞌu kai raꞌe, ꞌina he tiaki ki te tētahi nuꞌu. Pē ira e ai ena te nuꞌu oho mai te kona taka-taka o kōrua e maruaki rō ꞌā, ꞌe tētahi e taꞌero rō ꞌana.

1 Kōrinto 6:6

ꞌE ko te horo ko te oho iŋa ꞌana kōrua i a kōrua ꞌā ki te pūꞌoko haka tere o te hare ture taꞌe haka moe i te manaꞌu ꞌi ruŋa i a Ietū.

1 Kōrinto 6:9

¿Kai ꞌite ꞌana hō kōrua: te nuꞌu aŋa i te meꞌe taꞌe tano ki te mata o te ꞌAtua e ko oꞌo ki roto i te nūnaꞌa taŋata haka tere e ia? ꞌIna kōrua ko reo-reo ki a kōrua ꞌā. ꞌIna, paꞌi, o roto i te nūnaꞌa taŋata haka tere e te ꞌAtua te nuꞌu moe i te viꞌe i te taŋata taꞌe he viꞌe ꞌo taꞌe he kenu ꞌāꞌana, ꞌina he nuꞌu haꞌamuri ki te ꞌītoro, he nuꞌu taiꞌata, he ŋāŋata haꞌariro i a rāua pa he viꞌe, he hiku, he toke-toke, he nuꞌu nou-nou, he nuꞌu rava taꞌero, he nuꞌu vānaŋa taꞌe tano mo te rua, ꞌe he nuꞌu toke i te rua hai reo-reo.

1 Kōrinto 7:12

ꞌE ki te tētahi nuꞌu he kī atu a au, pa he meꞌe ꞌāꞌaku, taꞌe pa he vānaŋa o te tātou Pūꞌoko Haka Tere ko Ietū Kiritō: mo ai e tahi taina o roto i a kōrua tāꞌana viꞌe ꞌina he haka moe i tōꞌona manaꞌu ꞌi ruŋa i a Ietū, ꞌe ko te haŋa iŋa ꞌana rā viꞌe mo noho mo oho nō ararua, ꞌina rā taina ko haꞌataꞌa mai rā viꞌe.

1 Kōrinto 7:15

Te taŋata ꞌe te viꞌe taꞌe ⌊haka moe i te manaꞌu⌋ ꞌi ruŋa i a Ietū taꞌe haŋa mo noho mo oho nō ararua ko tāꞌana viꞌe ꞌo ko tāꞌana kenu haka moe i te manaꞌu ꞌi ruŋa i a Ietū, e haka rē mo oho. Mo topa o te meꞌe nei ki a kōrua ꞌina he ꞌati. Te meꞌe haŋa, paꞌi, o te ꞌAtua, he haumārū ꞌi roto i a kōrua.

1 Kōrinto 8:11

Pē ira, hai ꞌite era ōꞌou tuꞌu taina ka taꞌe haka moe haka ꞌou era i tōꞌona manaꞌu ꞌi ruŋa i a Ietū mate takoꞌa era mōꞌona.

Karatia 2:12

Te ŋā mahana raꞌe era ōꞌona ꞌi ira e kai era ananake ko te nuꞌu taina taꞌe he hūrio. ꞌE, i tuꞌu atu era te taina hūrio e maꞌu nō ꞌā ꞌi te haka tere iŋa ꞌa Mōtē uŋa atu e Tanatiako, he haꞌamata he haka topa kē i a ia; ꞌina kai haŋa haka ꞌou mo kai ꞌi muri i tū nuꞌu era, ꞌi te riꞌa-riꞌa ꞌo ture e tū nuꞌu hūrio era ꞌo te aŋa i te meꞌe ꞌina he tano ki te haka tere iŋa hūrio.

Ēfeto 5:18

ꞌIna ko unu ka taꞌero rō, ꞌo taꞌe tano te kōrua noho iŋa; e haka rē mo te ⌊Vārua Maitai⌋ e vaꞌai atu i tōꞌona pūai ꞌe e haka tere atu i a kōrua.

Ēfeto 5:5

E ꞌite kōrua: te kope aŋa i te meꞌe taꞌe tano pohe e te hakari, te kope aŋa i te meꞌe hano-hano, ꞌe te kope haka rē i a ia ki te nou-nou, e ko oꞌo ki roto o te nūnaꞌa taŋata haka tere e Ietū ꞌe e te ꞌAtua. Te nou-nou, paꞌi, e tuꞌu rō ꞌā pa he meꞌe ena: e haꞌamuri ꞌana kōrua ki te ꞌītoro, ꞌe rā ꞌītoro he taoꞌa.

Kōrosa 3:5

E te taina, e haka kore tahi te meꞌe taꞌe tano aŋa ꞌi muꞌa ꞌā. ꞌIna kōrua ko moe i te viꞌe ꞌo i te taŋata taꞌe he viꞌe ꞌo he kenu o kōrua, ꞌina ko aŋa e tahi meꞌe taꞌe tano ꞌe hano-hano haŋa e te hakari, ꞌina kōrua ko haꞌatiꞌa ki te meꞌe taꞌe tano pohe e te hakari mo haka tere atu, ꞌe ꞌina takoꞌa ko nou-nou. (Te nou-nou, paꞌi, e tuꞌu rō ꞌā pa he meꞌe ena: e haꞌamuri ꞌana kōrua ki te ꞌītoro, ꞌe rā ꞌītoro he taoꞌa).

2 Tētārōnika 3:14

ꞌE mo ai e tahi taina taꞌe haꞌatura ki te meꞌe kī atu e mātou ꞌi ruŋa i te parau nei, e uꞌi ko ai, ꞌe ꞌai ka haka tapa rō kōrua mai muri, ki haꞌamā ai.

2 Tētārōnika 3:6

E te taina, he kī atu a mātou hai ꞌīŋoa o te tātou Pūꞌoko Haka Tere ko Ietū Kiritō: mo ai ꞌi roto i a kōrua e tahi taina hupe-hupe taꞌe haka tere i a ia hai meꞌe hāpī atu era e mātou, e haka tapa kōrua mai muri.

1 Timoteo 3:3

ꞌIna ko ai he kope taꞌero ꞌava ꞌe rava moto. E ai he taŋata māhatu riva ꞌe haumārū, taꞌe nou-nou moni,

1 Timoteo 6:5

ꞌe te rava ture ꞌi roto i te nuꞌu ꞌina he manaꞌu riva-riva toe ꞌe ꞌina he aŋi-aŋi haka ꞌou he aha te meꞌe he parautiꞌa ꞌe he aha te meꞌe he reo-reo. Mo rāua te hāpī o ruŋa i te ꞌAtua he rāveꞌa e tahi mo ꞌono.

2 Iovani 1:10

ꞌE mo tuꞌu atu o te taŋata ki te kōrua hare e hāpī ꞌā o ruŋa i te ꞌAtua, ꞌe tāꞌana meꞌe hāpī taꞌe he hāpī parautiꞌa ꞌa Ietū, ꞌina ko toꞌo ki roto i tuꞌu hare ꞌe ꞌina ko ꞌaroha.

Meꞌe Haka Takeꞌa 2:14

’Ka ai atu pē ira, e ai rō ꞌā tāꞌaku ture māꞌau: ꞌi te kona ena e ai rō ꞌā te kōrua nuꞌu ko te maꞌu iŋa ꞌana i te haka tere iŋa era ꞌa ⌊Vārama⌋. O te kope nei, paꞌi, i hāpī i a Vāraka pē hē ana haka hara i te itaraera hai haka haŋu i a rāua mo kai i te kai tūtia ki te ꞌītoro ꞌe mo moe i te viꞌe ꞌe i te taŋata taꞌe he viꞌe ꞌo he kenu ꞌāꞌana.

Meꞌe Haka Takeꞌa 2:20

’Ka ai atu pē ira, e ai rō ꞌana tāꞌaku ture māꞌau: he haꞌaoromaꞌi ōꞌou i te viꞌe ko Hētāvere, viꞌe kī i a ia mau ꞌā he perofeta. Te viꞌe nei hai hāpī reo-reo ꞌāꞌana e haka haŋu ena i tōꞌoku tāvini mo moe i te viꞌe i te taŋata taꞌe he viꞌe ꞌo he kenu ꞌāꞌana ꞌe mo kai i te kai tūtia ki te ꞌītoro.

Meꞌe Haka Takeꞌa 21:8

ꞌE te nuꞌu riꞌa-riꞌa mo kī ꞌāꞌaku a rāua, te nuꞌu taꞌe haka moe oho i te rāua manaꞌu ꞌi ruŋa i a au, te nuꞌu aŋa i te meꞌe taꞌe tano hano-hano, te nuꞌu tiŋaꞌi haka mate i te rua, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu aŋa i te tahu-tahu, te nuꞌu haꞌamuri ki te ꞌītoro ꞌe te nuꞌu reo-reo taꞌatoꞌa, he hoa ki te kona ꞌi ira e ura ena te azufre mo noho mau rō ꞌāvai ꞌi ira e ꞌava-ꞌava rō ꞌana mai i a au. Ko te meꞌe nei te rua mate iŋa».

Meꞌe Haka Takeꞌa 22:15

ꞌE te nuꞌu aŋa i te meꞌe taꞌe tano hano-hano, te nuꞌu aŋa i te tahu-tahu, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu tiŋaꞌi haka mate i te rua, te nuꞌu haꞌamuri ki te ꞌītoro, ꞌe te nuꞌu taꞌatoꞌa te rāua meꞌe aŋa mau nō he reo-reo ꞌi haho ka noho ena.