1 Kōrinto 3:12 - Rapa Nui

¹² ꞌI ruŋa i te mekerā nei te hare ana haka tuꞌu hai meꞌe hio-hio pa he piru, pa he parata, pa he māꞌea hopeꞌa ena o te nehe-nehe ꞌe o te hauhaꞌa, ꞌe taꞌe ꞌō hai meꞌe e vera nō pa he miro, pa he mauku, ꞌe pa he ꞌohe.

1 Kōrinto 3:12 ပူးပေါင်းရင်းမြစ်များ

Aŋa o te ꞌĀpōtoro 20:30

Mai roto i a kōrua mau ꞌā ka eꞌa takoꞌa mai ena tētahi nuꞌu he hāpī i te meꞌe reo-reo, mo oho o te nuꞌu haka moe i te manaꞌu ꞌi ruŋa i a Ietū ꞌi muri i a rāua.

Rōmano 16:17

E te taina, e uꞌi e haka tapa mai muri i te nuꞌu haka huri i te manaꞌu hai hāpī taꞌe parautiꞌa, ꞌo taꞌe ai e tahi mau nō kōrua manaꞌu o ruŋa i te hāpī parautiꞌa haka ꞌite atu era, ꞌo haka tapa kōrua mai te ara parautiꞌa o te ꞌAtua.

1 Kōrinto 3:11

Te hare aŋa e te ꞌAtua e tahi mau nō mekerā ꞌi ruŋa e haka tuꞌu ena te hare, ko Ietū Kiritō, ꞌe ꞌina e tahi kope mo mono i te mekerā nei.

1 Kōrinto 3:13

Te huru o te aŋa o te taꞌatoꞌa ka takeꞌa riva-riva ena ꞌi te mahana o te ture hopeꞌa, mahana ka uꞌi era e Ietū hai ahi hoki i aŋa riva-riva rō ꞌo ꞌina.

2 Kōrinto 2:17

ꞌIna a mātou he haka ꞌite i te ⌊roŋo riva-riva o te ꞌAtua⌋ mo ravaꞌa moni, pa he meꞌe aŋa e te tētahi. Te mātou meꞌe aŋa he vānaŋa hai parautiꞌa, pa he tāvini o te ꞌAtua ꞌo te ai o mātou o te Kiritō, ꞌe he ꞌAtua te mātou mataꞌite.

2 Kōrinto 4:2

A mātou e hārui rō ꞌana hai tuaꞌivi i te meꞌe taꞌe tano taꞌatoꞌa aŋa e te taŋata e naꞌa rō ꞌana ꞌo haꞌamā, ꞌe, takoꞌa, ꞌina a mātou he reo-reo ꞌe he huri i te vānaŋa o te ꞌAtua. Te ꞌAtua ko ꞌite ꞌana he parautiꞌa mau nō te meꞌe haka ꞌite e mātou o ruŋa i a ia, ꞌe taꞌatoꞌa taŋata manaꞌu riva-riva e ꞌite takoꞌa rō ꞌā: te mātou meꞌe kī he parautiꞌa.

Kōrosa 2:8

E uꞌi kōrua e te nuꞌu ꞌo reo-reo atu hai hāpī taꞌe parautiꞌa, he haka tere iŋa poreko mai te manaꞌu taŋata nō, ꞌo he meꞌe haka manaꞌu e te tātane haka tere i te ao nei. Te hāpī nei taꞌe ꞌa Ietū Kiritō.

1 Timoteo 6:3

Mo hāpī o te kope e tahi i te meꞌe kē ꞌe ꞌina he haŋa ki te hāpī parautiꞌa o te tātou Pūꞌoko Haka Tere ko Ietū Kiritō ꞌe ki te hāpī maꞌu e tātou,

2 Timoteo 2:20

ꞌI roto i te hare o te ꞌono, taꞌe nō he meꞌe aŋa hai piru ꞌe hai parata te meꞌe o roto. E ai takoꞌa rō ꞌana te meꞌe aŋa hai miro ꞌe hai ꞌōꞌone. Te ŋā meꞌe riva-riva era he haꞌataꞌa mo te mahana ŋoŋoro, ꞌe te tētahi meꞌe era mo te mahana taꞌe ŋoŋoro.

2 Timoteo 3:13

ꞌE te ŋāŋata aŋa i te meꞌe taꞌe tano ꞌe te nuꞌu haka tuꞌu i a rāua pa he nuꞌu haka moe i te manaꞌu ꞌi ruŋa i a Ietū pe te ꞌata taꞌe riva-riva ka oho ena; te aŋa he reo-reo he oho nō ki te taŋata ꞌe, ꞌina he aŋi-aŋi, e reo-reo takoꞌa rō ꞌana ki a rāua.

2 Timoteo 3:7

He haka roŋo nō te aŋa o te ŋā viꞌe nei ki nuꞌu era ki nuꞌu era, ꞌe ꞌina he aŋi-aŋi, ki te hora hopeꞌa, ꞌi hē mau te hāpī parautiꞌa o te ꞌAtua.

2 Timoteo 4:3

Nā e tuꞌu rō te mahana e ko haŋa haka ꞌou te taŋata ki te hāpī parautiꞌa. Te meꞌe ka aŋa era he kimi i te maꞌori hāpī i te meꞌe haŋa nō o rāua mo haka roŋo,

ꞌEvereo 13:9

ꞌO ira, ꞌina ko haka roŋo ꞌe ꞌina ko maꞌu i te hāpī kē, taꞌe he hāpī parautiꞌa haka ꞌite atu era. E haka pūai e oho te tātou māhatu hai riva rahi o te ꞌAtua, ꞌe taꞌe ꞌō hai haꞌatura o tātou ki te ⌊haka tere iŋa era ꞌa Mōtē⌋ o ruŋa i te kai, he meꞌe ꞌina e tahi hauhaꞌa mo te nuꞌu maꞌu i rā haka tere iŋa.

1 Pētero 1:7

Te ꞌAtua, paꞌi, e haꞌatiꞌa rō ꞌā mo topa mai o te ꞌati mo ꞌite hoki te haka moe iŋa nei o tātou i te manaꞌu ꞌi ruŋa i a Ietū e hio-hio rō ꞌā ꞌo ꞌina, pa he piru e tunu ena ꞌi roto i te ahi. ꞌE mo te ꞌAtua te haka moe iŋa o tātou i te manaꞌu ꞌi ruŋa i a Ietū i hau rō atu i te hauhaꞌa ki te piru, he meꞌe e ŋaro nō. Mo hio-hio mo oho nō o te tātou manaꞌu ꞌi ruŋa i a Ietū ka ai atu e rahi rō ꞌā te ꞌati topa mai, ꞌi te hora o te hoki iŋa mai o Ietū Kiritō, he koa te ꞌAtua ꞌe he haka paka he haka nui-nui i a tātou.

Meꞌe Haka Takeꞌa 2:14

’Ka ai atu pē ira, e ai rō ꞌā tāꞌaku ture māꞌau: ꞌi te kona ena e ai rō ꞌā te kōrua nuꞌu ko te maꞌu iŋa ꞌana i te haka tere iŋa era ꞌa ⌊Vārama⌋. O te kope nei, paꞌi, i hāpī i a Vāraka pē hē ana haka hara i te itaraera hai haka haŋu i a rāua mo kai i te kai tūtia ki te ꞌītoro ꞌe mo moe i te viꞌe ꞌe i te taŋata taꞌe he viꞌe ꞌo he kenu ꞌāꞌana.

Meꞌe Haka Takeꞌa 21:18

Rā ꞌāua i aŋa ai hai māꞌea hopeꞌa o te nehe-nehe he jaspe, ꞌe rā kona moꞌa era hai piru mau nō e māꞌeha rō ꞌā pa he hiꞌo.

Meꞌe Haka Takeꞌa 3:18

ꞌO ira, mo haŋa ōꞌou mo ꞌono parautiꞌa, e hoꞌo, mai i a au, i te piru riva-riva tunu hai ahi; ꞌe e hoꞌo takoꞌa, mai i a au, i te kahu tea-tea mo uru mo ꞌapi i te haꞌamā o tuꞌu kahu kore, ꞌe i te rāꞌau mo paru o te mata mo takeꞌa.