1 Kōrinto 4:11 - Rapa Nui

¹¹ ꞌĀtā ki ꞌaŋarīnā e ŋaroꞌa rō ꞌana e mātou te maruaki ꞌe te pohe ki te vai. E kore rō ꞌana te mātou kahu mo uru, e tōtōā rō mai ꞌana e te nuꞌu, e kore rō ꞌā te mātou kona mo noho

1 Kōrinto 4:11 ပူးပေါင်းရင်းမြစ်များ

Māteo 8:20

He pāhono e Ietū: —Te kurī manu e ai rō ꞌana te karava mo noho, te manu he hakapupa, ꞌe te ⌊Poki o te taŋata⌋ ꞌina he kona mo noho.

Aŋa o te ꞌĀpōtoro 14:19

He tuꞌu ia te nuꞌu hūrio mai Antiokia o Pitiria ꞌe mai Īkōnio, ꞌe hai vānaŋa o rāua, i haka riri ai i te nuꞌu o ira mo kuā Pauro. ꞌO ira i tamaꞌi ai i a Pauro hai māꞌea ꞌe, ꞌi te manaꞌu ko mate ꞌā, he to-toi he oho ki haho o tū kona era ko Rītara.

Aŋa o te ꞌĀpōtoro 16:23

I oti era te tiŋaꞌi, he maꞌu he puru ꞌi roto i te hare maꞌuꞌaurī, ꞌe he kī ki te pūꞌoko o te hare maꞌuꞌaurī mo ꞌauario riva-riva.

Aŋa o te ꞌĀpōtoro 23:2

He kī ia e te ⌊oromatuꞌa hopeꞌa o te ra-rahi⌋ ko ꞌĀnānia ki te nuꞌu hāhine ki a Pauro mo haka eke hai rima ki te ŋutu.

Rōmano 8:35

I ai era pē ira, ¿he aha te meꞌe mo haka kore i te haŋa o Ietū Kiritō mai ruŋa i a tātou? ¿He mamae? ¿He ꞌati? ¿He tōtōā e te nuꞌu? ¿He maruaki? ¿He oŋe o te kahu? ¿He topa o te meꞌe rake-rake ꞌo he mate ꞌi te rima o te rua?

1 Kōrinto 9:4

Te ꞌāpōtoro e tano rō ꞌā mo no-noꞌi hai meꞌe mo kai ꞌe hai meꞌe mo unu,

2 Kōrinto 11:20

Mo tuꞌu atu, paꞌi, o te nuꞌu haꞌariro i a kōrua he ꞌekaravo o rāua, te nuꞌu toꞌo i te kōrua meꞌe, te nuꞌu reo-reo atu, te nuꞌu taꞌe haka au atu, ꞌe te nuꞌu vā-vā atu he haꞌaoromaꞌi e kōrua.

2 Kōrinto 4:8

He topa nō mai te ꞌati, ꞌe ꞌina a mātou he haka tapa i te mātou manaꞌu mai ruŋa i te ꞌAtua; e ai rō ꞌā te mahana e tuꞌu rō ꞌā pa he meꞌe ena ē: ꞌina he rāveꞌa toe mo eꞌa mai roto i te ꞌati, ꞌe ko te haka moe iŋa ꞌana te mātou manaꞌu ꞌi ruŋa i te ꞌAtua mo hāꞌūꞌū mai.

Fīripo 4:12

E ꞌite rō ꞌā a au pē hē te noho iŋa ꞌi roto i te oŋe ꞌe pē hē te noho iŋa ꞌi roto i te mau. ꞌE e ꞌite takoꞌa rō ꞌana a au mo koa ka ai atu e mākona rō ꞌā ꞌo e maruaki rō ꞌana, e ai rō ꞌā ꞌo e taꞌe ai rō ꞌā tāꞌaku meꞌe.

2 Timoteo 3:11

e tute mai era i a au mo tōtōā ꞌi te ŋā kona era ko Antiokia, ko Īkōnio ꞌe ko Rītara. ¡Meꞌe huru kē te rahi o te ꞌati a au i haꞌaoromaꞌi ai! ꞌE o te ꞌAtua au i hāꞌūꞌū mai mo eꞌa mai roto i rā ŋā ꞌati.