1 Kōrinto 16:7 - Rapa Nui

⁷ ꞌIna a au e ko haŋa mo hipa ꞌiti-ꞌiti nō atu mo uꞌi i a kōrua; e haŋa rō ꞌana mo roa ꞌiti o tōꞌoku noho iŋa atu, ana haŋa te ꞌAtua.

1 Kōrinto 16:7 ပူးပေါင်းရင်းမြစ်များ

Māteo 3:15

He pāhono e Ietū: —Mo te hora nei ka haka rē pē nā ꞌā, mo haka tano tahi i te meꞌe haŋa o te ꞌAtua. He papatito ia e Iovani.

Aŋa o te ꞌĀpōtoro 18:21

He ꞌaroha he kī ki rā nuꞌu: «Mo haŋa o te ꞌAtua, e hoki haka ꞌou rō mai a au». I oti era he eke ki ruŋa i te pahī he oho mai Ēfeto.

Rōmano 1:10

ꞌe ꞌi roto i tāꞌaku pure he ani nō tāꞌaku aŋa ki a ia mo oho atu ōꞌoku mo uꞌi i a kōrua, ana haŋa a ia.

1 Kōrinto 4:19

ꞌE, mo haŋa o te ꞌAtua, e ko roa hia he tuꞌu atu a au. ꞌI rā hora ka uꞌi nei a au: e pūai rō ꞌana a rāua ꞌo he haka kē nō mo vānaŋa te rāua meꞌe.

2 Kōrinto 1:15

ꞌE he ꞌite ōꞌoku e koa rō ꞌana a kōrua mo mātou, i topa mai ai te manaꞌu mo hipa atu mo uꞌi i a kōrua ꞌi tōꞌoku ara ki Mātērōnia ꞌe, takoꞌa, ꞌi tōꞌoku hoki iŋa mai; pē ira e rua tātou koa iŋa. ꞌE ꞌi tōꞌoku hoki iŋa mai takoꞌa, e tano nō kōrua mo hāꞌūꞌū mai hai rāveꞌa mo tōꞌoku ara ki Hūrea, ana haŋa kōrua.

Tanatiako 4:15

Te meꞌe mau o kōrua mo kī: «Ana haŋa te ꞌAtua he ora tātou, ꞌe ana haŋa takoꞌa a ia he aŋa tātou i te meꞌe nei ꞌo i te meꞌe era».