1 Kōrinto 4:1 - Rapa Nui

¹ E manaꞌu kōrua i a mātou i te nuꞌu haka ꞌite i te ⌊roŋo riva-riva o te ꞌAtua⌋ pa he tāvini nō o te ⌊Kiritō⌋ uŋa mo haka ꞌite i te meꞌe manaꞌu e te ꞌAtua mo aŋa taꞌe haka ꞌite mai ꞌi muꞌa ꞌā.

1 Kōrinto 4:1 ပူးပေါင်းရင်းမြစ်များ

Māteo 13:11

He pāhono e Ietū: «Ki a kōrua te ꞌAtua e haka ꞌite atu ena i te meꞌe taꞌe ꞌite e te taŋata o ruŋa o te haka tere iŋa ꞌāpī ꞌāꞌana, ꞌe ki a rāua ꞌina he haka ꞌite.

Māteo 24:45

»E ai kōrua pa he tāvini haꞌatura ꞌe haka roŋo, kope haka pūꞌoko e te taŋata haka aŋa i a ia mo tuhaꞌa i te kai ꞌi tōꞌona hora ki te tētahi tāvini o te hare.

Marko 4:11

He kī e Ietū: «Ki a kōrua te ꞌAtua e haka ꞌite ena i te meꞌe taꞌe ꞌite e te taŋata o ruŋa o tōꞌona haka tere iŋa ꞌāpī. ꞌE ki te nuꞌu taꞌe o roto i rā haka tere iŋa e vānaŋa ena hai ꞌaꞌamu haꞌaauraꞌa,

Ruka 1:2

meꞌe haka ꞌite mai e te nuꞌu he mataꞌite mai te haꞌamata iŋa o rā ŋā meꞌe. Ki a rāua i vaꞌai ai mo maꞌu i te aŋa nei he haka ꞌite i te ⌊roŋo riva-riva o te ꞌAtua⌋.

Ruka 12:42

He kī e Ietū: —E ai kōrua pa he tāvini haꞌatura ꞌe haka roŋo, haka pūꞌoko e te taŋata haka aŋa i a ia mo tuhaꞌa i te kai, ꞌi tōꞌona hora, ki te tētahi tāvini o te hare.

Ruka 8:10

He kī e Ietū: «Ki a kōrua te ꞌAtua e haka aŋi-aŋi atu ena i te meꞌe taꞌe ꞌite e te taŋata o ruŋa o tōꞌona haka tere iŋa ꞌāpī. ꞌE, ki te tētahi nuꞌu e vānaŋa nei hai ꞌaꞌamu haꞌaauraꞌa; pē ira ka ꞌata uꞌi atu, e ko takeꞌa, ꞌe ka ꞌata haka roŋo atu, e ko aŋi-aŋi.

Rōmano 11:25

E te taina ē, e haŋa rō ꞌana a au mo haka ꞌite atu i te meꞌe ꞌina kai ꞌite ꞌana e te taŋata o ruŋa i te hūrio, ꞌo manaꞌu rō kōrua i hau rō atu ꞌō kōrua ki a rāua. Tētahi o rāua ko hārui ꞌana hai tuaꞌivi i te ꞌAtua, ꞌe pē rā mau ꞌā ka oho ena ꞌātā ka haka moe tahi rō te manaꞌu ꞌi ruŋa i a Ietū te nuꞌu taꞌe he hūrio haꞌataꞌa e te ꞌAtua māꞌana.

Rōmano 16:25

Ki haꞌahana-hana tahi tātou ki te ꞌAtua. I a ia te pūai mo haka hio-hio i te kōrua manaꞌu ꞌi ruŋa i a ia hai roŋo haka ꞌite e au o ruŋa i a Ietū Kiritō, he parautiꞌa taꞌe haka ꞌite ꞌi muꞌa ꞌā o ruŋa i te meꞌe manaꞌu e ia mo aŋa

1 Kōrinto 2:7

Te meꞌe nei o mātou e vānaŋa nei: o ruŋa i te mārama-rama o te ꞌAtua taꞌe ꞌite e te taŋata: he meꞌe i manaꞌu e ia mo aŋa mo te tātou riva-riva pe muꞌa ka oho ena taꞌe haka ꞌite mai e ia ꞌi muꞌa ꞌā. Te meꞌe nei i manaꞌu ai mai te hora era kai aŋa ꞌā i te ao.

1 Kōrinto 3:5

Ka haka topa rā te kōrua manaꞌu. ¿Ko ai a Pauro ꞌe ko ai a ꞌĀporo? He tāvini nō o te ꞌAtua, ꞌe mai i a rāua a kōrua e haka moe ena i te manaꞌu ꞌi ruŋa i a Ietū. Te meꞌe aŋa nō o māua he meꞌe kī mai e te ꞌAtua.

1 Kōrinto 4:13

E reo-reo ena o ruŋa i a mātou, hai vānaŋa riva-riva e mātou e pāhono ena. ꞌE ꞌātā ki ꞌaŋarīnā, e haꞌariro ena i a mātou e te nuꞌu pa he iŋo-iŋo ꞌe pa he meꞌe hopeꞌa o te taꞌe hauhaꞌa.

1 Kōrinto 4:2

Ko ꞌite ꞌana e kōrua: te taŋata ki a ia e vaꞌai ena i te aŋa e haka tano tahi i te meꞌe kī mo aŋa.

2 Kōrinto 11:23

¿He tāvini a rāua o te Kiritō? ꞌAta hau rō atu tōꞌoku tāvini iŋa ki te Kiritō ki a rāua, ka ai atu ꞌi tōꞌoku kī i te meꞌe nei, e vānaŋa ꞌana a au pa he maꞌa-maꞌa. ꞌAta rahi rō atu tōꞌoku aŋa mōꞌona ki a rāua, ꞌata rahi rō atu tōꞌoku puru iŋa ꞌi roto i te hare maꞌuꞌaurī ꞌo te aŋa ki te Kiritō ki a rāua, ꞌata rahi rō atu te tiŋaꞌi iŋa mai i a au, ꞌe i rahi rō te mahana i oho rō a au mo mate.

2 Kōrinto 12:6

ꞌE, ka haŋa atu a au mo haka paka atu o ruŋa i rā meꞌe, e ko riro he meꞌe maꞌa-maꞌa e tahi ꞌi te meꞌe era e kī atu ꞌana a au i te parautiꞌa. ꞌE ꞌina a au he aŋa pē ira, ꞌo manaꞌu tāꞌue rō e te nuꞌu: te meꞌe haka nui-nui i a au he toꞌo iŋa o te Kiritō i a au ki te raŋi, ꞌe taꞌe ꞌō he noho iŋa tano ꞌe he hāpī iŋa parautiꞌa ōꞌoku, he meꞌe takeꞌa ꞌe ŋaroꞌa e rāua.

2 Kōrinto 4:5

ꞌIna a mātou he haka ꞌite he oho o ruŋa i a mātou. E haka ꞌite nei o ruŋa i a Ietū Kiritō, he Pūꞌoko Haka Tere o te taꞌatoꞌa. Te meꞌe mau nō haka ꞌite e mātou o ruŋa i a mātou: he tāvini mātou o te taꞌatoꞌa ꞌi te haŋa o mātou ki a Ietū.

2 Kōrinto 6:4

Hai meꞌe taꞌatoꞌa aŋa e mātou e takeꞌa ena he tāvini parautiꞌa mātou o te ꞌAtua. E haꞌaoromaꞌi rō ꞌana, paꞌi, mātou hai haumārū i te ꞌati, i te meꞌe kore,

Ēfeto 1:9

Ko haka ꞌite mai ꞌana, paꞌi, i tāꞌana meꞌe manaꞌu era mo aŋa taꞌe haka ꞌite era e ia ꞌi muꞌa ꞌā. ꞌE, ꞌi tōꞌona riva rahi, i manaꞌu ai mo aŋa i te meꞌe nei hai Ietū Kiritō

Ēfeto 6:19

E pure takoꞌa mōꞌoku, ki vaꞌai mai ai e te ꞌAtua i te vānaŋa tano mo kī ꞌi te hora ka vānaŋa era au o ruŋa i te roŋo riva-riva ꞌāꞌana, he parautiꞌa taꞌe haka ꞌite mai era ꞌi muꞌa ꞌā, ꞌe ki vaꞌai takoꞌa mai ai i te pūai ꞌo riꞌa-riꞌa a au ꞌi rā hora.

Kōrosa 2:2

Tāꞌaku meꞌe haŋa: he pūai o te kōrua manaꞌu ꞌi ruŋa i te ꞌAtua, he pūai he oho te kōrua haŋa ꞌi roto i a kōrua, mo ai e tahi mau nō manaꞌu, ꞌe he ŋaroꞌa e kōrua i te koa ꞌe i te ora o te nuꞌu aŋi-aŋi riva-riva o ruŋa i te parautiꞌa taꞌe haka ꞌite e te ꞌAtua ꞌi muꞌa ꞌā, ꞌe nei parautiꞌa ko Ietū Kiritō.

Kōrosa 4:3

ꞌe e pure takoꞌa mo mātou, ki mātaki ai e te ꞌAtua i te ara mo haka ꞌite mo oho mātou i tāꞌana roŋo, ꞌe mo haka aŋi-aŋi i te parautiꞌa o ruŋa i a Ietū taꞌe haka ꞌite mai era e ia ꞌi muꞌa ꞌā. ꞌO te haka ꞌite ōꞌoku o ruŋa i te meꞌe nei a au e puru atu ena ꞌi roto i te hare maꞌuꞌaurī.

1 Timoteo 3:16

He meꞌe nui-nui mau ꞌana te parautiꞌa haka ꞌite mai era e te ꞌAtua pē nei ē: Te Kiritō i tuꞌu mai ai pa he taŋata, i haka ꞌite rō mai e te ⌊Vārua Maitai⌋ he Poki o te ꞌAtua, ꞌe he merahi te mataꞌite. Te roŋo riva-riva o ruŋa i a ia i haka ꞌite rō ki te hau taꞌatoꞌa, i haka moe rō te manaꞌu o te taŋata ꞌi ruŋa i a ia, ꞌe i toꞌo rō e te ꞌAtua ki muri i a ia.

1 Timoteo 3:6

ꞌO ira, te taŋata mo pūꞌoko haka tere ꞌina ko ai e haka moe iho ꞌana i te manaꞌu ꞌi ruŋa i a Ietū, ꞌo haka paka rō ꞌe he topa ꞌi ruŋa i a ia te ūtuꞌa vaꞌai era ki a Rukifero.

1 Timoteo 3:9

Te nuꞌu nei e haka hio-hio i te rāua manaꞌu ki te roŋo parautiꞌa o te ꞌAtua haka ꞌite mai era e ia, ꞌe e ai e maꞌitaki rō ꞌā te rāua māhatu.

Tito 1:7

Te pūꞌoko haka tere, paꞌi, o te nūnaꞌa taŋata haka moe i te manaꞌu ꞌi ruŋa i a Ietū e aŋa ꞌā i te aŋa o te ꞌAtua. ꞌO ira ꞌina ko ai te hape. ꞌIna ko ai he kope pūꞌoko hio-hio, riri-riri tahaŋa, taꞌero ꞌava, rava moto, ꞌe nou-nou moni.

1 Pētero 4:10

Hai meꞌe vaꞌai atu e te ꞌAtua mo aŋa i tāꞌana aŋa, e hāꞌūꞌū ki te rua, pa he nuꞌu ꞌite i te haka tere riva-riva i te rauhuru meꞌe vaꞌai e ia.