1 Kōrinto 3:9 - Rapa Nui

⁹ He tāvini nō māua o te ꞌAtua, ꞌe a kōrua pa he ꞌāua ꞌoka kai ꞌi ira a māua e aŋa ena, ꞌe, takoꞌa, pa he hare aŋa e te ꞌAtua mōꞌona.

1 Kōrinto 3:9 ပူးပေါင်းရင်းမြစ်များ

Māteo 15:13

He kī e Ietū: —Te tumu taꞌe ꞌoka e tōꞌoku Matuꞌa mai tōꞌona aka ka oꞌi era.

Māteo 16:18

ꞌĪ a au he kī atu: a koe ko Pētero, te haꞌaauraꞌa: «he māꞌea»; ꞌe pa he māꞌea hai ia e haꞌamata e titi ena i te hare, hai koe a au ka haꞌamata ka haka rahi ena i te nuꞌu ⌊haka moe i te manaꞌu⌋ ꞌi ruŋa i a au, ꞌe ꞌina e ko ai ꞌi ruŋa i a rāua te pūai o te mate.

Māteo 9:37

He kī ia ki tāꞌana nuꞌu hāpī: «Te parautiꞌa, nuꞌu rahi te nuꞌu mo toꞌo mo roto i te haka tere iŋa ꞌāpī o te ꞌAtua, pa he kato iŋa o te kai, ꞌe nuꞌu taꞌe rahi te nuꞌu o rāua te kato.

Marko 16:20

ꞌE tū nuꞌu hāpī era ꞌa Ietū he eꞌa he haka ꞌite he oho a te kona taꞌatoꞌa i te roŋo riva-riva o te ꞌAtua, ꞌe ꞌa Ietū te hāꞌūꞌū i rā nuꞌu. ꞌE hai mana aŋa e rā nuꞌu hai ia e takeꞌa era e te taŋata: te roŋo haka ꞌite oho e rāua he parautiꞌa.]

Aŋa o te ꞌĀpōtoro 4:11

»A Ietū ko te māꞌea taꞌe haŋa era e kōrua e te nuꞌu aŋa hare, ꞌe, hora nei, ko riro ꞌana he māꞌea matuꞌa haka noho i te hare.

1 Kōrinto 3:16

¿ꞌIna hō kōrua he ꞌite: pa he ⌊Kona Haꞌamuri ꞌAtua⌋ ꞌā a kōrua, ꞌi te meꞌe era ꞌi roto i a kōrua e noho ena te Vārua Maitai?

1 Kōrinto 3:6

A au pa he kope pī i te karu ꞌe a ꞌĀporo pa he kope pī-pī vai, ꞌe o te ꞌAtua te haka tupu ꞌe te haka nui-nui.

1 Kōrinto 6:19

ꞌIna ko rehu, te tātou hakari pa he Kona Haꞌamuri o te Vārua Maitai vaꞌai mai e te ꞌAtua, ꞌe ꞌi roto e noho ena a ia. A tātou taꞌe o tātou ꞌā, o te ꞌAtua.

2 Kōrinto 6:1

Hora nei, pa he nuꞌu hokorua mātou ꞌi te aŋa o te ꞌAtua, he ani atu: ꞌina kōrua ko haka māuꞌa i te riva rahi o te ꞌAtua vaꞌai atu era e ia.

2 Kōrinto 6:16

ꞌE te ꞌītoro, ¿e tano mau rō ꞌi te kona haꞌamuri ꞌAtua? E kī atu ena a au i te meꞌe nei ꞌo te ai a tātou pa he kona haꞌamuri ꞌAtua. ꞌI ruŋa i te Pāpaꞌi Moꞌa e kī ena, paꞌi, e te ꞌAtua: «Ka noho nei a au ꞌi roto i a rāua, a au mo ꞌAtua o rāua, ꞌe a rāua mo taŋata ꞌāꞌaku».

Ēfeto 2:10

Ko haka ꞌāpī ꞌana te ꞌAtua i te tātou noho iŋa ꞌo te ai o tātou ꞌa Ietū Kiritō, ki aŋa ai a tātou i te meꞌe riva-riva, ꞌe ki haka tano ai i te meꞌe manaꞌu e ia ꞌi muꞌa ꞌā mo aŋa e tātou.

Kōrosa 2:7

Pa he meꞌe hāpī atu ki a kōrua, e ꞌata hāpī e oho kōrua o ruŋa i a Ietū koia ko haꞌatura ki a ia, mo ꞌata hio-hio o te kōrua manaꞌu ꞌi ruŋa i a ia, pa he hio-hio iŋa ena o te tumu ꞌi te aka e nui-nui e oho ena a raro. ꞌE e māuru-uru e oho kōrua ki te ꞌAtua ꞌi tōꞌona riva rahi mo kōrua.

ꞌEvereo 3:6

Pē ira ꞌā te ⌊Kiritō⌋, ꞌina e ko taꞌe aŋa i te meꞌe taꞌatoꞌa kī e te ꞌAtua mo aŋa. Te meꞌe topa kē ōꞌona, a ia he Poki o te ꞌAtua, ꞌe pa he Poki o te ꞌAtua e haka tere ꞌe e hāpaꞌo ena i te nuꞌu taꞌatoꞌa o te ꞌAtua, ꞌe rā nuꞌu ko tātou ana maꞌu hio-hio ana oho nō tātou i te manaꞌu ꞌi ruŋa i a ia, ꞌe ana tiaki hai koa i te meꞌe taꞌatoꞌa hōrea mai e ia.

1 Pētero 2:5

A kōrua takoꞌa pa he māꞌea ora, ꞌe te ꞌAtua, hai ŋā māꞌea ora ena ko kōrua, e aŋa mai ena i te kona mo haꞌamuri ki a ia. ꞌI roto a kōrua pa he ⌊oromatuꞌa⌋ haꞌataꞌa e ia māꞌana tūtia ki a ia i te meꞌe riva-riva haka poreko e te Vārua Maitai ꞌi roto i a kōrua, he tūtia koa ꞌāꞌana ꞌo te ai o kōrua ꞌa Ietū Kiritō.

3 Iovani 1:8

ꞌO ira, e hāꞌūꞌū e tātou, ki ai ai a tātou ananake ꞌi te haka ꞌite iŋa o rāua i te hāpī parautiꞌa o te ꞌAtua.