1 Kōrinto 16:8 - Rapa Nui

⁸ ꞌĪ a au ꞌi Ēfeto ꞌe ka noho nei a au ꞌātā ki oti te ⌊ŋoŋoro o te Peneketote⌋,

1 Kōrinto 16:8 ပူးပေါင်းရင်းမြစ်များ

Aŋa o te ꞌĀpōtoro 18:19

I tuꞌu era ki Ēfeto ꞌi tū ara era ki Tīria, he haka rē e Pauro i a Pirisira ararua ko ꞌĀkira ꞌi ira. ꞌE, ꞌi raꞌe ki tōꞌona reva haka ꞌou, he oho he vānaŋa ananake ko te nuꞌu hūrio ꞌi roto i te rāua hare pure.

Aŋa o te ꞌĀpōtoro 18:21

He ꞌaroha he kī ki rā nuꞌu: «Mo haŋa o te ꞌAtua, e hoki haka ꞌou rō mai a au». I oti era he eke ki ruŋa i te pahī he oho mai Ēfeto.

Aŋa o te ꞌĀpōtoro 19:1

ꞌI te hora o ꞌĀporo ꞌi Kōrinto ꞌā, he kona o Ākāia, ꞌai a Pauro e oho era a te kona maꞌuŋa ꞌātā ka tuꞌu rō ki Ēfeto. ꞌI ira i piri ai ki te tētahi nuꞌu ⌊haka moe i te manaꞌu⌋ ꞌi ruŋa i te ꞌAtua.

Aŋa o te ꞌĀpōtoro 2:1

I tano era te ⌊ŋoŋoro o te Peneketote⌋, e tahi nō kona i taka-taka tahi ai te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū.

Aŋa o te ꞌĀpōtoro 20:16

I aŋa ai pē nei he taꞌe haŋa o Pauro mo oho ki Ēfeto ꞌo noho rahi ꞌi ꞌĀtia; e haŋa rō ꞌana, paꞌi, mo tuꞌu hōrou ki Hērutarema ki te mahana o te ⌊Peneketote⌋.

1 Kōrinto 15:32

ꞌE mo ai he parautiꞌa ꞌina he nuꞌu he ora haka ꞌou mai te mate, ¿e ai rō hō te manaꞌu o te ao nei tano mo haka moto i a au ki te nuꞌu o Ēfeto tuꞌu pa he ꞌanimare taehae pa he meꞌe aŋa e au? Mo taꞌe ora ia o te nuꞌu mai te mate, i hau ꞌi te riva mo aŋa o tātou pa he meꞌe kī e te nuꞌu: «¡Ki kai, ki unu; āpō, he mate ꞌe he oti mau rō ꞌai!».