1 Kōrinto 16:2 - Rapa Nui

² ꞌI te mahana tāpati taꞌatoꞌa, e haꞌataꞌa ꞌi te kōrua hare e tahi ꞌapa o te tara ai o kōrua ꞌe ꞌai ka hāpaꞌo rō, ki tuꞌu atu a au, ko haꞌataꞌa era ꞌā, ꞌo haka taka-taka iho kōrua ꞌi rā hora.

1 Kōrinto 16:2 ပူးပေါင်းရင်းမြစ်များ

Marko 14:8

ꞌE te viꞌe nei ko aŋa ꞌā i tāꞌana meꞌe i tano mo aŋa: ꞌī ko haka ꞌeo era ꞌā i tōꞌoku hakari mo tōꞌoku hora tanu.

Ruka 16:10

»Te kope aŋa tī-tika i te aŋa ꞌiti-ꞌiti, pē ira ꞌā ka aŋa tī-tika era i te aŋa nui-nui; ꞌe te kope taꞌe aŋa tī-tika i te aŋa ꞌiti-ꞌiti, pē ira ꞌā ka taꞌe aŋa tī-tika era i te aŋa nui-nui.

Ruka 24:1

ꞌI te mahana raꞌe o te tāpati, he mahana tāpati, ꞌi te pō era ꞌā, he hoki rā ŋā viꞌe ki te kona haka rē i te hakari o Ietū e maꞌu rō ꞌana i te manoꞌi haka rito e rāua mo paru o tōꞌona hakari.

Iovani 20:19

ꞌI te ahi-ahi o rā mahana raꞌe era o te tāpati, e taka-taka rō ꞌana te nuꞌu hāpī ꞌa Ietū ꞌi roto i te hare e tahi e tāmaꞌu rō ꞌā te ꞌōpani he riꞌa-riꞌa ꞌi te nuꞌu ra-rahi o te ⌊hūrio⌋. E no-noho nō ꞌana he māroa atu a Ietū ꞌi vāeŋa o rāua he ꞌaroha: «Ka ai ꞌi ruŋa i a kōrua te haumārū o te ꞌAtua».

Iovani 20:26

Ka vaꞌu mahana pe muꞌa, he taka-taka haka ꞌou te nuꞌu hāpī ꞌa Ietū ꞌi te hare e tahi. ꞌI rā mahana ꞌi muri i a rāua a Tōmā. E tāmaꞌu rō ꞌana te ꞌōpani o rā hare, he māroa atu a Ietū ꞌi vāeŋa o rā nuꞌu ꞌe he ꞌaroha: «Ka ai ꞌi ruŋa i a kōrua te haumārū o te ꞌAtua».

Aŋa o te ꞌĀpōtoro 20:7

ꞌI te mahana raꞌe o te tāpati, he mahana tāpati, he taka-taka a mātou mo kai i te haraoa, he meꞌe mo manaꞌu ki te mate iŋa o Ietū, ꞌe ko Pauro i noho i vānaŋa ki te nuꞌu haka moe i te manaꞌu ꞌi ruŋa i a Ietū. ꞌI te ai he oho ꞌi te rua mahana, he ꞌata haka roa-roa i tāꞌana vānaŋa ꞌātā ki te ꞌahuru mā piti o te pō.

2 Kōrinto 8:10

Mo te kōrua riva-riva he haka ꞌite atu a au i tōꞌoku manaꞌu o ruŋa i tū meꞌe haꞌamata aŋa era e kōrua hai koa ꞌi tū matahiti oti ena, he haka taka-taka i te moni mo te nuꞌu veve o Hērutarema.

Meꞌe Haka Takeꞌa 1:10

ꞌI ira, ꞌi te mahana tāpati e tahi, mahana o te ꞌAtua, he haka moe vārua i a au e te ⌊Vārua Maitai⌋, ꞌe he ŋaroꞌa e au i te reꞌo pūai pa he koneta ꞌi tuꞌa i a au