1 Kōrinto 4:9 - Rapa Nui

⁹ E tuꞌu takoꞌa rō ꞌana pe he meꞌe ena ē: te ꞌAtua ko haka rē ꞌana i a mātou i te ꞌāpōtoro, pa he meꞌe hopeꞌa, haka ūtuꞌa mo mate ꞌi roto i te koro nui-nui e tahi mo mātaꞌi-taꞌi o te merahi ꞌe o te taŋata taꞌatoꞌa.

1 Kōrinto 4:9 ပူးပေါင်းရင်းမြစ်များ

Aŋa o te ꞌĀpōtoro 19:29

Kai roa he ꞌite te nuꞌu taꞌatoꞌa o rā kona o ruŋa i tū meꞌe era ꞌe he mira-mira rō atu ꞌai te manaꞌu. He ꞌa-ꞌaru ia i a Kāio ararua ko Aritarako, he ŋāŋata o Mātērōnia oho ꞌi muri i a Pauro, he to-toi he oho ki te kona nui-nui e tahi aŋa mo taka-taka o te taŋata.

Aŋa o te ꞌĀpōtoro 19:31

ꞌI roto i te nuꞌu ra-rahi o ꞌĀtia te nuꞌu repahoa o Pauro; o rāua i haka uŋa i kī mo taꞌe uru ki rā kona.

Rōmano 8:36

Te ꞌati tuꞌu pa he ŋā ꞌati nei e topa tāꞌue rō mai pēaha ki a tātou. Nā, paꞌi, e hāꞌaki rō ꞌana ꞌi ruŋa i te ⌊Pāpaꞌi Moꞌa⌋ pē nei ē: «ꞌO te ai o mātou ꞌāꞌau, paurō te mahana he oho nō mai te aŋa o te taŋata mo tiŋaꞌi i a mātou; ꞌe, ko haꞌariro ꞌā i a mātou he māmoe mo maꞌu mo tiŋaꞌi».

1 Kōrinto 15:19

ꞌE mo ai mo te ao nō nei e ŋatu ena te tātou haŋu ꞌi ruŋa i te Kiritō, he haka ꞌaroha mau nō ia te meꞌe mo tātou.

2 Kōrinto 11:23

¿He tāvini a rāua o te Kiritō? ꞌAta hau rō atu tōꞌoku tāvini iŋa ki te Kiritō ki a rāua, ka ai atu ꞌi tōꞌoku kī i te meꞌe nei, e vānaŋa ꞌana a au pa he maꞌa-maꞌa. ꞌAta rahi rō atu tōꞌoku aŋa mōꞌona ki a rāua, ꞌata rahi rō atu tōꞌoku puru iŋa ꞌi roto i te hare maꞌuꞌaurī ꞌo te aŋa ki te Kiritō ki a rāua, ꞌata rahi rō atu te tiŋaꞌi iŋa mai i a au, ꞌe i rahi rō te mahana i oho rō a au mo mate.

2 Kōrinto 6:9

E uꞌi mai ena i a mātou pa he nuꞌu taꞌe māhani e rāua, ka ai atu e ꞌite riva-riva rō ꞌā ko ai a mātou. He oho nō te aŋa o mātou mo mate i a rāua, ꞌe ko te ora iŋa ꞌana. He tōtōā nō mai te aŋa, ꞌe, ka ai atu pē ira, ꞌina a mātou he mate.

1 Tētārōnika 3:3

ꞌo haka tapa kōrua mai te ara o te ꞌAtua ꞌo te tute atu i a kōrua e te nuꞌu mo tōtōā. Ko ꞌite riva-riva ꞌana e kōrua: mo tātou mo te nuꞌu ⌊haka moe i te manaꞌu⌋ ꞌi ruŋa i a Ietū, e ꞌamo i te ꞌati tuꞌu pē nei.

ꞌEvereo 1:14

Te merahi taꞌatoꞌa, paꞌi, he vārua aŋa ki te ꞌAtua uŋa mo hāꞌūꞌū ki te nuꞌu eꞌa mai roto i te ūtuꞌa o te hara ꞌe ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

ꞌEvereo 10:33

Tētahi o kōrua i vā-vā rō ꞌe i tōtōā rō ꞌi muꞌa o te taŋata, ꞌe tētahi atu i mamae takoꞌa rō ꞌi te ꞌati topa ki rā nuꞌu.

ꞌEvereo 11:36

Tētahi atu i haka meꞌe-meꞌe ꞌe i tiŋaꞌi hai ꞌuaka, ꞌe ꞌātā i here-here hai vivi ꞌe i puru ꞌi roto i te hare maꞌuꞌaurī.