1 Kōrinto 4:12 - Rapa Nui

¹² ꞌe e rohi-rohi rō ꞌana ꞌi te aŋa iŋa. E taro-taro mai ena e te nuꞌu, hai haꞌamaitai e haka hoki nei e mātou; ꞌe e tute mai ena mo tōtōā, he haꞌaoromaꞌi e mātou.

1 Kōrinto 4:12 ပူးပေါင်းရင်းမြစ်များ

Māteo 5:11

»Ko te koa i a kōrua ꞌi te hora vā-vā ꞌe tōtōā atu e te taŋata, ꞌe ꞌi te hora haꞌaꞌino hai rauhuru nō atu reo-reo ꞌo te peꞌe mai o kōrua ki a au.

Māteo 5:44

ꞌE, ꞌī a au he kī atu: e haŋa kōrua ki te nuꞌu maꞌu i te riri mo kōrua, ꞌe e pure mo te nuꞌu tute i a kōrua mo tōtōā.

Ruka 23:34

He kī a Ietū: «E Koro, ka haka rehu koe i te meꞌe aŋa mai e te nuꞌu nei; kai ꞌite e aha ꞌā a rāua».] Te vaꞌehau ia ko no-noho ko pere ꞌā i te kahu o Ietū mo uꞌi ki a ai ki a ai ana topa.

Ruka 6:28

E haꞌamaitai te nuꞌu taro-taro atu, ꞌe e pure mo te nuꞌu vā-vā atu i a kōrua.

Iovani 15:20

»E uꞌi ꞌo rehu tāꞌaku meꞌe kī atu: “ꞌIna e tahi tāvini ꞌata hau rō atu ki te kope haka aŋa i a ia”. Mo ai, paꞌi, i tute rō mai i a au mo tōtōā, he tute takoꞌa atu i a kōrua; ꞌe mo ai i haka roŋo rō ki tāꞌaku vānaŋa, he haka roŋo takoꞌa atu ki a kōrua.

Aŋa o te ꞌĀpōtoro 18:3

ꞌI te meꞌe era te aŋa ꞌa Pauro pa he aŋa ꞌā o rā nuꞌu, he aŋa karapā, he noho ꞌi muri mo aŋa ananake.

Aŋa o te ꞌĀpōtoro 20:34

A kōrua e ꞌite riva-riva rō ꞌana: hai rima mau nei ꞌā ōꞌoku e aŋa era mo ravaꞌa i te meꞌe mo mātou ko te nuꞌu o muri i a au.

Aŋa o te ꞌĀpōtoro 7:60

He tū-turi ia he ohu pūai: «¡E Ietū, ꞌina koe ko tapa atu i te hara nei o te nuꞌu nei!». I oti era te kī i te meꞌe nei, he mate.

Rōmano 12:14

E ani ki te ꞌAtua mo haꞌamaitai i te nuꞌu tōtōā atu i a kōrua; ꞌina ko ani mo haka ūtuꞌa i a rāua.

Rōmano 12:20

E kī takoꞌa rō ꞌana: «Mo maruaki o te nuꞌu taꞌe haŋa atu, e vaꞌai hai kai; ꞌe mo pohe ki te vai, e vaꞌai. Pē ira he haꞌamā a rāua».

Rōmano 8:35

I ai era pē ira, ¿he aha te meꞌe mo haka kore i te haŋa o Ietū Kiritō mai ruŋa i a tātou? ¿He mamae? ¿He ꞌati? ¿He tōtōā e te nuꞌu? ¿He maruaki? ¿He oŋe o te kahu? ¿He topa o te meꞌe rake-rake ꞌo he mate ꞌi te rima o te rua?

1 Kōrinto 9:6

¿Pē nei hō te kī o kōrua: ko māua ko Verenāvē mau nō te meꞌe mo taꞌe hāꞌūꞌū mai e te nūnaꞌa taŋata ⌊haka moe i te manaꞌu⌋ ꞌi ruŋa i a Ietū?

2 Kōrinto 11:8

Te parautiꞌa, i tano ai a au mo aŋa atu ki a kōrua taꞌe e ꞌauhau mai ꞌi te meꞌe era i haka maꞌu rō mai e te tētahi taina o te tētahi atu kona hai meꞌe tara mōꞌoku.

Ēfeto 4:28

Te toke-toke, ꞌina ko toke haka ꞌou. E aŋa mo ravaꞌa o tāꞌana meꞌe ꞌe mo hāꞌūꞌū ki te nuꞌu veve.

1 Tētārōnika 2:9

E te taina, ko ꞌite ꞌana a kōrua pē hē mātou e aŋa era, ka pō ka ꞌōtea, mo ravaꞌa moni mo te mātou meꞌe hape hora era o mātou ꞌi muri i a kōrua, ꞌo ai mātou he meꞌe paŋahaꞌa e tahi mo ꞌamo e kōrua.

2 Tētārōnika 3:8

ꞌe ꞌina mātou kai kai i te haraoa i taꞌe ꞌauhau e mātou. Te meꞌe nō, ka pō ka ꞌōtea e aŋa era mo ravaꞌa moni, ꞌo ai mātou he meꞌe paŋahaꞌa e tahi mo ꞌamo e kōrua,

1 Timoteo 4:10

Mo ira, e Timoteo ē, e aŋa ꞌe e haka ꞌuhu e oho nei a tātou ꞌi te aŋa o te ꞌAtua ora, ꞌo te ꞌite e tātou e haka tano tahi rō i tāꞌana meꞌe kī. ꞌĀꞌana, paꞌi, te haka eꞌa i te taŋata taꞌatoꞌa mai roto i te ūtuꞌa o te hara ꞌe te vaꞌai i te ora ꞌāpī ꞌina he hopeꞌa raꞌa ana haka moe i te manaꞌu ꞌi ruŋa i a Ietū.

1 Pētero 2:23

Hora vā-vā era i a ia, ꞌina he pāhono hai vānaŋa taꞌe tano, ꞌe hora tōtōā era, ꞌina kai kī i te vānaŋa mo haka riꞌa-riꞌa i te taŋata. Te meꞌe mau nō i aŋa he haka rē i a ia ki te rima o te ꞌAtua, kope ture hai tī-tika.

1 Pētero 3:14

ꞌE mo topa atu o te ꞌati ꞌi ruŋa i a kōrua, ka ai atu e aŋa ꞌana i te meꞌe tī-tika, he haꞌamaitai atu kōrua e te ꞌAtua. ꞌO ira, ꞌina ko riꞌa-riꞌa ꞌi te nuꞌu tōtōā atu.

1 Pētero 3:9

ꞌIna ko aŋa hai meꞌe rake-rake ki te nuꞌu aŋa atu i te meꞌe rake-rake, ꞌe ꞌina ko parauꞌino ki te nuꞌu parauꞌino atu. Te meꞌe o kōrua mo aŋa he ani ki te ꞌAtua mo haꞌamaitai i rā nuꞌu. Te ꞌAtua, paꞌi, i haꞌataꞌa ai i a kōrua māꞌana mo haꞌamaitai atu e ia.

1 Pētero 4:19

ꞌO ira, te nuꞌu ꞌamo i te ꞌati ꞌo te ai pē ira te ꞌAtua i haŋa ai, e aŋa e oho nō i te meꞌe riva-riva, ꞌe e vaꞌai i a rāua ki tōꞌona rima, kope ꞌāꞌana a rāua i aŋa, ꞌe kope ki te hora hopeꞌa e ko taꞌe aŋa i tāꞌana meꞌe kī.

Hura 1:9

Ka manaꞌu rā: hora tātake era o Mihaera, he merahi ra-rahi o te ꞌAtua, ararua ko Rukifero o ruŋa i te hakari o ⌊Mōtē⌋, ꞌina a Mihaera kai kī i te vānaŋa rake-rake mo Rukifero; i kī nō: «¡Mo te ꞌAtua koe e ture atu!».