1 Kōrinto 2:12 - Rapa Nui

¹² ꞌIna i a tātou i te nuꞌu ⌊haka moe i te manaꞌu⌋ ꞌi ruŋa i a Ietū, te manaꞌu iŋa ena o te taŋata o te ao. Te meꞌe i a tātou he Vārua Maitai vaꞌai mai e te ꞌAtua, mo aŋi-aŋi he aha te meꞌe taꞌatoꞌa vaꞌai mai e ia ꞌi tōꞌona riva rahi.

1 Kōrinto 2:12 ပူးပေါင်းရင်းမြစ်များ

Rōmano 8:1

Hora nei ꞌina he ūtuꞌa toe mo tātou mo te nuꞌu ꞌa Ietū Kiritō, nuꞌu ⌊haka moe i te manaꞌu⌋ ꞌi ruŋa i a ia,

Rōmano 8:32

I ai era i vaꞌai nō mai i tāꞌana Poki mo mate mo tātou, ¿pē hē ia ana taꞌe vaꞌai takoꞌa mai i te meꞌe taꞌatoꞌa?

1 Kōrinto 1:27

I haꞌataꞌa ai e te ꞌAtua i te taŋata māꞌana hai nuꞌu taꞌe hāpī ꞌe taꞌe mārama-rama rahi, ki te manaꞌu taŋata, mo haka haꞌamā i te nuꞌu hāpī rahi. I haꞌataꞌa takoꞌa rō i te nuꞌu taꞌe pūai, ki te kī o te taŋata, mo haka haꞌamā i te nuꞌu pūai.

1 Kōrinto 2:6

Te parautiꞌa, ꞌi roto i te nuꞌu e hio-hio rō ꞌā te rāua haka moe iŋa i te manaꞌu ꞌi ruŋa i a Ietū e hāpī nei a mātou hai vānaŋa mārama-rama, ꞌe rā mārama-rama taꞌe he mārama-rama o te taŋata ꞌo he mārama-rama o te nuꞌu pūꞌoko haka tere o te ao nei. Te pūai, paꞌi, o te rāua mārama-rama pe te ŋaro pe te oho nō.

1 Kōrinto 3:22

a Pauro, a ꞌĀporo, a Tefa, te ao, te ora, te mate, te hora nei, pe muꞌa ka oho ena; taꞌatoꞌa meꞌe o kōrua,

2 Kōrinto 4:4

Te nuꞌu nei, ꞌi te taꞌe haka moe i te rāua manaꞌu ꞌi ruŋa i a Ietū, ko haka pōhāhā ꞌā i te rāua manaꞌu e Rukifero, ꞌatua o te ao nei, ꞌo aŋi-aŋi, ꞌo takeꞌa i te māꞌeha o te mōrī o te roŋo riva-riva o ruŋa i te pūai ꞌe i te nui-nui o te ⌊Kiritō⌋, ꞌāriŋa ora o te ꞌAtua.

Ēfeto 2:2

Te noho iŋa era o kōrua e haka tano era ki te noho iŋa taꞌe tano o te nuꞌu o te ao nei taꞌe haŋa ki te ꞌAtua, ꞌe e aŋa era i te meꞌe haŋa ꞌa Rukifero, he pūꞌoko haka tere o te tātane e noho mai ena ꞌi roto i te tokerau. ꞌĀꞌana te haka tere i te manaꞌu o te nuꞌu taꞌe haꞌatura ki te ꞌAtua.

Tanatiako 4:5

Taꞌe i hāꞌaki tahaŋa nō ꞌi ruŋa i te ⌊Pāpaꞌi Moꞌa⌋: «Te ⌊Vārua Maitai⌋ uŋa mai e te ꞌAtua ki roto i te tātou māhatu e haŋa rō ꞌana mo ai o tātou o te ꞌAtua mau nō».

1 Iovani 2:20

ꞌE a kōrua ko haꞌataꞌa ꞌana e Ietū Kiritō māꞌana hai vaꞌai atu i te ⌊Vārua Maitai⌋. ꞌO ira a kōrua taꞌatoꞌa e ꞌite ena i te hāpī parautiꞌa.

1 Iovani 2:27

ꞌIna ko rehu: a kōrua ko haꞌataꞌa ꞌā e Ietū Kiritō māꞌana hai vaꞌai atu i te Vārua Maitai, ꞌe taꞌe i te taŋata te vānaŋa hopeꞌa o ruŋa i te meꞌe o te ꞌAtua. Mo te Vārua Maitai e haka ꞌite atu o ruŋa i te meꞌe taꞌatoꞌa ꞌe tāꞌana hāpī he parautiꞌa, taꞌe he reo-reo. ꞌE, pa he meꞌe haka ꞌite atu e ia, ꞌina kōrua ko haka tapa mai muri i a Ietū Kiritō.

Meꞌe Haka Takeꞌa 12:9

He ava i rā manuꞌino ananake ko tāꞌana vaꞌehau ki ruŋa i te henua. Rā manuꞌino ko te kōreha era o te noho iŋa tuai era ko Rukifero, he kope reo-reo ki te taŋata o te henua taꞌatoꞌa.

Meꞌe Haka Takeꞌa 22:6

He kī mai e te merahi: «Te meꞌe haka takeꞌa ꞌe haka ꞌite atu era he parautiꞌa ꞌe e ko taꞌe haka tano. O te Pūꞌoko Haka Tere mau ꞌā, he ꞌAtua, kope haka ꞌite ki te perofeta i te rāua meꞌe mo haka ꞌite, i uŋa i tāꞌana merahi mo haka takeꞌa ki tōꞌona tāvini i te meꞌe e ko roa ka topa rō ena».