1 Kōrinto 4:6 - Rapa Nui

⁶ E te taina, mo te kōrua riva-riva i vānaŋa i haꞌaauraꞌa atu ai au o ruŋa i a māua ko ꞌĀporo mo ꞌite o kōrua mo haka tere nō i a kōrua hai meꞌe hāꞌaki ꞌi ruŋa i te ⌊Pāpaꞌi Moꞌa⌋, ꞌo haka paka kōrua i te kope e tahi ꞌe ꞌo taꞌe haka au i te rua.

1 Kōrinto 4:6 ပူးပေါင်းရင်းမြစ်များ

Aŋa o te ꞌĀpōtoro 18:24

ꞌI rā ŋā mahana, he tuꞌu ki Ēfeto te taŋata hūrio e tahi te ꞌīŋoa ko ꞌĀporo o te kona ko Arehantāria. Te taŋata nei ko ꞌite riva-riva ꞌā mo vānaŋa ꞌe ko ꞌite riva-riva ꞌana i te meꞌe o ruŋa ꞌi te ⌊Pāpaꞌi Moꞌa⌋.

Aŋa o te ꞌĀpōtoro 19:1

ꞌI te hora o ꞌĀporo ꞌi Kōrinto ꞌā, he kona o Ākāia, ꞌai a Pauro e oho era a te kona maꞌuŋa ꞌātā ka tuꞌu rō ki Ēfeto. ꞌI ira i piri ai ki te tētahi nuꞌu ⌊haka moe i te manaꞌu⌋ ꞌi ruŋa i te ꞌAtua.

Rōmano 12:3

Pa he taŋata uŋa au e te ꞌAtua hai riva rahi ōꞌona mo haka ꞌite atu i tāꞌana roŋo, ꞌī a au he kī atu: ꞌina ko manaꞌu ꞌata hau kōrua ki te roa parautiꞌa vaꞌai atu era e te ꞌAtua. Te tano mau: e ꞌite kōrua mo haka tano i te manaꞌu ki te pūai o te kōrua haka moe iŋa o te manaꞌu ꞌi ruŋa i a Ietū Kiritō.

1 Kōrinto 1:12

E ai rō ꞌā te nuꞌu o kōrua kī: «A au ꞌa Pauro»; ꞌe tētahi te kī: «A au ꞌa ꞌĀporo»; tētahi atu: «A au ꞌa Tefa»; ꞌe tētahi haka ꞌou atu te kī: «A au o te ⌊Kiritō⌋».

1 Kōrinto 1:19

Pa he meꞌe hāꞌaki ꞌi ruŋa i te ⌊Pāpaꞌi Moꞌa⌋: «E haka takeꞌa rō e au ꞌina e tahi hauhaꞌa te manaꞌu mārama-rama o te taŋata. ꞌE te nuꞌu manaꞌu e ꞌite rahi rō ꞌana a rāua he haka mira-mira e au i te manaꞌu».

1 Kōrinto 1:31

E kī rō ꞌana, paꞌi, ꞌi ruŋa i te Pāpaꞌi Moꞌa: «Te kope haŋa mo haka paka i a ia, te tano mau: e haka paka i te ꞌAtua, Pūꞌoko Haka Tere o tātou, ꞌo te meꞌe aŋa e ia».

1 Kōrinto 13:4

Te kope haka tere i a ia hai haŋa parautiꞌa e ꞌite rō ꞌā i te haꞌaoromaꞌi. A ia he taŋata riva, taꞌe fiꞌiꞌi, taꞌe teꞌo-teꞌo, taꞌe manaꞌu i hau rō atu a ia ki te rua,

1 Kōrinto 3:19

Te manaꞌu mārama-rama o te taŋata o te ao nei he meꞌe maꞌa-maꞌa nō atu e tahi mo te ꞌAtua. Pa he meꞌe kī ꞌi ruŋa i te ⌊Pāpaꞌi Moꞌa⌋: «Te nuꞌu manaꞌu he nuꞌu mārama-rama a rāua e haka ꞌite rō ꞌā e te ꞌAtua taꞌe pē ira hai taꞌe haꞌatiꞌa mo tano o te rāua meꞌe manaꞌu mo aŋa».

1 Kōrinto 3:21

ꞌO ira ꞌina e tahi o kōrua mo teꞌo-teꞌo ꞌa ꞌai i hāpī. Te meꞌe taꞌatoꞌa, paꞌi, o kōrua ꞌe mo te kōrua riva-riva:

1 Kōrinto 5:2

Ka ai atu pē ira, ko te teꞌo-teꞌo iŋa ꞌā a kōrua pē nei ē: ko ꞌite riva-riva ꞌana a kōrua i te meꞌe o te ꞌAtua. Te tano mau: e māui-ui te kōrua māhatu ꞌi te meꞌe tuꞌu pē nā. Te taŋata aŋa i te meꞌe tuꞌu pē nei e haka eꞌa mai roto i a kōrua.

1 Kōrinto 5:6

E ko tano kōrua mo teꞌo-teꞌo. E kī rō ꞌana, paꞌi: «E tahi ꞌapa ꞌiti-ꞌiti o te revaura he ahu tahi te haraoa». Pē ira takoꞌa ꞌana hai taŋata mau nō e tahi e hara nō meꞌe rahi nō atu nuꞌu.

1 Kōrinto 8:1

ꞌĪ a au he vānaŋa atu o ruŋa i te ꞌui era o kōrua o te kai tūtia ki te ꞌītoro. Taꞌatoꞌa o tātou e ꞌite rō ꞌā ꞌina e tahi pūai o te ꞌītoro ꞌi ruŋa i a tātou. Ka ai atu pē ira, ka haka topa te manaꞌu: mo haka tere o tātou hai ꞌite, he manaꞌu tātou i hau rō atu tātou ki te rua. ꞌE, mo haka tere hai haŋa, he aŋa tātou i te meꞌe riva-riva mo te rua.

1 Kōrinto 9:23

E aŋa nei a au i te meꞌe taꞌatoꞌa nei mo rahi mo oho o te nuꞌu haka moe i te rāua manaꞌu ꞌi ruŋa i te ⌊roŋo riva-riva o ruŋa i a Ietū⌋, ꞌe mo ai i a au ꞌe i te tētahi nuꞌu te meꞌe hōrea mai era e te ꞌAtua.

2 Kōrinto 10:12

Taꞌe mātou o roto o te nuꞌu teꞌo-teꞌo. Te nuꞌu nei, ꞌi te hora uꞌi hoki e tano rō ꞌā te rāua aŋa mo te ꞌAtua, e hāito ena hai meꞌe aŋa ꞌe manaꞌu e rāua mau ꞌā, taꞌe ꞌō hai manaꞌu o te ꞌAtua. ¡Te oho iŋa nei he meꞌe maꞌa-maꞌa e tahi!

2 Kōrinto 10:15

ꞌE ꞌina takoꞌa a mātou he teꞌo-teꞌo ꞌi te aŋa o te rua, ꞌo eꞌa a mātou mai rā roa. Te mātou meꞌe haŋa he pūai he oho te kōrua haka moe iŋa i te manaꞌu ꞌi ruŋa i a Ietū, mo ꞌata rahi mo oho te mātou aŋa ꞌi roto i a kōrua.

2 Kōrinto 10:7

E haka topa te kōrua manaꞌu o ruŋa i te meꞌe ko ꞌite riva-riva ꞌā e kōrua o ruŋa i a mātou. Nā, paꞌi, ꞌi roto i a kōrua te nuꞌu kī: a rāua he tāvini parautiꞌa o te Kiritō. E ꞌite e te nuꞌu era: a mātou takoꞌa he tāvini o te Kiritō.

2 Kōrinto 11:4

ꞌE, nā kōrua e haka roŋo ꞌā hai koa ki te nuꞌu vānaŋa atu o ruŋa i te Ietū kē ki te Ietū haka ꞌite atu era e mātou. E haka roŋo takoꞌa ꞌana hai koa ki te roŋo kē taꞌe hāpī atu e mātou, ꞌe ki te vārua kē taꞌe ki te ⌊Vārua Maitai⌋ noho ꞌi roto i a kōrua.

2 Kōrinto 12:19

E manaꞌu ena pēaha a kōrua: te tumu o te meꞌe taꞌatoꞌa pāpaꞌi atu ena e au e kimi ꞌā i te mātou ora ꞌo te reo-reo taꞌatoꞌa tuhi mai e tū ŋā ꞌāpōtoro reo-reo era, ꞌe taꞌe, paꞌi, pē ira. Te tumu mau o te meꞌe taꞌatoꞌa nei, e te taina haŋa rahi ē, mo haka pūai i te kōrua haka moe iŋa i te manaꞌu ꞌi ruŋa i a Ietū. E vānaŋa atu ena, paꞌi, a mātou hai parautiꞌa ꞌi muꞌa o te ꞌAtua, ꞌe pa he nuꞌu o te Kiritō.

2 Kōrinto 12:20

E riꞌa-riꞌa rō ꞌana a au, ka oho atu ena a au uꞌi i a kōrua, te kōrua noho iŋa taꞌe pa he meꞌe haŋa ꞌāꞌaku. ꞌE, mo ai pē ira, taꞌe ia toe tōꞌoku huru pa he meꞌe haŋa e kōrua. Tōꞌoku riꞌa-riꞌa ꞌo ai te tātake ꞌi roto i a kōrua, te mākota, te riri, te ꞌino, te haꞌaꞌino, te vānaŋa taꞌe tano mo te tētahi, te manaꞌu i hau rō atu ki te rua, ꞌe te hihi-hihi o te kōrua noho iŋa.

2 Kōrinto 12:6

ꞌE, ka haŋa atu a au mo haka paka atu o ruŋa i rā meꞌe, e ko riro he meꞌe maꞌa-maꞌa e tahi ꞌi te meꞌe era e kī atu ꞌana a au i te parautiꞌa. ꞌE ꞌina a au he aŋa pē ira, ꞌo manaꞌu tāꞌue rō e te nuꞌu: te meꞌe haka nui-nui i a au he toꞌo iŋa o te Kiritō i a au ki te raŋi, ꞌe taꞌe ꞌō he noho iŋa tano ꞌe he hāpī iŋa parautiꞌa ōꞌoku, he meꞌe takeꞌa ꞌe ŋaroꞌa e rāua.

2 Kōrinto 4:15

Te haꞌaoromaꞌi o mātou i te ꞌati taꞌatoꞌa he meꞌe mo te riva-riva o kōrua, ꞌe mo ꞌata rahi mo oho o te nuꞌu ⌊haka moe i te manaꞌu⌋ ꞌi ruŋa i a Ietū, he ꞌite o ruŋa i te riva rahi o te ꞌAtua. Pē ira ka rahi ka oho ena te nuꞌu māuru-uru ꞌe haꞌahana-hana ki te ꞌAtua.

Kōrosa 2:18

ꞌIna takoꞌa ko tapa atu i te nuꞌu taꞌe haka au atu i a kōrua ꞌi te taꞌe haꞌamuri pē rāua ki te merahi. E haka tuꞌu rō ꞌana i a rāua pa he nuꞌu haumārū, taꞌe manaꞌu i hau rō atu ki te rua, ꞌe te parautiꞌa mau, he teꞌo-teꞌo nō te aŋa ꞌo te ai, ki te rāua kī, ko takeꞌa ꞌana i te meꞌe i haka takeꞌa e te ꞌAtua. ꞌE te meꞌe aŋa he haka paka ꞌi te manaꞌu taŋata nō.

1 Tētārōnika 1:5

I haka ꞌite atu era, paꞌi, mātou i te ⌊roŋo riva-riva o ruŋa i a Ietū Kiritō⌋, he haka moe rō ꞌai kōrua i te manaꞌu ꞌi ruŋa i a ia, ꞌe taꞌe nō ꞌo te ŋaroꞌa e kōrua i te mātou vānaŋa, ꞌo te takeꞌa takoꞌa, hai meꞌe aŋa e mātou hai pūai o te ⌊Vārua Maitai⌋, te pūai o te ꞌAtua ꞌi ruŋa i a mātou, ꞌe ꞌo te ꞌite e kōrua: mo mātou te meꞌe vānaŋa atu era he parautiꞌa mau ꞌā, he takeꞌa e kōrua pē hē mātou e noho era ꞌi roto i a kōrua mo hāꞌūꞌū atu.

2 Timoteo 2:10

ꞌO ira a au e haꞌaoromaꞌi nei i te taꞌatoꞌa nō ꞌati mo te riva-riva o te nuꞌu haꞌataꞌa e te ꞌAtua māꞌana, mo eꞌa takoꞌa o rāua mai roto i te ūtuꞌa o te hara hai Ietū Kiritō ꞌe mo ravaꞌa mo noho ꞌi muri i a ia ꞌina he hopeꞌa raꞌa pe muꞌa ka oho ena.