1 Kōrinto 3:11 - Rapa Nui

¹¹ Te hare aŋa e te ꞌAtua e tahi mau nō mekerā ꞌi ruŋa e haka tuꞌu ena te hare, ko Ietū Kiritō, ꞌe ꞌina e tahi kope mo mono i te mekerā nei.

1 Kōrinto 3:11 ပူးပေါင်းရင်းမြစ်များ

Māteo 16:18

ꞌĪ a au he kī atu: a koe ko Pētero, te haꞌaauraꞌa: «he māꞌea»; ꞌe pa he māꞌea hai ia e haꞌamata e titi ena i te hare, hai koe a au ka haꞌamata ka haka rahi ena i te nuꞌu ⌊haka moe i te manaꞌu⌋ ꞌi ruŋa i a au, ꞌe ꞌina e ko ai ꞌi ruŋa i a rāua te pūai o te mate.

1 Kōrinto 3:10

Hai riva rahi o te ꞌAtua, ꞌāꞌaku i haꞌamata i hāpī atu ki a kōrua i te parau ꞌāpī riva-riva o ruŋa i a Ietū Kiritō; ꞌe, takoꞌa, i hāꞌūꞌū i te nuꞌu raꞌe o kōrua mo haka moe i te rāua manaꞌu ꞌi ruŋa i a Ietū, pa he kope ꞌāꞌana i aŋa i te mekerā ꞌi ruŋa ka haka tuꞌu era te hakari o te hare. ꞌE, hora nei, o te tētahi te hāpī te oho atu o ruŋa i a Ietū mo haka hio-hio o kōrua ꞌi te ara o te ꞌAtua, pa he nuꞌu o rāua te haka tuꞌu i te hakari o te hare ꞌi ruŋa i te mekerā. Te meꞌe nō, e uꞌi e aŋa riva-riva te hare.

1 Kōrinto 3:12

ꞌI ruŋa i te mekerā nei te hare ana haka tuꞌu hai meꞌe hio-hio pa he piru, pa he parata, pa he māꞌea hopeꞌa ena o te nehe-nehe ꞌe o te hauhaꞌa, ꞌe taꞌe ꞌō hai meꞌe e vera nō pa he miro, pa he mauku, ꞌe pa he ꞌohe.

Ēfeto 2:20

A tātou, te nuꞌu taꞌatoꞌa haka moe i te manaꞌu ꞌi ruŋa i a Ietū, pa he māꞌea o te hare e tahi aŋa e te ꞌAtua. Te hāpī o te ⌊ꞌāpōtoro⌋ ꞌe o te perofeta pa he mekerā ꞌi ruŋa e haka tuꞌu ena i rā hare, ꞌe a Ietū pa he māꞌea matuꞌa haka noho hare.

2 Timoteo 2:19

Ka ai atu pē ira, te nūnaꞌa taŋata haka moe parautiꞌa i te rāua manaꞌu ꞌi ruŋa i a Ietū e hio-hio rō ꞌana pa he kona mekerā ꞌi ruŋa e haka tuꞌu ena i te hare, ꞌe ꞌi ruŋa takoꞌa i pāpaꞌi ai: «Te ꞌAtua e aŋi-aŋi rō ꞌā i tāꞌana taŋata», ꞌe, «Te nuꞌu taꞌatoꞌa haꞌamuri ki te ꞌAtua e haka tapa mai roto i te meꞌe taꞌe tano».

1 Pētero 2:4

E haka hāhine kōrua ki a ia, he māꞌea ora taꞌe haŋa era e te taŋata, māꞌea haꞌataꞌa e te ꞌAtua, ꞌe māꞌea hauhaꞌa rahi.