1 Kōrinto 3:6 - Rapa Nui

⁶ A au pa he kope pī i te karu ꞌe a ꞌĀporo pa he kope pī-pī vai, ꞌe o te ꞌAtua te haka tupu ꞌe te haka nui-nui.

1 Kōrinto 3:6 ပူးပေါင်းရင်းမြစ်များ

Aŋa o te ꞌĀpōtoro 11:18

I ŋaroꞌa era e te taina taꞌatoꞌa o Hērutarema i te ŋā meꞌe nei, ꞌina kai ai haka ꞌou te vānaŋa mo kī ꞌe he haꞌamata he haka nui-nui i te ꞌAtua e kī era: «¡Ko te riva i te ꞌAtua i vaꞌai takoꞌa ai ki te nuꞌu taꞌe he hūrio i te rāveꞌa mo huri o te manaꞌu ki a ia ꞌe mo ravaꞌa e rāua i te ora ꞌāpī ꞌina he hopeꞌa raꞌa!».

Aŋa o te ꞌĀpōtoro 14:27

I tuꞌu era a Pauro ararua ko Verenāvē ki Antiokia, he haka taka-taka i te nuꞌu haka moe i te manaꞌu ꞌi ruŋa i a Ietū ꞌe he ꞌaꞌamu i tū meꞌe taꞌatoꞌa aŋa era e te ꞌAtua hai rāua, ꞌe pē hē te ꞌAtua i mātaki ai i te ꞌōpani mo haka moe takoꞌa o te nuꞌu taꞌe he hūrio i te rāua manaꞌu ꞌi ruŋa i a Ietū.

Aŋa o te ꞌĀpōtoro 16:14

E tahi o rā ŋā viꞌe te ꞌīŋoa ko Riria o te kona ko Tiatira; tāꞌana aŋa he hoꞌo kahu hopeꞌa o te riva-riva kōrore moana ꞌapa mea. Te viꞌe nei viꞌe haꞌamuri ki te ꞌAtua. E haka roŋo nō ꞌā rā viꞌe ki a Pauro, i haka māꞌeha ai e te ꞌAtua i tōꞌona manaꞌu mo aŋi-aŋi i te auraꞌa o rā vānaŋa ꞌe mo haka moe i te manaꞌu ꞌi ruŋa i a Ietū.

Aŋa o te ꞌĀpōtoro 18:24

ꞌI rā ŋā mahana, he tuꞌu ki Ēfeto te taŋata hūrio e tahi te ꞌīŋoa ko ꞌĀporo o te kona ko Arehantāria. Te taŋata nei ko ꞌite riva-riva ꞌā mo vānaŋa ꞌe ko ꞌite riva-riva ꞌana i te meꞌe o ruŋa ꞌi te ⌊Pāpaꞌi Moꞌa⌋.

Aŋa o te ꞌĀpōtoro 19:1

ꞌI te hora o ꞌĀporo ꞌi Kōrinto ꞌā, he kona o Ākāia, ꞌai a Pauro e oho era a te kona maꞌuŋa ꞌātā ka tuꞌu rō ki Ēfeto. ꞌI ira i piri ai ki te tētahi nuꞌu ⌊haka moe i te manaꞌu⌋ ꞌi ruŋa i te ꞌAtua.

Aŋa o te ꞌĀpōtoro 21:19

I piri era a mātou ki rā nuꞌu, he ꞌaroha e Pauro, ꞌe he ꞌaꞌamu i te meꞌe taꞌatoꞌa aŋa e te ꞌAtua hai ia ki te nuꞌu taꞌe he hūrio.

Rōmano 15:18

Ka ai atu pē ira, tāꞌaku meꞌe nō mo ꞌaꞌamu atu he meꞌe i aŋa e te ⌊Kiritō⌋ mo haꞌatura o te nuꞌu taꞌe he hūrio ki te ꞌAtua hai meꞌe kī ꞌe aŋa e au,

1 Kōrinto 1:12

E ai rō ꞌā te nuꞌu o kōrua kī: «A au ꞌa Pauro»; ꞌe tētahi te kī: «A au ꞌa ꞌĀporo»; tētahi atu: «A au ꞌa Tefa»; ꞌe tētahi haka ꞌou atu te kī: «A au o te ⌊Kiritō⌋».

1 Kōrinto 1:30

Hai ia, paꞌi, e ai nei tātou ꞌa Ietū Kiritō. ꞌE hai Ietū Kiritō e haka tere nei a tātou hai manaꞌu ꞌAtua ꞌe e tano nei ki tōꞌona mata. Hai ia takoꞌa e ai nei tātou he nuꞌu haꞌataꞌa māꞌana ꞌina e tahi hara ꞌe he nuꞌu eꞌa mai roto i te pūai o te hara.

1 Kōrinto 3:22

a Pauro, a ꞌĀporo, a Tefa, te ao, te ora, te mate, te hora nei, pe muꞌa ka oho ena; taꞌatoꞌa meꞌe o kōrua,

1 Kōrinto 3:7

ꞌO ira, taꞌe ki te ŋā kope era o rāua i pī ꞌe pī-pī hai vai ana haꞌahana-hana, ki te ꞌAtua, kope era ꞌāꞌana i haka tupu ꞌe i haka nui-nui i rā meꞌe ꞌoka era.

1 Kōrinto 9:1

Taꞌe a au he ꞌekaravo o te manaꞌu taŋata. A au he ꞌāpōtoro. Ko takeꞌa ꞌana, paꞌi, e au i a Ietū, Pūꞌoko Haka Tere o tātou, ꞌe hai aŋa nei i haka moe ai kōrua i te manaꞌu ꞌi ruŋa i a Ietū.

Ēfeto 3:17

He ani takoꞌa a au mo noho mo oho nō atu a Ietū Kiritō ꞌi roto i a kōrua hai haka moe i te manaꞌu ꞌi ruŋa i a ia, ꞌe mo haka pūai mo oho nō i te kōrua haŋa ki a ia ꞌe ki te rua.

1 Tētārōnika 1:5

I haka ꞌite atu era, paꞌi, mātou i te ⌊roŋo riva-riva o ruŋa i a Ietū Kiritō⌋, he haka moe rō ꞌai kōrua i te manaꞌu ꞌi ruŋa i a ia, ꞌe taꞌe nō ꞌo te ŋaroꞌa e kōrua i te mātou vānaŋa, ꞌo te takeꞌa takoꞌa, hai meꞌe aŋa e mātou hai pūai o te ⌊Vārua Maitai⌋, te pūai o te ꞌAtua ꞌi ruŋa i a mātou, ꞌe ꞌo te ꞌite e kōrua: mo mātou te meꞌe vānaŋa atu era he parautiꞌa mau ꞌā, he takeꞌa e kōrua pē hē mātou e noho era ꞌi roto i a kōrua mo hāꞌūꞌū atu.