1 Kōrinto 3:13 - Rapa Nui

¹³ Te huru o te aŋa o te taꞌatoꞌa ka takeꞌa riva-riva ena ꞌi te mahana o te ture hopeꞌa, mahana ka uꞌi era e Ietū hai ahi hoki i aŋa riva-riva rō ꞌo ꞌina.

1 Kōrinto 3:13 ပူးပေါင်းရင်းမြစ်များ

Māteo 10:15

ꞌĪ a au he kī atu: ꞌi te mahana o te ture hopeꞌa, te ūtuꞌa mo te nuꞌu o rā kona ꞌata hau rō atu ki te ūtuꞌa topa ꞌi ruŋa i te nuꞌu hara o ⌊Tōroma⌋ ꞌe o ⌊Kōmora⌋.

Māteo 16:27

Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Ruka 2:35

Pē ira ka takeꞌa ena i te huru mau o te manaꞌu o te taŋata. ꞌE te meꞌe taꞌatoꞌa nei, e Māria ē, ka ai ena mōꞌou pa he mamae ena ꞌā o te hoe ꞌo-ꞌoka i tuꞌu māhatu».

Rōmano 2:16

ꞌi te mahana ture e te ꞌAtua hai Ietū Kiritō i te taꞌatoꞌa meꞌe aŋa ꞌe manaꞌu e te taŋata, ꞌātā i te meꞌe taꞌe ꞌite e te rua. He meꞌe nei te meꞌe haka ꞌite ꞌi ruŋa i te ⌊roŋo riva-riva o te ꞌAtua⌋ hāpī e au.

Rōmano 2:5

ꞌE, ꞌi tuꞌu pūꞌoko hio-hio, ꞌina koe he huri i tuꞌu manaꞌu ki te ꞌAtua. Nā koe e haꞌaputu e oho ꞌana i te riri o te ꞌAtua mōꞌou mo te mahana o te haka ūtuꞌa, he mahana mo tuꞌu mai ōꞌona mo kī i te ūtuꞌa tano mo te taŋata hara taꞌatoꞌa.

1 Kōrinto 1:8

Mo te ꞌAtua e haka pūai i te kōrua haka moe iŋa i te manaꞌu ꞌi ruŋa i a Ietū ꞌātā ki te hopeꞌa, ꞌo ai te hape mo tuhi iŋa atu ꞌi te hora o tōꞌona hoki iŋa mai.

1 Kōrinto 3:12

ꞌI ruŋa i te mekerā nei te hare ana haka tuꞌu hai meꞌe hio-hio pa he piru, pa he parata, pa he māꞌea hopeꞌa ena o te nehe-nehe ꞌe o te hauhaꞌa, ꞌe taꞌe ꞌō hai meꞌe e vera nō pa he miro, pa he mauku, ꞌe pa he ꞌohe.

1 Kōrinto 4:5

ꞌO ira, e haka kore te kōrua kī i te tano ꞌe i te taꞌe tano o te meꞌe aŋa e te rua. Ki tiaki tātou ki te hoki iŋa mai o te Kiritō. Māꞌana e haka ꞌite mai i te manaꞌu o te taŋata taꞌe ꞌite e te rua ꞌe he haka aŋi-aŋi mai he aha i manaꞌu ai pē ira. ꞌI rā hora e ture rō ꞌe e haꞌahana-hana rō e te ꞌAtua i te taꞌatoꞌa tano ki te rāua meꞌe i aŋa.

2 Timoteo 1:12

ꞌO ira te ꞌati e topa mai nei ki a au. Ka ai atu pē ira, ꞌina a au he riꞌa-riꞌa. Ko ꞌite ꞌana, paꞌi, e au ꞌi ruŋa i a ai a au e haka noho nei i tōꞌoku manaꞌu, ꞌe ko aŋi-aŋi riva-riva ꞌana e au e ai rō ꞌana tōꞌona pūai mo hāpaꞌo ꞌe mo hāꞌūꞌū mai i te aŋa vaꞌai mai e ia ꞌātā ki te mahana o tōꞌona hoki iŋa mai.

2 Timoteo 1:18

ꞌO ira a au e pure nei mo haka ꞌaroha o te ꞌAtua i a ia ꞌi te mahana o te ture hopeꞌa. Ko ꞌite riva-riva ꞌana, hoꞌi, koe, e Timoteo ē, pē hē a ia i hāꞌūꞌū mai ai ꞌi Ēfeto.

2 Timoteo 3:9

Te nuꞌu nei e ko ravaꞌa mo haka roŋo mo oho nō e te nuꞌu ki a rāua ka ꞌite rō ena e te taꞌatoꞌa pē nei ē: he nuꞌu maꞌa-maꞌa. He meꞌe nei te meꞌe i topa takoꞌa ki a Hane ararua ko Hampere.

2 Timoteo 4:8

Te meꞌe toe nō he vaꞌai mai i tōꞌoku hei, hei vaꞌai ki te nuꞌu aŋa i te meꞌe tī-tika ki te mata o te ꞌAtua ka vaꞌai mai ena ꞌi te mahana o te ture hopeꞌa e Ietū Kiritō, kope ture hai parautiꞌa i te hape o te taŋata. ꞌE taꞌe ki a au nō ka vaꞌai mai ena, ki te nuꞌu taꞌatoꞌa tiaki hai māhatu ki tōꞌona hoki iŋa mai.

ꞌEvereo 10:25

ꞌIna ko taꞌe haka taka-taka tātou mo haꞌamuri ki te ꞌAtua, pa he tētahi nuꞌu. Te meꞌe o tātou mo aŋa he ꞌata haka hio-hio i te manaꞌu o te tātou taina ꞌi te ŋā hora nei; ko ꞌite ꞌana, paꞌi, a tātou ko hāhine mai ꞌā te hoki iŋa mai o te tātou Pūꞌoko Haka Tere ko Ietū Kiritō.

1 Pētero 1:7

Te ꞌAtua, paꞌi, e haꞌatiꞌa rō ꞌā mo topa mai o te ꞌati mo ꞌite hoki te haka moe iŋa nei o tātou i te manaꞌu ꞌi ruŋa i a Ietū e hio-hio rō ꞌā ꞌo ꞌina, pa he piru e tunu ena ꞌi roto i te ahi. ꞌE mo te ꞌAtua te haka moe iŋa o tātou i te manaꞌu ꞌi ruŋa i a Ietū i hau rō atu i te hauhaꞌa ki te piru, he meꞌe e ŋaro nō. Mo hio-hio mo oho nō o te tātou manaꞌu ꞌi ruŋa i a Ietū ka ai atu e rahi rō ꞌā te ꞌati topa mai, ꞌi te hora o te hoki iŋa mai o Ietū Kiritō, he koa te ꞌAtua ꞌe he haka paka he haka nui-nui i a tātou.

1 Pētero 4:12

E te taina haŋa rahi ē, ꞌina kōrua ko māere ꞌo te ai ko topa atu ꞌana te ꞌati ꞌi ruŋa i a kōrua, pa he haka ꞌatu iŋa ena i te piru hai ahi, ꞌe ꞌina ko manaꞌu he meꞌe huru kē e tahi.

2 Pētero 3:10

Ka ai atu pē ira, te mahana o te hoki iŋa mai o te tātou Pūꞌoko Haka Tere ko Ietū Kiritō pa he toke-toke ꞌā ka tuꞌu mai ena. E ŋaroꞌa rō i te heruru taparahi-taꞌata, ꞌe e ŋaro rō te raŋi. ꞌE te raꞌā, te hetuꞌu, te māhina, ꞌe te henua koia ko te meꞌe taꞌatoꞌa o ruŋa he vera tahi ꞌi te ahi.

2 Pētero 3:7

Te raŋi ꞌe te henua o te hora nei ko haka rē ꞌā e te ꞌAtua mo tutu hai ahi. ꞌI te mahana era o te ture hopeꞌa ꞌe o te haka ūtuꞌa i te nuꞌu aŋa i te meꞌe taꞌe tano ka tutu ena hai nei ahi.

Meꞌe Haka Takeꞌa 20:12

He uꞌi atu ia a au i te nuꞌu mate, ka hōnui ꞌe ka taꞌe hōnui, e māroa rō ꞌana ꞌi muꞌa o tū pepe noho ꞌariki era. I oho era he mātaki-taki i te puka ꞌe i te puka takoꞌa era ꞌi ruŋa e pāpaꞌi rō ꞌā te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa. He ture ia i te nuꞌu mate tano ki te rāua meꞌe i aŋa pāpaꞌi ꞌi ruŋa i rā ŋā puka.