1 Kōrinto 3:8 - Rapa Nui

⁸ Te kope pī i te karu ꞌe te kope pī-pī hai vai ko tū tōroꞌa ꞌā, ꞌe mo te ꞌAtua e ꞌauhau i te rāua aŋa.

1 Kōrinto 3:8 ပူးပေါင်းရင်းမြစ်များ

Māteo 16:27

Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Ruka 19:19

He kī takoꞌa ki tū rua tāvini era: “He haka suerekao koe e au o te kona e rima”.

Rōmano 2:6

Te ꞌAtua e vaꞌai rō ki te taꞌatoꞌa i te meꞌe e tano ki te rāua meꞌe aŋa.

1 Kōrinto 15:58

Te meꞌe haŋa ia, e te taina haŋa rahi ōꞌoku ē: he haka hio-hio he oho te kōrua manaꞌu ꞌi ruŋa i a Ietū, ꞌo haka tapa kōrua mai te hāpī parautiꞌa o te ꞌAtua. ꞌE, ka aŋa ka oho nō i te aŋa haŋa o te ꞌAtua mo aŋa e kōrua. E ꞌite rō ꞌana, paꞌi, e kōrua: te aŋa ki a ia e ko taꞌe hauhaꞌa.

1 Kōrinto 3:14

Mo taꞌe vera o rā meꞌe aŋa era, he vaꞌai e te ꞌAtua hai meꞌe mo koa.

1 Kōrinto 3:7

ꞌO ira, taꞌe ki te ŋā kope era o rāua i pī ꞌe pī-pī hai vai ana haꞌahana-hana, ki te ꞌAtua, kope era ꞌāꞌana i haka tupu ꞌe i haka nui-nui i rā meꞌe ꞌoka era.

1 Kōrinto 3:9

He tāvini nō māua o te ꞌAtua, ꞌe a kōrua pa he ꞌāua ꞌoka kai ꞌi ira a māua e aŋa ena, ꞌe, takoꞌa, pa he hare aŋa e te ꞌAtua mōꞌona.

1 Kōrinto 4:15

Ka rahi atu te nuꞌu hāpaꞌo ꞌe hāpī i a kōrua pa he ⌊kiritiano⌋, e tahi mau nō kope pa he matuꞌa tane o kōrua ko au. ꞌĀꞌaku, paꞌi, i haka ꞌite raꞌe atu i te ⌊roŋo riva-riva o ruŋa i a Ietū Kiritō⌋, ꞌe i kī atu mo ⌊haka moe i te manaꞌu⌋ ꞌi ruŋa i a ia mo ai o kōrua ꞌāꞌana.

1 Kōrinto 9:7

¿Ko ai hō te kope aŋa pa he vaꞌehau ꞌauhau i a ia ꞌā? ¿Ko ai te kope ꞌoka vino taꞌe kai i tāꞌana vino ꞌoka? ꞌE ¿ko ai te kope hāpaꞌo vato-vato taꞌe unu i te ū o tāꞌana vato-vato ana tatau?

Karatia 6:4

Mo tātou mau ꞌā, hoko tahi hoko tahi, e uꞌi hoki e riva-riva rō ꞌā te tātou haka tere iŋa, ꞌe, mo ai pē ira, e koa tātou. ꞌIna e tahi o tātou mo manaꞌu e haka tano ꞌō te tātou haka tere iŋa ki te haka tere haŋa o te rua ana koa iho o tātou.

Karatia 6:5

Taꞌatoꞌa nō, paꞌi, ko ꞌite ꞌana he aha te meꞌe tano ꞌe te meꞌe taꞌe tano ki te mata o te ꞌAtua.

ꞌEvereo 6:10

Te ꞌAtua, paꞌi, ꞌAtua aŋa i te meꞌe tano. ꞌIna he rehu i a ia te kōrua meꞌe riva-riva aŋa ꞌe te haŋa ena o kōrua mo tōꞌona taŋata. Te haŋa ena o kōrua e takeꞌa ena hai hāꞌūꞌū ki a rāua, he meꞌe o kōrua e aŋa mai ena.

1 Pētero 5:4

Pē ira, ꞌi te hora o te tuꞌu iŋa haka ꞌou mai o te Pūꞌoko Haka Tere o te ŋāŋata hāpaꞌo māmoe taꞌatoꞌa, he haka hei atu i a kōrua hai meꞌe ꞌina e ko ŋaro ki te hora hopeꞌa, ko te meꞌe ena: he noho mau rō ꞌai kōrua ꞌi muri i a ia ꞌi roto i tōꞌona nui-nui ꞌana-ꞌana.

2 Iovani 1:8

ꞌIna ko haka roŋo, ꞌo ŋaro rō i a kōrua te meꞌe taꞌatoꞌa riva-riva aŋa e tātou, ꞌo taꞌe ravaꞌa e kōrua i te meꞌe hōrea mai era e te ꞌAtua.

Meꞌe Haka Takeꞌa 22:12

He kī haka ꞌou ia e Ietū: «He aŋi ꞌā, e ko roa hia au ka tuꞌu atu ena. E maꞌu rō atu a au i te meꞌe mo vaꞌai mo haka koa o te nuꞌu, tano ki te rāua meꞌe i aŋa.