1 Kōrinto 5:10 - Rapa Nui

¹⁰ Te kī nei ꞌāꞌaku: taꞌe ka haka tapa mau ꞌā a kōrua mai te nuꞌu taꞌatoꞌa o te ao nei moe i te viꞌe ꞌo i te taŋata taꞌe he kenu ꞌāꞌana, ꞌe mai muri i te nuꞌu nou-nou, toke-toke ꞌe haꞌamuri ki te ꞌītoro. Mo ravaꞌa, paꞌi, e kōrua mo aŋa i te meꞌe nei, e taꞌe ai mau nō kōrua ꞌi te ao nei.

1 Kōrinto 5:10 ပူးပေါင်းရင်းမြစ်များ

Ruka 18:11

»He māroa rā fariseo he pure a roto i a ia ꞌā: “E te ꞌAtua ē, he māuru-uru atu a au ꞌo te taꞌe ai ōꞌoku pa he tētahi nuꞌu: he toke-toke, he taparahi-taꞌata, he taiꞌata; ꞌe, takoꞌa, ꞌo te taꞌe ai ōꞌoku pa he taŋata era ai, haka ꞌauhau i te nuꞌu hai moni mo te rōmano.

Iovani 15:19

ꞌĀhani kōrua o te nuꞌu era ꞌā, ko te haŋa iŋa atu ꞌana, pa he haŋa iŋa ki te rāua nuꞌu. ꞌĀꞌaku kōrua i haꞌataꞌa mai mai roto i a rāua, ꞌo ira e maꞌu ena i te riri mo kōrua, ꞌo te taꞌe ai haka ꞌou kōrua o rāua.

Iovani 17:6

»E Koro, ki te nuꞌu vaꞌai mai e koe o te ao nei i haka ꞌite ai e au ko ai mau a koe. ꞌĀꞌau rā nuꞌu, ꞌe ꞌāꞌau i vaꞌai mai, ꞌe, ko haka roŋo ꞌana ki taꞌa vānaŋa.

Iovani 17:9

»He ani atu au mo rāua, taꞌe mo te nuꞌu o te ao nei taꞌe ⌊haka moe i te manaꞌu⌋ ꞌi ruŋa i a au, mo te nuꞌu vaꞌai mai era e koe ꞌo te ai ꞌāꞌau rāua.

Iovani 8:23

He kī e Ietū: —O raro nei a kōrua, ꞌe o ruŋa era a au; o te ao nei a kōrua; ꞌe taꞌe a au o te ao nei.

1 Kōrinto 1:20

¿ꞌI hē i hopeꞌa ai te nuꞌu mārama-rama, te ⌊maꞌori o te haka tere hūrio⌋ ꞌe te kope haka kē mo vānaŋa i te meꞌe o te ao nei? Ko haka ꞌite mai ꞌā e te ꞌAtua: mōꞌona ꞌina e tahi hauhaꞌa te mārama-rama o te taŋata.

1 Kōrinto 10:27

Mo kī atu o te kope e tahi taꞌe haka moe i te manaꞌu ꞌi ruŋa i a Ietū mo oho ōꞌou ki tōꞌona hare mo kai ꞌe he oho koe, e kai i te meꞌe nō era ka vaꞌai atu era, ꞌina ko ꞌui hoki he kai tūtia ki te ꞌītoro ꞌo he kai taꞌe tūtia.

1 Kōrinto 5:11

Tāꞌaku kī: nuꞌu nō era mo kī atu he taina rāua o kōrua ꞌi te haka moe iŋa i te manaꞌu ꞌi ruŋa i a Ietū, ꞌe te rāua meꞌe aŋa he moe i te viꞌe ꞌo i te taŋata taꞌe he viꞌe ꞌo he kenu ꞌāꞌana, he nou-nou, he haꞌamuri ki te ꞌītoro, he vānaŋa taꞌe tano mo te rua, he rava taꞌero, ꞌo he toke, ꞌina kōrua ko ai he repahoa o rāua, ꞌe ꞌina ko kai ꞌi muri.

1 Kōrinto 5:9

ꞌI ruŋa i tāꞌaku meꞌe pāpaꞌi raꞌe atu era i hāꞌaki atu ai a au: ꞌina kōrua ko ai he repahoa o te nuꞌu moe i te viꞌe ꞌo i te taŋata taꞌe he kenu ꞌāꞌana.

2 Kōrinto 4:4

Te nuꞌu nei, ꞌi te taꞌe haka moe i te rāua manaꞌu ꞌi ruŋa i a Ietū, ko haka pōhāhā ꞌā i te rāua manaꞌu e Rukifero, ꞌatua o te ao nei, ꞌo aŋi-aŋi, ꞌo takeꞌa i te māꞌeha o te mōrī o te roŋo riva-riva o ruŋa i te pūai ꞌe i te nui-nui o te ⌊Kiritō⌋, ꞌāriŋa ora o te ꞌAtua.

Ēfeto 2:2

Te noho iŋa era o kōrua e haka tano era ki te noho iŋa taꞌe tano o te nuꞌu o te ao nei taꞌe haŋa ki te ꞌAtua, ꞌe e aŋa era i te meꞌe haŋa ꞌa Rukifero, he pūꞌoko haka tere o te tātane e noho mai ena ꞌi roto i te tokerau. ꞌĀꞌana te haka tere i te manaꞌu o te nuꞌu taꞌe haꞌatura ki te ꞌAtua.

Fīripo 2:15

ꞌo ai te kōrua hape ꞌe te kōrua meꞌe taꞌe tano mo tuhi atu e te taŋata. ꞌI roto i te nuꞌu haꞌavare ꞌe taparahi-taꞌata o te ao nei e riro kōrua he ŋā poki o te ꞌAtua ꞌina e tahi hape. E māꞌeha kōrua ꞌi roto i a rāua pa he hetuꞌu pura ꞌi roto i te pōhāhā

1 Iovani 4:5

A rāua o te ao nei. ꞌO ira e vānaŋa ena i te meꞌe o te ao nō nei, ꞌe te nuꞌu o te ao ki a rāua e haka roŋo ena.

1 Iovani 4:7

E te taina, e haŋa a tātou ki te rua ꞌo te ai te meꞌe he haŋa, mai te ꞌAtua e oho mai ena. Te nuꞌu taꞌatoꞌa haŋa ki te rua he ŋā poki o te ꞌAtua, ꞌe ko māhani ꞌā i a ia.

1 Iovani 5:19

A tātou ko ꞌite takoꞌa ꞌana: o te ꞌAtua a tātou, ka ai atu ꞌa Rukifero te haka tere i te ao nei.

Meꞌe Haka Takeꞌa 12:9

He ava i rā manuꞌino ananake ko tāꞌana vaꞌehau ki ruŋa i te henua. Rā manuꞌino ko te kōreha era o te noho iŋa tuai era ko Rukifero, he kope reo-reo ki te taŋata o te henua taꞌatoꞌa.