1 Kōrinto 3:10 - Rapa Nui

¹⁰ Hai riva rahi o te ꞌAtua, ꞌāꞌaku i haꞌamata i hāpī atu ki a kōrua i te parau ꞌāpī riva-riva o ruŋa i a Ietū Kiritō; ꞌe, takoꞌa, i hāꞌūꞌū i te nuꞌu raꞌe o kōrua mo haka moe i te rāua manaꞌu ꞌi ruŋa i a Ietū, pa he kope ꞌāꞌana i aŋa i te mekerā ꞌi ruŋa ka haka tuꞌu era te hakari o te hare. ꞌE, hora nei, o te tētahi te hāpī te oho atu o ruŋa i a Ietū mo haka hio-hio o kōrua ꞌi te ara o te ꞌAtua, pa he nuꞌu o rāua te haka tuꞌu i te hakari o te hare ꞌi ruŋa i te mekerā. Te meꞌe nō, e uꞌi e aŋa riva-riva te hare.

1 Kōrinto 3:10 ပူးပေါင်းရင်းမြစ်များ

Māteo 24:45

»E ai kōrua pa he tāvini haꞌatura ꞌe haka roŋo, kope haka pūꞌoko e te taŋata haka aŋa i a ia mo tuhaꞌa i te kai ꞌi tōꞌona hora ki te tētahi tāvini o te hare.

Māteo 7:24

»Te nuꞌu haka roŋo ꞌe aŋa i tāꞌaku meꞌe kī pa he taŋata manaꞌu riva-riva aŋa i tōꞌona hare ꞌi ruŋa i te kona hio-hio.

Ruka 11:35

»E uꞌi ꞌo ai he pōhāhā te meꞌe o roto i a koe ꞌe he manaꞌu e koe he mōrī.

Ruka 21:8

He pāhono e Ietū: —E uꞌi kōrua ꞌo haka maꞌa-maꞌa rō atu. Nuꞌu rahi te nuꞌu ka tuꞌu atu ena he kī atu ko au a rāua. Pē nei ka kī atu ena: «He Kiritō au» ꞌe «Rā hora ko te hora nei». ꞌIna kōrua ko haka roŋo.

Aŋa o te ꞌĀpōtoro 18:27

I haŋa era a ꞌĀporo mo oho ki Ākāia, he hāꞌūꞌū e te nuꞌu taina hai pāpaꞌi ki te nuꞌu haka moe i te manaꞌu ꞌi ruŋa i a Ietū o rā kona mo hāpaꞌo riva-riva. I tuꞌu era a ꞌĀporo ki Ākāia, hai hāpī ꞌāꞌana i ꞌata haka haŋu ai i te nuꞌu ko haka moe era ꞌana, hai riva rahi o te ꞌAtua, i te rāua manaꞌu ꞌi ruŋa i a Ietū.

Rōmano 1:5

A Ietū Kiritō, hai riva rahi ōꞌona, i haꞌataꞌa ai i a au mo aŋa ki a ia pa he ꞌāpōtoro, ki ai ai ꞌi te henua taꞌatoꞌa te taŋata haꞌatura ꞌe haka moe i te manaꞌu ꞌi ruŋa i a ia.

Rōmano 12:3

Pa he taŋata uŋa au e te ꞌAtua hai riva rahi ōꞌona mo haka ꞌite atu i tāꞌana roŋo, ꞌī a au he kī atu: ꞌina ko manaꞌu ꞌata hau kōrua ki te roa parautiꞌa vaꞌai atu era e te ꞌAtua. Te tano mau: e ꞌite kōrua mo haka tano i te manaꞌu ki te pūai o te kōrua haka moe iŋa o te manaꞌu ꞌi ruŋa i a Ietū Kiritō.

Rōmano 15:15

Ka ai atu pē ira, ꞌi ruŋa i te parau nei, ko pāpaꞌi ko haka ꞌite atu ꞌana a au o ruŋa i te tētahi meꞌe, ꞌo rehu i a kōrua. I pāpaꞌi atu ai ꞌo te ai te ꞌAtua hai riva rahi ōꞌona ko haka ꞌāpōtoro ꞌā i a au

Rōmano 15:20

ꞌI tōꞌoku ara, tāꞌaku meꞌe aŋa he haka ꞌite i te roŋo riva-riva o te ꞌAtua a te kona kai ꞌite ꞌā o ruŋa o Ietū Kiritō, ꞌo aŋa ꞌo oho a te kona ko haꞌamata era ꞌā te aŋa e te rua.

1 Kōrinto 3:11

Te hare aŋa e te ꞌAtua e tahi mau nō mekerā ꞌi ruŋa e haka tuꞌu ena te hare, ko Ietū Kiritō, ꞌe ꞌina e tahi kope mo mono i te mekerā nei.

1 Kōrinto 9:2

Ka ai atu a au taꞌe he ꞌāpōtoro mo te tētahi, mo kōrua ꞌē-ē. Hai kōrua, paꞌi, e takeꞌa ena he parautiꞌa mau ꞌā he ꞌāpōtoro a au.

2 Kōrinto 10:15

ꞌE ꞌina takoꞌa a mātou he teꞌo-teꞌo ꞌi te aŋa o te rua, ꞌo eꞌa a mātou mai rā roa. Te mātou meꞌe haŋa he pūai he oho te kōrua haka moe iŋa i te manaꞌu ꞌi ruŋa i a Ietū, mo ꞌata rahi mo oho te mātou aŋa ꞌi roto i a kōrua.

Ēfeto 2:20

A tātou, te nuꞌu taꞌatoꞌa haka moe i te manaꞌu ꞌi ruŋa i a Ietū, pa he māꞌea o te hare e tahi aŋa e te ꞌAtua. Te hāpī o te ⌊ꞌāpōtoro⌋ ꞌe o te perofeta pa he mekerā ꞌi ruŋa e haka tuꞌu ena i rā hare, ꞌe a Ietū pa he māꞌea matuꞌa haka noho hare.

Kōrosa 1:29

Mo te meꞌe nei a au e aŋa nei hai haŋu ꞌe hai pūai vaꞌai mai e Ietū.

Kōrosa 4:17

E kī te meꞌe nei ki a Arakipo: «E uꞌi e aŋa tahi te aŋa vaꞌai atu era e te ꞌAtua».

1 Tētārōnika 3:2

ꞌe mo uŋa atu i te tātou taina ko Timoteo mo uꞌi i a kōrua. A ia he taŋata hāꞌūꞌū ꞌi te aŋa he haka ꞌite i te ⌊roŋo riva-riva o ruŋa i a Ietū Kiritō⌋. I uŋa atu ai e mātou mo ꞌata haka pūai ꞌe mo ꞌata haka haŋu i te kōrua haka moe iŋa i te manaꞌu ꞌi ruŋa i a Ietū,

1 Timoteo 4:16

E uꞌi riva-riva te huru o tuꞌu noho iŋa ꞌe te huru o tuꞌu hāpī iŋa i te rua; e haka hio-hio e oho nō koe i te ŋā meꞌe taꞌatoꞌa ena. Mo aŋa ōꞌou pē ira, taꞌe ko koe nō te meꞌe ka eꞌa ena mai roto i te ūtuꞌa o te hara, pē ira ꞌana te nuꞌu haka roŋo atu.

2 Timoteo 2:15

E aŋa riva-riva koe i taꞌa aŋa, ki ai ai koe he taŋata tano ꞌe aŋa i te meꞌe tī-tika ꞌi muꞌa i te ꞌAtua, pa he taŋata ꞌina ōꞌona hape mo haꞌamā iŋa ꞌe, takoꞌa, hāpī riva-riva oho i te roŋo parautiꞌa o te ꞌAtua.

Tanatiako 3:1

E te taina, taꞌe taꞌatoꞌa o kōrua mo maꞌori hāpī. E ꞌite rō ꞌā, paꞌi, kōrua: ꞌata hau te paŋahaꞌa o te ture o te ꞌAtua mo mātou mo te nuꞌu haka ꞌite i tāꞌana vānaŋa ki te tētahi nuꞌu.

1 Pētero 4:11

Te auraꞌa: te kope ki a ia i vaꞌai ai e te ꞌAtua i te meꞌe he haka ꞌite i tāꞌana vānaŋa, e haka ꞌite i te vānaŋa mau ꞌā o te ꞌAtua. ꞌE te kope ki a ia i vaꞌai ai i te meꞌe he hāꞌūꞌū ki te rua, e aŋa hai pūai vaꞌai e te ꞌAtua, ki haꞌahana-hana tahi ai ki te ꞌAtua hai Ietū Kiritō, i a ia te nui-nui ꞌe te pūai ki te hora hopeꞌa. Ka ai pē ira.

2 Pētero 3:15

E manaꞌu takoꞌa kōrua: te haumārū ena o te tātou Pūꞌoko Haka Tere ko Ietū Kiritō mo tiaki nō mai he rāveꞌa e tahi ꞌāꞌana mo eꞌa o tātou o te taŋata mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. ꞌE o ruŋa i te meꞌe mau nei ꞌā i pāpaꞌi atu ai e Pauro, taina haŋa rahi ena o tātou, hai mārama-rama vaꞌai e te ꞌAtua.

Meꞌe Haka Takeꞌa 21:14

I titi ai rā ꞌāua ꞌi ruŋa i te paeŋa e hoꞌe ꞌahuru mā piti, ꞌe ꞌi ruŋa i rā ŋā paeŋa i pāpaꞌi ai te ꞌīŋoa o te hoꞌe ꞌahuru mā piti ⌊ꞌāpōtoro⌋ o te Māmoe.

Meꞌe Haka Takeꞌa 21:19

ꞌE te ŋā paeŋa era ꞌi ruŋa i aŋa ai rā ꞌāua e haka nehe-nehe rō ꞌā hai rauhuru māꞌea hopeꞌa o te nehe-nehe: te raꞌe hai jaspe, te rua hai zafiro, te toru hai ágata, te hā hai esmeralda,