1 Kōrinto 4:19 - Rapa Nui

¹⁹ ꞌE, mo haŋa o te ꞌAtua, e ko roa hia he tuꞌu atu a au. ꞌI rā hora ka uꞌi nei a au: e pūai rō ꞌana a rāua ꞌo he haka kē nō mo vānaŋa te rāua meꞌe.

1 Kōrinto 4:19 ပူးပေါင်းရင်းမြစ်များ

Aŋa o te ꞌĀpōtoro 18:21

He ꞌaroha he kī ki rā nuꞌu: «Mo haŋa o te ꞌAtua, e hoki haka ꞌou rō mai a au». I oti era he eke ki ruŋa i te pahī he oho mai Ēfeto.

Aŋa o te ꞌĀpōtoro 19:21

I oti era te ŋā meꞌe nei, he manaꞌu a Pauro mo oho ki Mātērōnia ꞌe ki Ākāia, ꞌe mai ira ki Hērutarema. He kī: «Ki tuꞌu a au ki Hērutarema he oho a au ki Roma».

Aŋa o te ꞌĀpōtoro 20:2

ꞌI te kona taꞌatoꞌa tuꞌu ōꞌona e haka haŋu e oho era i te taina hai vānaŋa ꞌāꞌana. He tuꞌu ia ꞌi tōꞌona ara ki Keretia,

Rōmano 15:32

Pē ira, ki oti te aŋa nei, he oho atu a au ki a kōrua, ana haŋa te ꞌAtua, hai koa, mo haka ora ꞌe mo haka pūai haka ꞌou i te tātou manaꞌu.

1 Kōrinto 11:34

ꞌE mo maruaki o te kope e tahi o roto i a kōrua, ka kai rō ꞌai ꞌi tōꞌona hare, ꞌo haka ūtuꞌa i a kōrua e te ꞌAtua, he taꞌe tano o te kōrua haka tere iŋa ꞌi te hora haka taka-taka mo manaꞌu i te mate o te tātou Pūꞌoko Haka Tere. ꞌE te tētahi meꞌe ꞌui mai era e kōrua, ki tuꞌu atu a au ana haka ꞌite atu.

1 Kōrinto 14:5

Mo vānaŋa o kōrua taꞌatoꞌa i te ꞌarero kē taꞌe ꞌite e kōrua, he koa a au. Te meꞌe nō, mo te riva-riva o te taꞌatoꞌa, i hau rō atu ꞌi te tano te vānaŋa o kōrua i te meꞌe haka ꞌite e te ꞌAtua hai ꞌarero mo aŋi-aŋi e te nuꞌu ki te vānaŋa i te ꞌarero kē taꞌe ꞌite e kōrua, mo kore o te kope mo haꞌaauraꞌa i rā vānaŋa. ꞌO ira ꞌata hau rō atu tōꞌoku koa mo vānaŋa o kōrua i te meꞌe haka ꞌite atu e te ꞌAtua.

1 Kōrinto 16:5

ꞌI tōꞌoku ara ki a kōrua ꞌi Kōrinto ꞌi raꞌe a au ka vari nei ki Mātērōnia, ꞌe ki oti ka tuꞌu iho atu ena a au ki a kōrua.

1 Kōrinto 16:7

ꞌIna a au e ko haŋa mo hipa ꞌiti-ꞌiti nō atu mo uꞌi i a kōrua; e haŋa rō ꞌana mo roa ꞌiti o tōꞌoku noho iŋa atu, ana haŋa te ꞌAtua.

1 Kōrinto 2:6

Te parautiꞌa, ꞌi roto i te nuꞌu e hio-hio rō ꞌā te rāua haka moe iŋa i te manaꞌu ꞌi ruŋa i a Ietū e hāpī nei a mātou hai vānaŋa mārama-rama, ꞌe rā mārama-rama taꞌe he mārama-rama o te taŋata ꞌo he mārama-rama o te nuꞌu pūꞌoko haka tere o te ao nei. Te pūai, paꞌi, o te rāua mārama-rama pe te ŋaro pe te oho nō.

1 Kōrinto 4:18

Ko ꞌite ꞌana a au: tētahi o roto i a kōrua nā e haka paka ꞌana i a rāua ꞌi te meꞌe era e manaꞌu ena e ko hoki atu au e ko uꞌi i a kōrua.

1 Kōrinto 4:6

E te taina, mo te kōrua riva-riva i vānaŋa i haꞌaauraꞌa atu ai au o ruŋa i a māua ko ꞌĀporo mo ꞌite o kōrua mo haka tere nō i a kōrua hai meꞌe hāꞌaki ꞌi ruŋa i te ⌊Pāpaꞌi Moꞌa⌋, ꞌo haka paka kōrua i te kope e tahi ꞌe ꞌo taꞌe haka au i te rua.

2 Kōrinto 1:23

He ꞌAtua te meꞌe i ꞌite, e te taina ē, pē nei ē: a au i taꞌe tuꞌu atu ai mo uꞌi i a kōrua ꞌo ture atu a au o ruŋa i te meꞌe taꞌe tano aŋa e kōrua ꞌo mamae te kōrua māhatu ꞌi tāꞌaku vānaŋa.

2 Kōrinto 10:9

ꞌIna kōrua ko manaꞌu e haŋa ꞌana ꞌō a au mo haka riꞌa-riꞌa i a kōrua hai parau pāpaꞌi atu e au.

ꞌEvereo 6:3

Te meꞌe mau o tātou mo aŋa, ana haꞌatiꞌa e te ꞌAtua, he ꞌite he oho o tātou o ruŋa i te hōhonu o tāꞌana hāpī.

Tanatiako 4:15

Te meꞌe mau o kōrua mo kī: «Ana haŋa te ꞌAtua he ora tātou, ꞌe ana haŋa takoꞌa a ia he aŋa tātou i te meꞌe nei ꞌo i te meꞌe era».